CamNews

ក្រុមអ្នកវិទ្យាសាស្ដ្រអេស្ប៉ាញ បានរកឃើញ “មហាផែនដី” ថ្មីមួយ មានចម្ងាយពីប្រព័ន្ធព្រះអាទិត្យ ៣២,៧ឆ្នាំពន្លឺ និងមានទំហំធំជាងផែនដី ៥,៤ដង។ <a class="thickbox" title="" href="/FileManager/Commons/2016/11/21/super-earth-21-11-2016--09-35-48.jpg"><img src="/FileManager/Articles/mce/2016/11/21/super-earth-21-11-2016--09-35-48.jpg" alt="" /></a> ក្រុមអ្នកតារាវិទ្យាមកពីវិទ្យាស្ថានតារារូបវិទ្យានៃប្រជុំកោះ Canary របស់ប្រទេសអេស្ប៉ាញ ទើបតែ បានប្រកាសឱ្យដឹងអំពីការស្រាវជ្រាវមួយស្ដីអំពី “មហាផែនដី” ដែលមានចម្ងាយពីប្រព័ន្ធព្រះអាទិត្យ ៣២ឆ្នាំពន្លឺ នេះបើតាម IFL Science ចុះផ្សាយកាលពីថ្ងៃទី ១៨វិច្ឆិកា កន្លងទៅ។ “មហាផែនដី” គឺ ជាឈ្មោះដែលគេសំដៅលើបណ្ដាភពក្រៅប្រព័ន្ធព្រះអាទិត្យ ដែលមានទំហំធំជាងផែនដីច្រើនដង។  ភពថ្មីនេះ មានឈ្មោះថា GJ 536 b វិលជុំវិញផ្កាយក្រហម GJ 536 ។ ភពនេះត្រូវបានគេគន់គូរ ឃើញថា មានទំហំធំជាងផែនដី ៥,៤ដង។ បរិស្ថាននៅលើភព GJ 536 b ពិតជាពិបាកក្នុងការរស់នៅ។ ប៉ុន្តែ ក្រុមអ្នកវិទ្យាសាស្ដ្រសង្ឃឹមថា នឹងអាចរកឃើញភពផ្សេងមួយទៀតដែលមានផ្កាយមេរួមគ្នា ដែលអាចមានជីវិតរស់នៅ។ Alejandro Suárez Mascareño ប្រធានក្រុមសិក្សាស្រាវជ្រាវបានឱ្យដឹងថា “យើងខ្ញុំជឿថាអាចនឹង រកឃើញបណ្ដាភពដែលមានទំហំតូចផ្សេងទៀតក្នុងគន្លងគោចរដែលនៅឆ្ងាយពីផ្កាយមេ”។ ក្រុមតារាវិទូសង្ឃឹមថា នឹងរកឃើញប្រព័ន្ធមួយដូចទៅនឹង Trappist 1 ពោលគឺផ្កាយក្រហមមួយ ដែលមានភពចនួនបី ស្ថិតក្នុងតំបន់ដែលអាចរស់នៅបាន។ GJ 536 b មិនស្ថិតក្នុងតំបន់ដែលអាច រស់នៅបាន ប៉ុន្តែ បណ្ដាភពផ្សេងក្នុងប្រព័ន្ធជាមួយវា គឺអាច។ Jonay Isaí González ជាអ្នកស្រាវជ្រាវម្នាក់បាននិយាយថា ៖ “GJ 536 b វិលតាមគន្លងគោចរជុំ វិញ GJ 536 ដែលជាផ្កាយតូច និងត្រជាក់ជាងព្រះអាទិត្យ”។ បច្ចុប្បន្ន ក្រុមអ្នកវិទ្យាសាស្ដ្រខាងលើ កំពុងធ្វើការសិក្សាស្រាវជា្រវបន្ត ដើម្បីអាចរកឃើញភព ផ្សេងស្ថិតក្នុងប្រព័ន្ធផ្កាយខាងលើ។ ប្រែសម្រួល ៖ តារា ប្រភព ៖ Dailymail

រកឃើញភពថ្មីមួយទៀតហើយ ដែលមានចម្ងាយ ៣៣ឆ្នាំពន្លឺពីព្រះអាទិត្យ