<p><span style="color: #000000;"><strong>(ភ្នំពេញ)៖</strong> យោងតាមការជូនដំណឹងរបស់សហព័ន្ធកីឡាបាល់ទាត់កម្ពុជា បានឲ្យដឹងថា សម្រាប់សំបុត្រចូលរួមទស្សនាការប្រកួតមិត្តភាពអន្ដរជាតិរវាងក្រុមជម្រើសជាតិកម្ពុជា ជាមួយក្រុមហុងកុង និងក្រុមជម្រើសជាតិស្រីលង្កា នាសប្ដាហ៍ក្រោយនេះ ត្រូវបានដាក់លក់ជាផ្លូវការចាប់ពីថ្ងៃនេះទៅហើយ ក្នុងតម្លៃ ១ម៉ឺនរៀល និង ៥ពាន់រៀលដដែល។</span></p>
<p><span style="color: #000000;">គួរបញ្ជាក់ថា ការប្រកួតមិត្តភាពអន្ដរជាតិជើងទី២ រវាងក្រុមគោព្រៃកម្ពុជា និងក្រុមហុងកុង នឹងធ្វើឡើងនៅថ្ងៃទី០៦ ខែតុលាខាងមុខនេះ នៅលើទីលានពហុកីឡដ្ឋានជាតិក្នុងរាជធានីភ្នំពេញ ។ ប៉ុន្ដែក្រុមទាំងពីរធ្លាប់ប្រកួតមិត្តភាពជើងទី១ ម្ដងរួចហើយកាលពីដើមខែកញ្ញានេះ គឺក្រុមម្ចាស់ផ្ទះហុងកុង បានយកឈ្នះជម្រើសជាតិកម្ពុជា ៤-២។</span></p>
<p><span style="color: #000000;">ដោយឡែកជំនួបមិត្តភាពជាមួយក្រុមជម្រើសជាតិស្រីលង្កា ក៏ធ្វើឡើងលើទីលានពហុកីឡដ្ឋានជាតិដូចគ្នា នាថ្ងៃទី០៩ ខែតុលាខាងមុខ ហើយការប្រកួតមិត្តភាពអន្ដរជាតិទាំង ២ប្រកួតនេះ គឺជាការប្រកួតចុងក្រោយរបស់ក្រុមជម្រើសជាតិកម្ពុជា សម្រាប់ការត្រៀមធ្វើម្ចាស់ផ្ទះវគ្គជម្រុះពានរង្វាន់ AFF Suzuki Cup 2016 ដើម្បីដណ្ដើមកៅអីជុំផ្ដាច់ព្រ័ត្រ ដោយមានក្រុមវៀតណាម មីយ៉ាន់ម៉ា និងម៉ាឡេស៊ី កំពុងអង្គុយចាំក្នុងពូលB ៕</span></p>
<p><span style="color: #000000;"><img src="https://scontent-hkg3-1.xx.fbcdn.net/t31.0-8/14424742_1795211860716314_5227093072060902384_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xfa1/t31.0-8/14444683_1795122647391902_1405892988804728283_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>