<p><span style="color: #000000;"><strong>(សេអ៊ូល)៖</strong> តាមរបាយការណ៍ថ្មី ដែលកូរ៉េខាងត្បូងទើបតែទទួលបាននោះ គឺមន្ត្រីកូរ៉េខាងជើងពីររូបទៀត ហើយត្រូវបានរបបកុម្មុយនិស្តទីក្រុងព្យុងយ៉ាង ធ្វើការប្រហារជីវិតនៅទីសាធារណតែម្តង ដោយសារលោក ទាំងពីរមិនបានបង្ហាញការគោរពចំពោះ លោក គីម ជុងអ៊ុន ដែលជាមេដឹកនាំកំពូលផុតលេខរបស់ជាតិ។ នេះបើតាមការចេញផ្សាយ នៅមុននេះបន្តិច ដោយ Channel News Asia នាព្រឹកថ្ងៃអង្គារ ទី៣០ ខែសីហា។</span></p>
<p><span style="color: #000000;">វាជាការប្រហារជីវិតមន្ត្រីកូរ៉េខាងជើង លើកចុងក្រោយ ចាប់តាំងពីមេដឹកនាំវ័យក្មេងលោក គីម ឡើងកាន់ អំណាចកាលពីឆ្នាំ២០១១ ហើយនៅរយៈពេល៥ឆ្នាំមកនេះ គេសង្កេតឃើញថា មន្ត្រីកំពូលៗ រួមទាំងសាច់ញាតិរបស់លោក គីម ខ្លួនឯងផ្ទាល់ត្រូវបានទទួលទោសប្រហារជីវិតទាំងគ្រួសារ ដោយសារតែរដ្ឋាភិបាល ទីក្រុងព្យុងយ៉ាងបានរកឃើញកំហុស ដែលភាគច្រើនពាក់ព័ន្ធនឹងការលួចផ្សំគំនិត ក្បត់នឹងរបបដឹកនាំ។</span></p>
<p><span style="color: #000000;">កូរ៉េខាងត្បូងបានទទួលព័ត៌មាន ដែលមិនបានបញ្ជាក់ប្រភពមកពី កូរ៉េខាងជើងឲ្យដឹងថា មន្ត្រីដែលបាន ទទួលទោសប្រហារជីវិតនោះគឺលោក Hwang Min អតីតរដ្ឋមន្ត្រីក្រសួងកសិកម្ម និងលោក Ri Yong Jin មន្ត្រីជាន់ខ្ពស់នៃក្រសួងអប់រំ។ មិនទាន់មានការបញ្ជាក់ មូលហេតុច្បាស់លាស់នោះទេ សម្រាប់ការប្រហារជីវិតនោះ ប៉ុន្តែទោសកំហុសត្រូវបានព័ត៌មានសម្ងាត់លើកឡើងដូច្នេះថា<strong> «អតីតមន្ត្រីជាន់ខ្ពស់ទាំងពីររូបនេះ ត្រូវបានចាប់ឃុំខ្លួនមុននឹងធ្វើការប្រហារជីវិត ពីបទមិនបានបង្ហាញការគោរពចំពោះលោក គីម ជុងអ៊ុន»</strong>៕</span></p>
<p><span style="color: #000000;"><a class="thickbox" title="" href="/FileManager/Commons/2016/8/30/12b-30-08-2016--14-30-26.jpg"><img src="/FileManager/Articles/mce/2016/8/30/12b-30-08-2016--14-30-26.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ CNA</span></p>