<p><span style="color: #000000;"><strong>(ព្យុងយ៉ាង)៖</strong> មេដឹកនាំកំពូលផុតលេខរបស់សាធារណរដ្ឋប្រជាធិបតេយ្យប្រជាមានិតកូរ៉េ (កូរ៉េខាងជើង) លោក គីម ជុងអ៊ុន បានបញ្ជាឲ្យត្រៀមទប់ទល់នឹងការវាយប្រហារពីសត្រូវពីគ្រប់រូបភាព ទាំងអស់ ដោយប្រើប្រាស់គ្រាប់នុយក្លេអ៊ែរ ដ៏មានឥទ្ធិពលខ្លាំងអស្ចារ្យ។ នេះបើតាមការផ្សាយរបស់ទីភ្នាក់ងារព័ត៌មានចិនស៊ិនហួរ នៅថ្ងៃសុក្រ ទី១១ ខែមីនា ឆ្នាំ ២០១៦។</span></p>
<p><a class="thickbox" title="" href="/FileManager/Commons/2016/3/11/20-11-03-2016--14-36-27.jpg"><img src="/FileManager/Articles/mce/2016/3/11/20-11-03-2016--14-36-27.jpg" alt="" /></a></p>
<p><span style="color: #000000;">ការថ្លែងរបស់មេដឹកនាំវ័យជាង ៣០ឆ្នាំ ខាងលើនេះបានធ្វើឡើង កាលពីអំឡុងពេលដែលលោក បានចូលរួមសមយុទ្ធបាញ់គ្រាប់រ៉ុក្កែតកាលពីពេលថ្មីៗនេះ ហើយត្រូវបានសារព័ត៌មានរដ្ឋកូរ៉េខាងជើង KCNA ដកស្រង់សម្តីយកមកចុះផ្សាយជាបន្តបន្ទាប់។</span></p>
<p><a class="thickbox" title="" href="/FileManager/Commons/2016/3/11/14-11-03-2016--14-36-35.jpg"><img src="/FileManager/Articles/mce/2016/3/11/14-11-03-2016--14-36-35.jpg" alt="" /></a></p>
<p><span style="color: #000000;">គួរបញ្ជាក់ថា ស្ថានការណ៍នៅតំបន់ឧបទ្វីបកូរ៉េកាន់តែតានតឹងខ្លាំង បន្ទាប់ពីកូរ៉េខាងជើង ធ្វើការសាកល្បងអាវុធប្រល័យលោក និងបាញ់បង្ហោះផ្កាយរណបខុសច្បាប់កាលពីខែមករា និងកុម្ភៈ ហើយសហរដ្ឋអាមេរិក និងកូរ៉េខាងត្បូង បានថ្កោលទោស និងកៀងគរអន្តរជាតិឲ្យដាក់ទណ្ឌកម្មលើប្រទេសនេះ រហូតបានសម្រេចកាលពី ថ្ងៃទី០៣ ខែមីនា ដែលនាំឲ្យកូរ៉េខាងជើង កើតទុក្ខមិនសុខចិត្ត ព្រមទាំងបានបង្កើនឥទ្ធិពលកាន់តែខ្លាំង តាមរយៈការសាកល្បង អាវុធទំនើបៗកាលពីថ្ងៃព្រហស្បតិ៍ម្សិលមិញ៕</span></p>
<p><span style="color: #0000ff;"><a href="/News/Detail/42374/north-korea-fires-short-range-missiles" target="_blank"><span style="color: #0000ff;">- អាន ៖ មុននេះ កូរ៉េខាងជើង បាញ់ម៉ីស៊ីល រយៈចម្ងាយខ្លី ៥០០គ.ម ផ្គើនអាមេរិក និងកូរ៉េខាងត្បូង</span></a></span></p>
<p><span style="color: #0000ff;"><a href="/News/Detail/28882/north-korea-has-miniature-nuclear-warhead-says-kim-jong-un" target="_blank"><span style="color: #0000ff;">- អាន ៖ គីម ជុងអ៊ុន ឌឺឲ្យដឹងថា កូរ៉េខាងជើង មានក្បាលគ្រាប់នុយក្លេអ៊ែរ ធន់តូច សមត្ថភាពកំពូល បំពាក់លើម៉ីស៊ីល</span></a></span></p>
<p> </p>
<p><span style="color: #000000;"><a class="thickbox" title="" href="/FileManager/Commons/2016/3/11/18-11-03-2016--13-50-09.jpg"><img src="/FileManager/Articles/mce/2016/3/11/18-11-03-2016--13-50-09.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ស៊ិនហួរ<br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>