<div class="article-content">
<p><strong>ភ្នំពេញៈ</strong> ឧបនាយករដ្ឋមន្រ្តី រដ្ឋមន្រ្តីក្រសួងការ បរទេស កម្ពុជា លោក ហោ ណាំហុង នៅល្ងាច<br />ថ្ងៃអង្គារ ទី០៩ ខែ មេសា ឆ្នាំ២០១៣នេះ នឹងដឹកនាំគណៈប្រតិភូ កម្ពុជាទៅកាន់តុលាការ យុត្តិ<br />ធម៌អន្តរជាតិ (ICJ) ទីក្រុងឡាអេ ប្រ ទេសហូឡង់ ដើម្បីចូលរួមសវនាការការបកស្រាយ សាល<br />ក្រមផ្ទាល់មាត់ ស្តីពីទំនាស់ជុំវិញប្រាសាទព្រះវិហាររបស់ ខ្មែរជាមួយប្រទេសថៃ។ សវនាការ<br />ផ្ទាល់មាត់នេះ នឹងធ្វើឡើងចាប់ពីថ្ងៃទី១៥ ដល់ថ្ងៃទី១៩ ខែមេសា ឆ្នាំ២០១៣ ។</p>
<p>មុននឹងឡើងយន្តហោះចេញដំណើរទៅកាន់តុលាការយុត្តិធម៌អន្តរជាតិទីក្រុងឡាអេ លោក ហោ <br />ណាំហុង ក៏នឹងធ្វើសន្និសីទព័ត៌មានបញ្ជាក់ពីការត្រៀមលក្ខណៈ និងជំហររបស់ខ្លួនលើក្តីក្តាំមួយ<br />នេះ ជូនដល់ក្រុមអ្នកសារព័ត៌ មានផងដែរ នៅវេលាម៉ោង ៥៖៣០នាទី ល្ងាចថ្ងៃនេះ មុនពេល<br />ដែលលោកនឹងចេញដំណើរ នៅវេលាម៉ោង ៦ល្ងាច។</p>
<p>អ្នកនាំពាក្យក្រសួងការបរទេសកម្ពុជា លោក កុយ គួង បានមានប្រសាសន៍ប្រាប់អ្នកសារព័ត៌មាន<br />កាលពីថ្ងៃចន្ទ ទី៨ ខែមេសា ថា លោកឧបនាយករដ្ឋមន្រ្តី និងជារដ្ឋមន្រ្តីក្រសួងការបរទេសខ្មែរ<br /> លោក ហោ ណាំហុង នឹងដឹកនាំគណៈប្រតិភូជាន់ខ្ពស់កម្ពុជា ទៅទីក្រុងឡាអេ ដើម្បីតតាំង និង<br />ស្តាប់ការបកស្រាយសាលក្រមរបស់តុលាការដ៏យុត្តិ ធម៌មួយនេះ ប៉ុន្តែលោកមិនបានបញ្ជាក់ពី<br />ពេលវេលាជាក់លាក់នោះទេ ។</p>
<p>លោក កុយ គួង បានមានប្រសាសន៍បន្តទៀតថា «យើងបានត្រៀមលក្ខណៈរួចរាល់អស់ហើយ<br />ទាំងឯកសារ ទាំង កំណត់បង្ហាញផ្សេងៗ ទាំងផ្លូវច្បាប់ផែនទី ដែលទទូលស្គាល់ពីអន្តរជាតិ»។</p>
<p>លោក កុយ គួង ក៏បានឲ្យដឹងផងដែរថា ស្ថានភាពនាពេលនេះ នៅតាមក្រវ៉ាត់ព្រំដែន រវាងប្រ<br />ទេសកម្ពុជា និងថៃ មានសភាពស្ងប់ស្ងាត់ ក៏ប៉ុន្តែក៏មានក្រុមជ្រុលនិយមវង្វេងប្រវត្តិសាស្ត្ររបស់<br />ថៃ មួយក្តាប់តូចធ្លាប់បានមកយាយី ផងដែរ តែត្រូវបានអាជ្ញាធររបស់ថៃឃាត់។ តែយ៉ាងណាក៏<br />ដោយ កម្ពុជាពុំបានខ្វល់នឹងក្រុមជ្រុលនិយមទាំងនោះឡើយ។</p>
<p>ចំពោះការតតាំងក្តីផ្ទាល់មាត់ជាមួយប្រទេសថៃនេះ ភាគីកម្ពុជាក៏មានមេធាវីការពារក្តីជាជនជាតិ<br />បរទេសចំនួន៣ នាក់ដូចប្រទេសថៃផងដែរ។ ការបកស្រាយសាល ក្រមផ្ទាល់មាត់នៅទីក្រុងឡា<br />អេនេះ ក៏មានការចាកផ្សាយផ្ទាល់ តាមរយៈគេហទំព័តុលាការយុត្តិធម៌អន្តរជាតិទីក្រុងឡាអេ<br /> <a href="http://www.icj-cij.org">www.icj-cij.org</a> ស្ថិតនៅខាងក្រោមមាតិកា ព័ត៌មាន ជាវីដេអូ សរសេរថា «Multimedia» ឬក៏ចូល<br />ទៅកាន់គេហទំព័រ <a href="http://webtv.un.org/">http://webtv.un.org/</a>។ </p>
<p>ប្រទេសថៃ បានបញ្ជូនកងទ័ពរបស់ខ្លួនចូលឈ្លានពានប្រទេសកម្ពុជានៅតំបន់ជុំវិញប្រាសាទព្រះ<br />វិហារ នៅខែកក្ក ដា ឆ្នាំ២០០៨ និងបង្កឲ្យមានការផ្ទុះអាវុធជាច្រើនលើកច្រើនសារ។ បន្ទាប់ពីការ<br />ឈ្លានពាននេះ កម្ពុជាបានប្តឹង ទៅកាន់តុលាការ ICJ ទាមទារឲ្យប្រទេសថៃដកកងទ័ពខ្លួនចេញ<br />ពីតំបន់ប្រាសាទព្រះវិហាររបស់ខ្មែរ និងទាមទារ ឲ្យតុលាការយុត្តិធម៌អន្តរជាតិមួយនេះ បកស្រាយ<br />ឡើងវិញ នូវសាលក្រម ដែលខ្លួនបានសម្រេចកាលពីឆ្នាំ១៩៦២ ដោយផ្តល់ជ័យជម្នះឲ្យកម្ពុជាជា<br />ម្ចាស់កម្មសិទ្ធិលើប្រាសាទព្រះវិហារ និងតំបន់ជុំវិញប្រាសាទព្រះវិហារនោះ។</p>
<p>ការបកស្រាយសាលក្រមផ្ទាល់មាត់នេះ នឹងធ្វើឡើងចំនួន២ជុំ ដោយជុំទី១ ត្រមូវឲ្យភាគីកម្ពុជាបក<br />ស្រាយនៅថ្ងៃទី ១៥ ខែមេសា រីឯថៃវិញបកស្រាយនៅថ្ងៃទី១៧ ខែមេសា។ ដោយឡែកជុំទី២វិញ<br /> កម្ពុជាបកស្រាយនៅថ្ងៃទី១៨ ហើយភាគថៃ នៅថ្ងៃទី១៩ ខែមេសា៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-009/ST-023.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>