<p><span style="color: #000000;">ព័ត៌មានកីឡា៖ ខ្សែប្រយុទ្ធរបស់ក្លឹប Real Madrid បដិសេធនឹងការធ្វើកិច្ចសម្ភាសន៍អំពី សំណុំរឿងក្ដី ពុករលួយ របស់ FIFA ដែលកំពុងតែឆាបឆេះយ៉ាងក្ដៅគគុក ក្នុងវិស័យកីឡាបាល់ទាត់ ។ </span></p>
<p><span style="color: #000000;">កីឡាករ Cristaino Ronaldo បានអះអាងប្រាប់ទៅអ្នកការសែត CNN ថា លោកមិនខ្វាយខ្វល់ អំពីរឿងរ៉ាវ ទាក់ទងទៅនឹង អំពើខុសច្បាប់នៅក្នុង FIFA នោះទេ ហើយម្យ៉ាងវិញទៀត គាត់ក៏មិននិយាយអ្វីដែលទាក់ទងនឹងរឿងនោះដែរ ។ </span></p>
<p><span style="color: #000000;">FIFA កំពុងតែស្ថិតក្នុង ការតាមដានស៊ើបអង្កេតយ៉ាងរសើប ពីភ្នាក់ងារ FBI លើករណីសង្ស័យ អំពើពុករលួយ ក្រោយពីឈានដល់ការចាប់ខ្លួន មន្ដ្រី FIFA និងមន្ដី្រស៊ីវិល រហូតដល់ទៅ ១៤នាក់។ រឿងក្ដីដ៏រសើបនេះ បានធ្វើឲ្យអង្គភាព FIFA ទាំងមូលមានភាពរង្គោះរង្គើរជាខ្លាំង រហូតប៉ះដល់ លោក Sepp Blatter ផងដែរ ខណៈដែលចង់ចុះចេញពីដំណែង ក្នុងពេលឆាប់ៗនេះ ។ ហើយសម្រាប់ ខ្សែប្រយុទ្ធរបស់ ក្លឹប Real Madrid ក៏បានបដិសេធ នឹងមិនបន្ដកិច្ចសម្ភាសទាំងឡាយណាទាក់ទងទៅនឹងសំណុំរឿងក្ដីនេះផងដែរ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/8/3/8-3-2015-10-00-44-am-03-08-2015--10-06-26.png"><span style="color: #000000;"><img src="/FileManager/Articles/mce/2015/8/3/8-3-2015-10-00-44-am-03-08-2015--10-06-26.png" alt="" /></span></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ app.onefootball</span></p>
<p style="text-align: right;"><span><br /></span></p>