<p><strong>កាលពីថ្ងៃទី ២៤ ខែមេសា ម្សិលម៉ិញ ស្ថាប័នជាន់ខ្ពស់មួយរបស់ប្រទេសចិន បានអោយដឹង<br />ថា Apple អាចនឹងបាត់បង់សិទ្ធិក្នុងការប្រើប្រាស់ឈ្មោះផ្លាកយីហោរ iPad នៅក្នុងប្រទេស<br />ចិន ខណៈពេលដែលតុលាការប្រទេសនេះកំពុងតែរកវិធីផ្សះផ្សាជំលោះក្តីរវាង Apple និង<br />Proview ស្តីអំពីការប្រើប្រាស់ឈ្មោះ iPad ។<br /></strong></p>
<p><a href="http://www.itnews.com.vn/wp-content/uploads/2012/04/iPad-Apple.jpg"><img class="alignnone size-full wp-image-40510" title="iPad-Apple" src="http://www.itnews.com.vn/wp-content/uploads/2012/04/iPad-Apple.jpg" alt="iPad-Apple" width="500" height="333" /></a></p>
<p>Yan Xiaohong អគ្គនាយករងរបស់នាយកដ្ឋានគ្រប់គ្រងប័ណ្ណកម្មសិទ្ធិជាតិ បានផ្តល់ចំលើយនៅក្នុង<br />កិច្ចសម្ភាសមួយនៅឯទីក្រុងប៉េកាំង ថា រដ្ឋាភិបាលបានលើកឡើងថាក្រុមហ៊ុនបច្ចេកវិទ្យា Proview <br /><span id="result_box" class="short_text" lang="en"><span class="hps">Shenzhen គឺជាម្ចាស់កាន់កាប់ដោយស្របច្បាប់ផ្លាកយីហោរ</span></span> iPad នេះ។ លោកក៏បានធ្វើការសង្កត់<br />ធ្ងន់ដែរថា Apple ត្រូវតែរកដំណោះស្រាយមួយដើម្បីដោះស្រាយបញ្ហាទាល់ច្រកនេះ។</p>
<p>ការលើកឡើងរបស់លោក Yan បានដាក់ចេញនៅក្រោយពេលមានពត៌មានថា តុលាការកំពូល<br /><span id="result_box" class="short_text" lang="en"><span class="hps">Guangdong ភាគខាងត្បូងប្រទេសចិន កំពុងតែរិះរកដំណោះស្រាយ</span></span>ចំពោះករណីនេះ។ លោក Yan<br />បានអោយដឹងនៅក្នុងជំនួបកិច្ចប្រជុំជាមួយអ្នកសារពត៌មានមួយដែលធ្វើឡើងនៅលើអ៊ីនធើណែត <br />ដោយបានលើកឡើងថា " រាល់ជំលោះទាំងឡាយរវាង Apple និង Proview ដែលទាក់ទងនឹងផ្លាកយី<br />ហោរ iPad គឺកំពុងតែឆ្លងកាត់ដំណាក់កាលនៅឯតុលាការ។ ប៉ុន្តែតាមច្បាប់របស់រដ្ឋាភិបាលប្រទេស<br />ចិន, Proview គឺនៅតែជាអ្នកតំណាង និងជាអ្នកដែលប្រើប្រាស់ដោយស្របច្បាប់នូវផ្លាកយីហោរ <br />iPad "។.</p>
<p>ចិនកំពុងតែរិះរកគ្រប់មធ្យោបាយដើម្បីបង្ហាញពីការប្តេជ្ញាចិត្តក្នុងការការពារផ្លាកយីហោរ និងសិទ្ធិ<br />កាន់កាប់សិទ្ធិបញ្ញា ប៉ុន្តែចំពោះជនជាតិចិនរាប់ពាន់នាក់ដែលកំពុងតែធ្វើការនៅក្នុងរោងចក្រផលិត <br />iPhone និង iPad របស់ Apple រដ្ឋាភិបាលក៏មិនចង់ធ្វើការរារាំងការផលិតនិងការផ្សាយពាណិជ្ជកម្ម<br />របស់ Apple នោះដែរ។</p>
<p>Ma Dongxiao មេធាវីតំណាងរបស់ Proview បានអោយដឹងថាក្រុមហ៊ុននេះបានរង់ចាំអស់រយៈ<br />ពេលដ៏យូរដើម្បីដោះស្រាយអោយបានរួចរាល់ជាមួយ Apple, ដំណោះស្រាយមួយដែលក្រុមហ៊ុន<br />នេះបានលើកឡើងនោះគឺការបង់ជាប្រាក់ដែលមានចំនួនដ៏ច្រើន។</p>
<p>លោក Ma បានអោយដឹងថា " អាចនឹងមានលទ្ធភាពដែលយើងខ្ញុំនឹងធ្វើការដោះស្រាយករណីនេះ<br />ដោយស្ងៀមស្ងាត់ ដោយមិនចាំបាច់តុលាការនោះឡើយ។ តុលាការកំពូល <span id="result_box" class="short_text" lang="en"><span class="hps">Guangdong កំពុងតែ<br />ជួយសម្រុះសម្រួលក្នុងកិច្ចការនេះ" ។</span></span></p>
<p>Proview បច្ចុប្បន្នកំពុងតែមានបញ្ហាយ៉ាងធ្ងន់ធ្ងរផ្នែកហិរញ្ញវត្ថុ ,គឺជាក្រុមហ៊ុនផលិតអេក្រង់កុំព្យូទ័រ <br />និងភ្លើង LED ។ ក្រុមហ៊ុននេះបានអោយដឹងថាខ្លួនបានចុះឈ្មោះប្រើប្រាស់ផ្លាកយីហោរ iPad នេះ<br />មានរយៈពេលជាងមួយទសវត្សរ៍ហើយ។ Apple បានអោយដឹងថា Proview លក់សិទ្ធិប្រើប្រាស់<br />ឈ្មោះ iPad នៅទូទាំងពិភពលោកកាលពីឆ្នាំ ២០០៩ ,ហើយ Apple បានទិញបន្តពីក្រុមហ៊ុនជា<br />សាខារបស់ក្រុមហ៊ុន Proview នេះនៅតៃវ៉ាន់ ។ ទីស្នាក់ការធំរបស់ Proview នៅ <span id="result_box" class="short_text" lang="en"><span class="hps">Shenzhen នៅ<br />តែមានសិទ្ធិប្រើប្រាស់ផ្លាកយីហោរ </span></span>iPadនេះនៅក្នុងទីផ្សារប្រទេសចិនដដែល។</p>
<p>Carolyn Wu អ្នកនាំពាក្យរបស់ Apple,បានអោយដឹងថា បច្ចុប្បន្នក្រុមហ៊ុនមិនទាន់បានធ្វើសេចក្តី<br />អត្ថាធិប្បាយថ្មីណាមួយស្តីពីបញ្ហាដំណោះស្រាយជាមួយ Proview នេះនៅឡើយ។ ក្នុងសេចក្តី<br />ថ្លែងការណ៍មួយ, Apple បានធ្វើការរំលឹកឡើងវិញពីការអះអាងរបស់ខ្លួនកន្លងមកថា ក្រុមហ៊ុន<br />នេះមិនដែលមានគំនិតកេងប្រវ័ញ្ចផ្លាកយីហោររបស់អ្នកផ្សេងនោះឡើយ។ និងបានបន្ថែមថា <br />Proview នៅតែជំពាក់ប្រាក់មនុស្សជាច្រើន, ពួកគេកំពុងតែខិតខំដើម្បីបានប្រាក់ច្រើនជាងនេះពី <br />Apple តាមរយៈផ្លាកយីហោរមួយដែលយើងខ្ញុំបានបង់ប្រាក់ដើម្បីបានសិទ្ធិប្រើប្រាស់នោះ៕</p>
<p style="text-align: right;"><strong><em>ប្រភព៖ AP<br />ដោយ៖ រស្មី<br /></em></strong></p>