<p><span style="color: #000000;"><strong>(ភ្នំពេញ)៖</strong> សហភាពសហព័ន្ធអ្នកសារព័ត៌មានកម្ពុជា (ស.ស.ស.ក) នៅថ្ងៃទី២៦ ខែមករា ឆ្នាំ២០១៧នេះ ចេញសេចក្តីថ្លែងការណ៍មួយ បានបង្ហាញជំហរគាំទ្រ ដល់ចំណាត់ការរបស់ ក្រសួងព័ត៌មានចំពោះការបិទកម្មវិធី ABC 3 Spring របស់វិទ្យុ ABC ដែលផ្សាយ នៅលើកញ្ចក់ទូរទស្សន៍ប៉ុស្តិ៍លេខ៣។</span></p>
<p><span style="color: #000000;">សហភាពសហព័ន្ធអ្នកសារព័ត៌មានកម្ពុជា បានឱ្យដឹងថា វិធានការនេះ នឹងក្លាយជា «មូលដ្ឋានគំរូ» ដើម្បីក្រសួងមានវិធានការដូចគ្នា ចំពោះអង្គភាព ឬបុគ្គលដទៃទៀត ដែលប្រព្រឹត្ត ប្រាស់ចាកក្រមសីលធម៌វិជ្ចាជីវៈ និងប្រព្រឹត្តខុសច្បា់ប។ ជាមួយគ្នានេះ ស.ស.ស.ក យល់ឃើញថា ការយល់ច្រឡំតួនាទី និងការបំពេញតួនាទី ដោយមិនអនុលោមតាម ក្រមសីលធម៌វិជ្ជាជីវៈ គឺពិតជាបង្កើតស្ថានភាពច្របូកច្របល់ អសីលធម៌ ប៉ាតណាប៉ាតណី និងបង្កផលប៉ះពាល់ធ្ងន់ធ្ងរដល់សីលធម៌សង្គមជាតិ ញែកប្រជាជន និងនាំដល់បែកបាក់សាមគ្គីជាតិ។</span></p>
<p><span style="color: #000000;">លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន កាលពីថ្ងៃទី២៤ ខែមករា ឆ្នាំ២០១៧ បានចេញលិខិតមួយ ដោយបង្គាប់ឱ្យទូរទស្សន៍ប៉ុស្តិ៍លេខ៣ ឈប់ជួលម៉ោងឱ្យវិទ្យុ ABC។ នេះបើយោងតាមលិខិតរបស់ក្រសួងព័ត៌មានដែលអង្គភាពព័ត៌មាន Fresh News ទទួលបាន។</span></p>
<p><span style="color: #000000;">លោក ខៀវ កាញារីទ្ធ បានបញ្ជាក់ថា កម្មវិធីនេះ ធ្វើឱ្យមហាជនជាច្រើនរិះគន់ទៅលើពិធីករ ពិធីការិនី ដែលបានប្រព្រឹត្តិនូវអំពើពុំគួរគប្បី ដោយសម្តែងកាយវិការមិនសមរម្យ ការប្រើពាក្យសម្តីខ្វះសីលធម៌ វិជ្ជាជីវៈ ជាអ្នកសារព័ត៌មាន និងបានប្រមាថមើលងាយអ្នកស្តាប់៕</span></p>
<p><span style="color: #000000;"><strong>ខាងក្រោមនេះជាសេចក្តីថ្លែងការណ៍របស់ស.ស.ស.ក៖</strong></span></p>
<p><span style="color: #000000;"><strong><br /><a class="thickbox" title="" href="/FileManager/Commons/2017/1/27/1-27-01-2017--08-48-09.png"><img src="/FileManager/Articles/mce/2017/1/27/1-27-01-2017--08-48-09.png" alt="" /></a><br /></strong></span></p>
<p><span style="color: #000000;"><img src="http://image.freshnewsasia.com/2017/011/fn-2017-01-26-18-30-22-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>