<p><span style="color: #000000;">ព័ត៌មានអន្តរជាតិ ៖ មន្រ្តីមកពីទីក្រុង Detroit បានរកឃើញ នូវរបកគំហើញមួយដែលនឹកស្មានមិនដល់ និងគួរអោយតក់ស្លុត នៅថ្ងៃអង្គារកន្លងទៅនេះ ពោល តម្រួតមណ្ឌល មកពីភាគខាងកើត ក្រុង Detroit បានទូរស័ព្ទប្តឹងសមត្ថកិច្ច បន្ទាប់ពីបានរកឃើញសពក្មេងស្រីម្នាក់នៅក្នុង ទូរបង្កក ។ </span></p>
<p><span style="color: #000000;"><a class="thickbox" title="" href="/FileManager/Commons/2015/3/25/80-25-03-2015--14-30-17.jpg"><img src="/FileManager/Articles/mce/2015/3/25/80-25-03-2015--14-30-17.jpg" alt="" /></a><br /></span></p>
<p><span style="color: #000000;">សេចក្តីរាយការណ៍ ពីទំព័រ ស៊ីអិនអិន បន្តអោយដឹងថា ៖ ខណៈមានការ ស៊ើប អង្កេត សាកសពបង្កក ក្មេងប្រុស គេស្រាប់តែរកឃើញ សាកសពក្មេងស្រីម្នាក់ទៀត ត្រូវបានគេបង្កក ទុក នៅក្នុងទូរបង្កកដូច គ្នាដែរ ។ គួររំឮកថា សាកសពក្មេងប្រុស ស្រីទាំងពីរនាក់នោះ ត្រូវបានរក្សាទុក នៅក្នុងកញ្ជប់ ប្លាស្ទិច នេះបើយោងតាមសម្តីស្នងការប៉ូលីសក្រុង Detroit លោក James Craig ។ </span></p>
<p><span style="color: #000000;">ដោយឡែក យោងតាមសម្តីមន្រ្តីប៉ូលីស លោក Jennifer Moreno អោយដឹងថា ម្តាយ ជនរងគ្រោះខាង លើត្រូវបានមន្រ្តីមានសមត្ថកិច្ច ធ្វើការចាប់ឃាត់ខ្លួនបាន នៅទីកន្លែង ដាច់ដោយឡែក ពីគ្នា ក្នុងនោះ អត្តសញ្ញាណលោកស្រី ពុំទាន់ត្រូវបានគូសបញ្ជាក់អោយដឹងនៅឡើយទេ ខណៈ ស្ថិត នៅក្រោមការ សាកសួរចម្លើយនៅឡើយ ។ </span></p>
<p><a class="thickbox" title="" href="/FileManager/Commons/2015/3/25/81-25-03-2015--14-30-26.jpg"><img src="/FileManager/Articles/mce/2015/3/25/81-25-03-2015--14-30-26.jpg" alt="" /></a></p>
<p><span style="color: #000000;">ទន្ទឹមនឹងនេះ អត្តសញ្ញាណជនរងគ្រោះ ពុំទាន់បានបញ្ជាក់អោយដឹងដូចគ្នា ប៉ុន្តែ ជាការគូសបញ្ជាក់ពី លោក Craig អោយដឹងថា សាកសពក្មេងប្រុស មានអាយុ ប្រមាណ ១១ ឆ្នាំ ខណៈ សាក សពក្មេងស្រី គេមានអាយុប្រមាណ ១៤ ឆ្នាំ ។ របាយការណ៍ បន្ថែមអោយដឹងថា ៖ មានក្មេងៗពីរ នាក់ផ្សេងទៀត កំ ពុងរស់នៅក្នុងលំនៅស្ថានកើតហេតុខាងលើ ស្របពេលបច្ចុប្បន្នភាព ពួកគេទាំងពីរ នាក់ ត្រូវបានយក ទៅរក្សាទុកនៅកន្លែងមានសុវត្ថិភាពហើយ ។ </span></p>
<p><span style="color: #000000;">ស្នងការប៉ូលីស ស្រាយបំភ្លឺបន្ថែមអោយដឹងថា ដូចជាប្រញ៉ាប់ពេលហើយ ក្នុងការ ស៊ើប អង្កេត ឈាន ទៅដល់កំណត់អោយបានពីអ្វីដែលបានកើតឡើង ។ លោកបន្តដឹងថា ៖ ពុំទាន់ ជាច្បាស់នៅឡើយទេ ថាតើ កត្តាអ្វីបានជានាំអោយកើតមានឡើងនូវរឿងហេតុខាងលើ ។ លោក ជម្រុញ អោយសាធារណៈ ជនមេត្តាជួយសហការជាមួយនឹងមន្រ្តីមានសមត្ថកិច្ច ក្នុងការផ្តល់ព័ត៌មានណាមួយដែលបានដឹង ពាក់ ព័ន្ធនឹងឃាតកម្មខាងលើ ដើម្បីឈានទៅដល់កំណត់មុខសញ្ញា ៕</span></p>
<p><object width="497" height="426" data="http://www.youtube.com/v/KFPy3Ig2u1I&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/KFPy3Ig2u1I&rel=1" /></object></p>
<p style="text-align: right;"><span style="color: #000000;">ប្រៃសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ស៊ីអិនអិន </span></p>