<p><span style="color: #000000;">យានអវកាសចំនួនពីររបស់ NASA នឹងទៅកាន់បណ្ដាកូនភពដែលមិនធ្លាប់ត្រូវបានគេសិក្សា</span><br /><span style="color: #000000;">ស្រាវជ្រាវ ដើម្បីស្វែងយល់អំពីការកកើតរបស់ប្រព័ន្ធព្រះអាទិត្យ កាលពីយុគសម័យដំបូង។</span></p>
<p style="text-align: center;"><a class="thickbox" title="" href="/FileManager/Commons/2017/1/6/nasa1-06-01-2017--08-58-37.jpg"><img src="/FileManager/Articles/mce/2017/1/6/nasa1-06-01-2017--08-58-37.jpg" alt="" /></a></p>
<p style="text-align: center;"><span style="color: #000000;">បេសកកម្ម Lucy និង Psyche នឹងជួយឱ្យ NASA បកស្រាយអំពីប្រភពរបស់ប្រព័ន្ធព្រះអាទិត្យ</span><br /><span style="color: #000000;"><a class="thickbox" title="" href="/FileManager/Commons/2017/1/6/nasa1-06-01-2017--08-58-37.jpg"></a></span></p>
<p><span style="color: #000000;">ក្នុងសន្និសីទពីចម្ងាយ ដែលត្រូវបានធ្វើឡើងកាលពីម្សិលមិញ NASA ឱ្យដឹងថា បេសកកម្ម</span><br /><span style="color: #000000;">ចំនួនពីរដែលមានឈ្មោះថា Lucy និង Psyche អាចនឹងបង្ហើបឱ្យដឹងអំពីយុគសម័យដំបូងនៃ</span><br /><span style="color: #000000;">ប្រវត្តិរបស់ប្រព័ន្ធព្រះអាទិត្យ អំឡុងពេលមិនដល់ ១០លានឆ្នាំ បន្ទាប់ពីព្រះអាទិត្យកកើត នេះ</span><br /><span style="color: #000000;">បើតាម Seeker។</span></p>
<p><span style="color: #000000;">បេសកកម្មចំនួនពីរនេះត្រូវបានជ្រើសចេញពីគម្រោងចុងក្រោយចំនួន៥ និងកំពុងស្ថិតក្នុង</span><br /><span style="color: #000000;">ដំណាក់កាលធ្វើគម្រោងជាមួយនឹងគោលដៅបាញ់បង្ហោះយានស្រាវជ្រាវនៅឆ្នាំ ២០២១ និង</span><br /><span style="color: #000000;"> ២០២៣។</span></p>
<p><span style="color: #000000;">Thomas Zurbuchen អនុប្រធានគណកម្មការបេសកកម្មវិទ្យាសាស្ដររបស់ NASA ឱ្យដឹងថា</span><br /><span style="color: #000000;"> “Lucy នឹងទៅស្រាវជ្រាវបណ្ដាកូនភព Trojan ដ៏អាថ៌កំបាំងរបស់ភពព្រហស្បតិ៍ ខណៈដែល</span><br /><span style="color: #000000;"> Psyche នឹងស្រាវជ្រាវបណ្ដាកូនភពលោហធាតុដែលមិនធ្លាប់ត្រូវបានស្រាវជ្រាវកន្លងមក។</span><br /><span style="color: #000000;"> នេះគឺជាគោលដៅនៃបណ្ដាបេសកកម្មក្នុងកម្មវិធី Discovery”។</span></p>
<p><span style="color: #000000;">Lucy គឺជាយានអវកាសបញ្ជាដោយស្វ័យប្រវត្ត ដែលនឹងត្រូវបានគេបាញ់បង្ហោះនៅខែតុលា </span><br /><span style="color: #000000;">ឆ្នាំ ២០២១។ យាននេះនឹងហោះទៅកាន់គោលដៅដំបូងគឺកូនភពមួយនៅតំបន់ខ្សែក្រវាត់ នៅ</span><br /><span style="color: #000000;">ចន្លោះភពព្រះអង្គារ និងភពព្រហស្បតិ៍ នាឆ្នាំ ២០២៥។ ចាប់ពីឆ្នាំ ២០២៧ ដល់ឆ្នាំ ២០៣៣ </span><br /><span style="color: #000000;">Lucy នឹងស្រាវជ្រាវកូនភព Trojan ផ្សេងៗចំនួន ៦។ កូនភពទាំងនេះ ត្រូវទំនាញរបស់ភព</span><br /><span style="color: #000000;">ព្រហស្បតិ៍ ទាញចូលក្នុងគន្លងគោចរ។ ពួកវាត្រូវបានគេជឿថា គឺជាដាននៃយុគសម័យដំបូង</span><br /><span style="color: #000000;">ក្នុងប្រវត្តិនៃប្រព័ន្ធព្រះអាទិត្យ ហើយវាកកើតតាំងពីយូរយារមកហើយ នៅខាងក្រៅគន្លងគោចរ</span><br /><span style="color: #000000;">នៃភពព្រហស្បតិ៍។</span></p>
<p><span style="color: #000000;">កូនភពលោហធាតុដែលមានឈ្មោះថា Psyche នឹងក្លាយជាគោលដៅរបស់យានអវកាសមាន</span><br /><span style="color: #000000;">ឈ្មោះដូចគ្នា ដែលនឹងត្រូវបានបាញ់បង្ហោះនៅឆ្នាំ ២០២៣។ កូនភពដែលមានអង្កត់ផ្ចិត</span><br /><span style="color: #000000;">ប្រហែល ២០៩គីឡូម៉ែត្រនេះ ស្ថិតនៅឆ្ងាយជាងបីដង បើធៀបនឹងចម្ងាយពីព្រះអាទិត្យមក</span><br /><span style="color: #000000;">កាន់ផែនដី។ </span></p>
<p><span style="color: #000000;">ក្រុមអ្នកវិទ្យាសាស្ដ្រយល់ថា Psyche អាចកកើតឡើងក្រោមរូបភាពជាភពមួយដែលមានទំហំ</span><br /><span style="color: #000000;">ស្មើនឹងភពព្រះអង្គារ ប៉ុន្តែវាបានបាត់បង់ស្រទាប់ខាងក្រៅនៅពេលវាប៉ះទង្គិចជាមួយកូនភព </span><br /><span style="color: #000000;">ឬអាចម៍ផ្កាយផ្សេងៗ កាលពីរាប់ពាន់លានឆ្នាំមុន។</span></p>
<p><span style="color: #000000;">កម្មវិធី Discovery នេះ បានចាប់ផ្ដើមកាលពីឆ្នាំ ១៩៩២ ជាមួយនឹងទឹកប្រាក់ ៤៥០លានដុល្លារ</span><br /><span style="color: #000000;">អាមេរិក។ កម្មវិធីនេះ ផ្ដោតទៅលើការបកស្រាយសំនួរអំពីប្រព័ន្ធព្រះអាទិត្យ តាមរយៈបេសក</span><br /><span style="color: #000000;">កម្មដែលមានការចំណាយទាប៕</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ Dailymail</span></p>