<p><span style="color: #000000;"><strong>(ស៊ីដនី)៖</strong> យន្តហោះរបស់ក្រុមហ៊ុន Jetstar និង AirAsia បានប្រឈមមុខនឹងគ្រោះថ្នាក់ ដោយប៊ិះនឹងប៉ះទង្គិចគ្នាលើ ដែនអាកាសអំឡុងពេលចុះចតនៅព្រលានយន្តហោះក្នុងតំបន់ Gold Coast នៃប្រទេសអូស្ត្រាលីទៅហើយ។ នេះបើតាមការចេញផ្សាយ ដោយទីភ្នាក់ងារព័ត៌មានចិនស៊ិនហួរ នាព្រឹកថ្ងៃសុក្រ ទី២៩ ខែកក្កដា ឆ្នាំ២០១៦។</span></p>
<p><span style="color: #000000;">អាជ្ញាធរអូស្ត្រាលីបានបញ្ជាក់នៅមុននេះបន្តិចថា តាមពិតទៅហេតុការណ៍ដ៏គួរឲ្យព្រឺព្រួចខាងលើនេះ បានកើតឡើង តាំងពីថ្ងៃព្រហស្បតិ៍មកម្ល៉េះ ដោយយន្តហោះរបស់ AirAsia បានហោះចូលមកកៀកយន្តហោះ Jetstar ចម្ងាយពីគ្នា តែ១៥២ម៉ែត្រប៉ុណ្ណោះ ជាហេតុនាំឲ្យសំឡេងប្រកាសអាសន្ន រោទ៍ឡើងពេញបន្ទប់បញ្ជាការហោះហើរតែម្តង។ </span><br /><span style="color: #000000;">ការិយាល័យសុវត្ថិភាពដឹកជញ្ជូនអូស្ត្រាលី បានឲ្យដឹងថា ពីឡុតរបស់យន្តហោះ Jetstar ត្រូវបានបង្ខំឲ្យហោះទៅ ចុះចតនៅផ្លូវផ្សេង ក៏ព្រោះតែយន្តហោះ AirAsia បានបង្ខំយកផ្លូវដែលខ្លួនត្រូវចុះចតនោះ ក្នុងន័យរំដោះខ្លួនពី ភាពអាសន្ន ខណៈសំឡេងប្រកាសអាសន្នបានលាន់ឮពាសពេញបន្ទប់ទៅហើយ។</span></p>
<p><span style="color: #000000;">គួរបញ្ជាក់ថា កម្រិតដែលយន្តហោះកំពុងដំណើរការហោះហើរលើអាកាស ឬត្រៀមចុះចតអាចមានចម្ងាយកៀកគ្នា បំផុតត្រឹមតែ ៣០៥ម៉ែត្រប៉ុណ្ណោះ ចុះទម្រាំពេលនេះវាកៀកគ្នាខ្លាំងជាងកម្រិតប្រកាសអាសន្នរហូតដល់ ១៥២ម៉ែត្រវិញ តើវាគួរឲ្យព្រឺក្បាលបែបណាទៅ? ហេតុការណ៍នេះបានកើតឡើងនៅព្រលានយន្តហោះ Coolangatta នៃរដ្ឋQueensland នៃប្រទេសអូស្ត្រាលី ហើយសម្រាប់យន្តហោះ Jetsrart ជាប្រភេទ A320 ដឹកមនុស្ស ១៨០នាក់ ដោយឡែកយន្តហោះ AirAsia ជាប្រភេទ A330៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/7/29/11e-29-07-2016--11-11-32.jpg"><img src="/FileManager/Articles/mce/2016/7/29/11e-29-07-2016--11-11-32.jpg" alt="" /></a></span></p>
<p> </p>
<p style="text-align: right;"><br /><span style="color: #000000;">ប្រភព ៖ ស៊ិនហួរ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>