<p><strong>ភ្នំពេញ៖</strong> តារាសម្តែង និង ជាតារាម៉ូឌែល វ័យក្មេងកញ្ញា ម៉ា នីកា បានចេញមុខច្រានចោល<br /> ចំពោះព័ត៌មានដែលបាន ចុះផ្សាយ ថា នាងបានលួចបង្កាត់ភ្លើងស្នេហ៍ក្រៅឆាក ជាមួយតារា<br />សម្តែងមានប្រជាប្រិយភាព លោក ប៉ែន ចំរ៉ុង ។</p>
<p>ផ្តល់បទសម្ភាសន៍ជាមួយភ្នាក់ងារ គេហទំព័រ LookingTODAY តាមទូរស័ព្ទ កាលពីល្ងាចថ្ងៃទី៩<br /> ខែកក្កដា ឆ្នាំ២០១៣ នេះ កញ្ញា ម៉ា នីកា បានបញ្ចេញប្រតិកម្មយ៉ាងខ្លាំង ចំពោះទស្សនាវដ្តីក្នុង<br />ស្រុកមួយ ដែលបានចុះផ្សាយថា នាងមាន ទំនាក់ទំនងស្នេហាជាមួយ លោក ប៉ែន ចំរ៉ុង និង <br />DJ ឃ្លាំង។</p>
<p>តាមរយៈគេហទំព័រ LookingTODAY ស្រីស្រស់ ម៉ា នីកា បាននិយាយប្រាប់ឱ្យដឹង ទាំងអារម្មណ៍<br />មិនសូវសប្បាយថា "បងឯងមើល....! ថ្មីៗនេះមានទស្សនាវដ្តីក្នុងស្រុកមួយនោះ បានចុះផ្សាយ ថា<br /> ខ្ញុំមានទំនាក់ទំនងស្នេហា ជាមួយលោក ប៉ែន ចំរ៉ុង ហើយមិនត្រឹមតែប៉ុណ្ណោះ ថែមទាំងលើកឡើង<br />ទៀតថា ខ្ញុំក៏កំពុងតែលួចមានទំនាក់ទំនងស្នេហាជាមួយពូ ឃ្លាំង ក្នុងពេលតែមួយ ទៀតផង។ ប៉ុន្តែ<br />ខ្ញុំក៏សូមប្រាប់ទៅដល់ទស្សនិកជន ឱ្យបានដឹងច្បាស់ថា សូមមេត្តាកុំយល់ច្រឡំ ព្រោះថា អ្វីដែល<br />ខាងទស្សនាវដ្តីមួយនេះ បានចុះផ្សាយនោះមិនមែន ជាការពិតនោះទេ គឺចុះផ្សាយដោយគ្មាន ការ<br />ពិតតែម្តង..!"។</p>
<p>កញ្ញា ម៉ា នីកា បានបន្តថា "ខាងគាត់ (ទស្សនាវដ្តី) ក៏ធ្លាប់ខលមកសម្ភាសន៍ខ្ញុំដែរ ហើយខ្ញុំក៏បាន<br />បកស្រាយ និង ឆ្លើយប្រាប់ទៅវិញថា មិនមានរឿងនេះទេ ហើយក៏អត់មានពាក់ព័ន្ធអី ជាមួយ<br />នរណាទាំងអស់។ ប៉ុន្តែនៅតែចុះផ្សាយ ផ្ទុយពីការបកស្រាយ និងចម្លើយរបស់ខ្ញុំ ដដែល ពោលគឺ<br /> មិនបានសរសេរពីអ្វីដែលខ្ញុំបកស្រាយ ឱ្យនោះឡើយ"។</p>
<p>កញ្ញា ម៉ា នីកា បានបញ្ជាក់ប្រាប់ថា ពីមុនខ្ញុំ និងបង ប៉ែន ចំរ៉ុង គឺធ្លាប់ថតសម្តែងជាមួយគ្នា។ ម្យ៉ាង<br />ទៀត ពូឃ្លាំង ហើយនឹង ខ្ញុំក៏ធ្លាប់ថតបទចម្រៀង ជាមួយគ្នាដែរ ចឹងបានជាពេលខ្លះខ្ញុំចេញទៅណា<br /> មកណាជាមួយគាត់ ដូច្នេះ ពេលដែលគេឃើញគេគិតថាខ្ញុំ មានទំនាក់ទំនងជាមួយគាត់ តាមការពិត<br />គឺអត់មាននោះទេ។</p>
<p>ម៉ា នីកា បានបន្ថែមថា "ខ្ញុំមានអារម្មណ៍មិនសប្បាយ ក្នុងចិត្តទាល់តែសោះ នៅពេលដែលឮមិត្ត<br /> ខលមកសួរម្តងហើយម្តងទៀត អំពីដំណឹងនៃ ការចុះផ្សាយព័ត៌មានពីខ្ញុំ យ៉ាងដូច្នេះ។ ខ្ញុំគិតថា <br />គាត់ (ទស្សនាវដ្តី) ចុះផ្សាយនេះ គឺធ្វើឱ្យប៉ះពាល់ខ្លាំងដល់កិតិ្តយសខ្ញុំផ្ទាល់ ហើយមួយវិញទៀត<br /> ក៏ប៉ះពាល់ដល់កេរ្តិ៍ឈ្មោះ និង កិតិ្តយស លោក ប៉ែន ចំរ៉ុង និង ពូ ឃ្លាំងផងដែរ"។</p>
<p>ទោះបីជាយ៉ាងណាក្តី កញ្ញា ម៉ា នីកា ក៏ទទួលស្គាល់ថា សព្វថ្ងៃនេះ មានបុរសៗជាច្រើន ទាំងអ្នក<br />រស់នៅក្នុងស្រុក និង ក្រៅស្រុក បាននឹងកំពុងតាមលួងលោម សុំការស្រលាញ់ពីនាង។ ប៉ុន្តែ ពេល<br />នេះនាងមិនទាន់ដាក់អារម្មណ៍គិតគូរ ទៅដល់រឿងនេះទេ គឺចង់ទុកបេះដូងឱ្យនៅទំនេរ និង ចង់រស់<br />នៅតែម្នាក់ឯងមួយរយៈទៀតសិន ទើបគិត ពីរឿងគូរអនាគត៕</p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0337.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0338.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0339.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0340.jpg" alt="Looking Today" width="500" /></p>
<p> </p>
<p style="text-align: right;"><br />ដោយ ៖ LookingToday<br />ផ្តល់សិទ្ធិដោយ ៖ ដើមអំពិល </p>