<p>មហាសេដ្ឋី Warren Buffett ធ្លាប់មានប្រសាសន៍ថា ៖ “ភាពខុសគ្នារវាងអ្នកជោគជ័យ និងកំពូល<br />អ្នកជោគជ័យ គឺថា កំពូលអ្នកជោគជ័យ តែងនិយាយថា “ទេ” ស្ទើរតែរាល់ប្រការ”។ ប៉ុន្ដែ អ្នក<br />ជោគជ័យទាំងអស់ សុទ្ធតែមានចំណុចរួមចំនួន ៨ ដូចខាងក្រោម ៖</p>
<p style="text-align: center;"><a class="thickbox" title="" href="/FileManager/Commons/2014/1/13/8-things-that-successful-people-have-in-common-13-01-2014--22-37-44.jpg"><img src="/FileManager/Articles/mce/2014/1/13/8-things-that-successful-people-have-in-common-13-01-2014--22-37-44.jpg" alt="" width="444" height="333" /></a></p>
<p><br /><br /><strong>១/ ធ្វើការមិនឈប់ឈរ</strong><br /><br />ការស្រាវជ្រាវទៅលើទម្លាប់ធ្វើការរបស់សិល្បករ អ្នកវិទ្យាសាស្ដ្រ និងកំពូលអ្នកពិពន្ធ ចំនួន ១៥០<br /> រូប ដែលមានឈ្មោះល្បី បានបង្ហាញថា ពួកគេមានចំណុចរួមមួយ នោះគឺ ពួកគេធ្វើការ ដោយ<br />មិនចេះ ឈប់ឈរ មិនទុកឱ្យពេលវេលាកន្លងផុតដោយគ្មានន័យ។<br /><br />សាស្ដ្រាចារ្យ ផ្នែកចិត្តសាស្ដ្រដ៏ល្បីឈ្មោះ Mihaly Csikszentmihalyi បានធ្វើការស្រាវជ្រាវទៅលើ<br />អ្នក ប្រាជ្ញជាច្រើន ដើម្បីធ្វើជាឯកសារសម្រាប់សៀវភៅ Creativity របស់ខ្លួន ហើយគាត់ក៏បាន រកឃើញប្រការដ៏អស្ចារ្យជាច្រើនស្ដីអំពី IQ ។</p>
<p>មិនមានបុគ្គលណាម្នាក់ក្នុងចំណោមតួអង្គដែលអាចផ្លាស់ប្ដូរពិភពលោក មាន IQ ក្រោម ១៣០ <br />ប៉ុន្ដែ ភាពខុសគ្នារវាងមនុស្សដែលមាន IQ ពី ១៣០ ទៅ ១៧០ គឺមិនមានច្រើន។ អ្នកអាចមាន<br /> IQ ច្រើនជាង ១៣០ ប្រការនេះបង្ហាញថា អ្នកបានធ្វើការយ៉ាងយកចិត្តទុកដាក់បំផុត។<br /><br /><strong>២/ និយាយថា “ទេ” ចំពោះអ្វីៗស្ទើរតែទាំងអស់</strong><br /><br />មហាសេដ្ឋី Warren Buffett ធ្លាប់មានប្រសាសន៍ថា ៖ “ភាពខុសគ្នារវាងអ្នកជោគជ័យ និងកំពូល<br />អ្នកជោគជ័យ គឺថា កំពូលអ្នកជោគជ័យ តែងនិយាយថា “ទេ” ស្ទើរតែរាល់ប្រការ”។ ប្រការនេះ<br />ហើយ ដែលជួយឱ្យពួកគេមានពេលច្រើន ដើម្បីធ្វើអ្វីដែលខ្លួនចង់។<br /><br /><strong>៣/ យល់ច្បាស់អំពីខ្លួនឯង</strong><br /><br />នៅក្នុងអត្ថបទ Managing Oneself របស់ខ្លួន សាស្ដ្រាចារ្យ Pete Drucker សរសេរថា ៖ “ចូរកុំ យកចិត្តទុកដាក់នឹងចំណុចខ្សោយរបស់ខ្លួន តែត្រូវបំពេញនូវចំណុចខ្លាំងវិញ។ នៅពេលស្វែងរក ឱកាសបំពេញភាពខ្លាំង អ្នកមិនត្រូវចំណាយពេលទៅលើអ្វីដែលអ្នកមិនអាចធ្វើបាន”។<br /><br />ជំនួសមកវិញ គឺចូរផ្ដោតទៅលើការប៉ះប៉ូវនូវចំណុចខ្លាំង ប្រការនេះមានន័យថា អ្នកដឹងអំពីខ្លួន<br />ឯងថា ជាអ្នកណា មានសមត្ថភាពអ្វី។<br /><br /><strong>៤/ បង្កើតទំនាក់ទំនងច្រើន</strong></p>
<p>ឧទាហរណ៍ជាងស្ដែង៖ គណិតវិទូ Paul Erdos គឺជាចំណុចកណ្ដាលរបស់គណិតវិទ្យាពិភពលោក នៅពេលគាត់បានសហការណ៍ជាមួយមនុស្សរាប់រយនាក់ ដើម្បីតាមដានបញ្ហាមួយចំនួន ដូចជា<br /> រូបវិទ្យា ជាដើម។ ការសហការណ៍នេះ ធ្វើឱ្យពួកគេកាន់តែឆ្លាតវៃជាងមុន ហើយប្រការនេះ ក៏<br />នាំឱ្យ Paul Erdos ទទួលជោគជ័យដូច្នេះ។<br /><br /><strong>៥/ បង្កើតឱកាសដល់ខ្លួន</strong><br /><br />សាស្ដ្រាចារ្យផ្នែកចិត្តវិទ្យា Richard Wiseman នៃសកលវិទ្យាល័យ Hertfordshire (អង់គ្លេស) ធ្លាប់<br /> បានធ្វើការស្រាវជ្រាវទៅលើបណ្ដាមនុស្សដែលមានសំណាងល្អ ដើម្បីសរសេរសៀវភៅ Luck <br />Factor ។ លោក Richard Wiseman ថ្លែងថា ដោយការបើកទូលាយ ទទួលយកគំនិតថ្មី ព្យាយាមប្រឹងប្រែងតាមប្រមាញ់នូវគំនិតទាំងនោះ ដោយភាពជឿជាក់ នោះអ្នកដែលមានសំណាងល្អ អាចបង្កើតឱកាសដល់ខ្លួនឯង។<br /><br /><strong>៦/ ព្យាយាមអំណត់ រឹងមាំ</strong><br /><br />ភាពឆ្លាតវៃ និងច្នៃប្រឌិត គឺជាប្រការដ៏អស្ចារ្យដើម្បីជោគជ័យ ប៉ុន្ដែ ការព្យាយាមដោយអំណត់ <br />នៅចំពោះមុខបញ្ហា ក៏សំខាន់ខ្លាំងដែរ ប្រសិនអ្នកចង់សម្រេចបានគោលដៅធំមួយ។ នៅពេល<br />ជួបបរាជ័យ ជំនួសឱ្យការអង្គុយត្អួញត្អែរ ទម្លាក់កំហុស ឬបោះបង់គម្រោងការ អ្នកជោគជ័យ<br /> តែងចាត់ទុកវាជាមេរៀន ជាឱកាស។<br /><br /><strong>៧/ មិនខ្លាចនឹងសាកល្បង និងបរាជ័យ</strong><br /><br />សម្រាប់អ្នកជោគជ័យ ការបរាជ័យគឺជាកត្តាចាំបាច់។ ពួកគេបានបង្កើតកំហុសច្រើន ដើម្បីអាច<br />យកវាជាបទពិសោធ នេះហើយ គឺជាការសាកល្បង។ សាស្ដ្រាចារ្យផ្នែកចិត្តវិទ្យា Peter Sims ធ្លាប់បានបកស្រាយនៅក្នុងសៀវភៅរបស់ខ្លួន អំពីលក្ខខណ្ឌដែលត្រូវបានអ្នកជោគជ័យជាច្រើន<br /> ប្រើប្រាស់ ៖ ការចំណាយ ៥ ទៅ ១០% នៃពេលវេលារបស់អ្នក ដើម្បីធ្វើការសាកល្បង វានឹង<br />ជួយឱ្យអ្នក មានការច្នៃប្រឌិតជាងមុន និងមានឱកាសច្រើនជាងមុន។<br /><br /><strong>៨/ ស្វែងរកគ្រូដែលមានប្រាជ្ញាខ្ពស់</strong><br /><br />ដើម្បីជោគជ័យ អ្នកនឹងតែងតែត្រូវការគ្រូ ឬអ្នកប្រឹក្សាយោបល់។ ១ ម៉ឺនម៉ោង ដើម្បីរៀន អាច<br />ជួយអ្នកឱ្យក្លាយទៅជាអ្នកជំនាញការ ប៉ុន្ដែប្រការអ្វីដែលជួយឱ្យអ្នកមានគំនិតចំណាយពេល ១<br />ម៉ឺនម៉ោង ដើម្បីសិក្សា? សាស្ដ្រាចារ្យ Adam Grant មកពីសាលា Wharton នៃសកលវិទ្យាល័យ<br /> Pennsylvania ឱ្យដឹងថា ចម្លើយគឺ “អ្នកប្រឹក្សាយោបល់ដែលមានប្រាជ្ញា”៕</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖ </strong></p>
<p><span style="color: #3366ff;"><a href="/Contents/Edit/%20%20http:/camnews.com.kh/News/Detail/24516/half-of-us-congressional-politicians-are-millionaires"><span style="color: #3366ff;">តំណាងរាស្ដ្រអាមេរិក ជាងពាក់កណ្ដាល គឺជាសេដ្ឋី</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/93842/5-favorite-new-year-gift-for-staffs"><span style="color: #3366ff;">អំណោយសម្រាប់ថ្ងៃចូលឆ្នាំ ដែលបុគ្គលិក ចូលចិត្តបំផុត</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/91356/starbucks-ceo--building-dreams-from-the-slum"><span style="color: #3366ff;">សេដ្ឋីរបស់ Starbucks ៖ បង្កើតក្ដីស្រមៃ ពីតំបន់សំបុកកណ្ដុរ</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Business Insider<br /><br /></p>