<p><span style="color: #000000;"><strong>ភ្នំពេញ ៖</strong> សមត្ថកិច្ចបានឱ្យដឹងថា នៅប្រមាណម៉ោងជាង ៣រសៀល ថ្ងៃទី២៧ ខែវិច្ឆិកា ឆ្នាំ២០១៤នេះ មានករណី អគ្គិភ័យមួយ បានឆេះផ្ទះប្រជាពលរដ្ឋមួយខ្នង នៅភូមិពង្រ សង្កាត់ស្នោ ខណ្ឌពោធិ៍សែនជ័យ រាជធានីភ្នំពេញបណ្តាល ឱ្យខ្ទេចខ្ទី នៅសល់តែគ្រោងឆ្អឹង ។</span></p>
<p><span style="color: #000000;">តាមសម្តីរបស់សមត្ថកិច្ច បានឱ្យដឹងថា ផ្ទះនេះមានលក្ខណៈដាច់ដោយឡែកតែឯង ដោយសង់អំពីឈើផ្នែកខាងលើ និងថ្មផ្នែកខាងក្រោម ដំបូលប្រក់ក្បឿង ជារបស់ស្រ្តីមេម៉ាយម្នាក់ ឈ្មោះ ចាន់ អឿន អាយុ៦៧ឆ្នាំ ហើយការឆេះនេះ គឺបណ្តាលមកពីទុស្សេខ្សែភ្លើង ។ ក្នុងនោះ ម៉ូតូ២គ្រឿង (ស្កុបពី និង វីវ៉ា) ក៏ត្រូវបានបំផ្លាញ ដោយអគ្គិភ័យនេះផង ដែរ ។</span></p>
<p><span style="color: #000000;">ប្រភពខាងលើបានឱ្យដឹងថា មុនកើតហេតុ ស្រ្តីម្ចាស់ផ្ទះ មិនបាននៅផ្ទះនោះទេ ។ គាត់បានទៅផ្ទះអ្នកជិតខាង ប៉ុន្តែ បន្តិចក្រោយមក ស្រាប់តែមានករណីទុស្សេខ្សែភ្លើង នៅក្នុងផ្ទះរបស់គាត់បណ្តាលឱ្យភ្លើងឆាបឆេះឡើង ។ ភ្លាមៗនោះ ស្រ្តីម្ចាស់ផ្ទះ បានរត់មកមើលក៏ឃើញអគ្គិភ័យឆេះចេញភ្លើងធំបាត់ទៅហើយ ។ ប៉ុន្តែដោយសារតែតក់ស្លុតពេក គាត់ បានដួលសន្លប់នៅលើដី ។ ចំណែកអគ្គិភ័យក៏ចេះតែឆេះ ខ្លាំងឡើង អស់មួយសន្ទុះ បណ្តាលឱ្យផ្ទះនេះ នៅសល់តែ គ្រោងឆ្អឹង និងដំបូលប៉ុណ្ណោះ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/27/11-27-2014-4-39-45-pm-27-11-2014--16-45-17.png"><img src="/FileManager/Articles/mce/2014/11/27/11-27-2014-4-39-45-pm-27-11-2014--16-45-17.png" alt="" /></a></span></p>
<p><a class="thickbox" title="" href="/FileManager/Commons/2014/11/27/11-27-2014-4-40-00-pm-27-11-2014--16-45-29.png"><img src="/FileManager/Articles/mce/2014/11/27/11-27-2014-4-40-00-pm-27-11-2014--16-45-29.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-4-40-11-pm-27-11-2014--16-45-39.png"><img src="/FileManager/Articles/mce/2014/11/27/11-27-2014-4-40-11-pm-27-11-2014--16-45-39.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-4-40-25-pm-27-11-2014--16-45-50.png"><img src="/FileManager/Articles/mce/2014/11/27/11-27-2014-4-40-25-pm-27-11-2014--16-45-50.png" alt="" /></a></p>
<p><a class="thickbox" title="" href="/FileManager/Commons/2014/11/27/11-27-2014-4-40-37-pm-27-11-2014--16-46-02.png"><img src="/FileManager/Articles/mce/2014/11/27/11-27-2014-4-40-37-pm-27-11-2014--16-46-02.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្ដល់សិទ្ធិដោយ៖ ដើមអម្ពិល</span></p>