<p><span style="color: #000000;"><strong>(អាមេរិក)៖</strong> ទូរស័ព្ទដៃ iPhone ម៉ូដែលឆ្នាំ២០១៧របស់ក្រុមហ៊ុន Apple ដែលត្រូវបានគេរំពឹងថា នឹងមានបំពាក់នូវផ្នែកកាលីបៗជាច្រើន និងមានការផ្លាស់ប្តូរស្ទើរតែថ្មីសន្លាងនោះ អាចមានតម្លៃថ្លៃខ្ពស់ជាងមុនខ្លាំង ដល់ទៅជាងមួយពាន់ដុល្លារ (តម្លៃនៅសហរដ្ឋអាមេរិក)។ នេះបើតាមសេចក្តីរាយការណ៍ របស់គេហទំព័របច្ចេកវិទ្យា Fast Campany ដោយផ្អែកលើប្រភព ដែលមានចំណេះដឹងទាក់ទងនឹង គំរោងរបស់ក្រុមហ៊ុន Apple។</span></p>
<p><span style="color: #000000;">ពាក្យចចាមអារ៉ាមជាច្រើន បានបង្ហាញថា ទូរស័ព្ទដៃ iPhone ដែលនឹងបង្ហាញខ្លួននាពេលខាងមុខ និងមានឈ្មោះថា iPhone 8 នឹងមានភ្ជាប់មកជាមួយនូវអេក្រង់ ប្រភេទ OLED ដែលមានតម្លៃថ្លៃជាងមុខអេក្រង់ ប្រភេទ LED ជំនាន់មុន។ ចំណែកឯការបង្កើនសមត្ថភាពដទៃផ្សេងទៀត មានដូចជាអង្គចងចាំ (Memory) មានទំហំធំជាងមុន និងការសាកថ្មតាមរយៈប្រព័ន្ធ Wireless (ឥតខ្សែ) ប្រហែលជាអាចជំរុញឲ្យតម្លៃកើនឡើង ថែមទៀតផងដែរ។ មួយវិញទៀត ក៏មានការនិយាយតៗគ្នាដែរថា ស្មាតហ្វូតជំនាន់ថ្មីរបស់ Apple នេះនឹងមានគុណភាពលំដាប់ខ្ពស់។</span></p>
<p><span style="color: #000000;">ជាមួយគ្នានេះ ប្រភពព័ត៌មានរបស់វេបសាយ Fast Campany ក៏បានបញ្ជាក់ពីពាក្យចចាមអារ៉ាមមួយចំនួនទាក់ទងនឹង ការរចនារបស់ iPhone 8 ផងដែរ ដោយការរៀបរាប់បញ្ជាក់នោះ ស្របទៅនឹងការអះអាងដែលថា ប្រធានផ្នែក Design របស់ Apple គឺលោក Jony Ive បាននិងកំពុងតែព្យាយាមធ្វើការរចនា iPhone មួយដែលមើលទៅដូចកញ្ចក់ មួយផ្ទាំងគត់ បំពាក់ដោយប៊ូតុង Home និង Touch ID (បច្ចេកវិទ្យាស្គែនក្រយៅដៃ) ស្ថិតនៅខាងក្រោមផ្ទះអេក្រង់ទូរស័ព្ទ។</span></p>
<p><span style="color: #000000;">យោងតាមប្រភពព័ត៌មានខាងលើ បច្ចេកវិទ្យារបស់ប៊ូតុង Home កំពុងស្ថិតនៅក្នុងដំណាក់កាល វិវឌ្ឍន៍ខ្លួននៅឡើយទេ ប៉ុន្តែគោលដៅរបស់ក្រុមហ៊ុន Apple គឺធ្វើយ៉ាងសម្រេច ឲ្យបានរួចរាល់សម្រាប់ iPhone 8។ ម៉្យាងវិញទៀតប៊ូតុងមួយចំនួនទៀតដូចជា ប៊ូតុងដំឡើង និងបន្ថយសំឡេង, ប៊ូតុងបិទ-បើក, និងប៊ូតុងបិទសំឡេងរោទិ៍ (Silence) អាចនឹងត្រូវលុបចោលផងដែរ ហើយ iPhone 8 ក៏នឹងបំពាក់ជាមួយថ្មី ដែលមានថ្មច្រើនជាងមុន។ លើសពីនេះប្រភពដដែល បានអះអាងទៀតថា ក្រុមហ៊ុន Apple កំពុងសហការ ជាមួយក្រុមហ៊ុន Lumentum ដើម្បីអភិវឌ្ឍន៍បច្ចេកវិទ្យា 3D Sensing ប៉ុន្តែនៅមិនទាន់ដឹងថា តើបច្ចេកវិទ្យានេះ នឹងត្រូវយកទៅប្រើប្រាស់របៀបណា នៅក្នុង iPhone 8 ឡើយ។</span></p>
<p><span style="color: #000000;">ក្រៅពី iPhone អេក្រង់ប្រភេទ OLED ទំហំ៥.៨អ៉ីញ ដែលមានគុណភាពលំដាប់ខ្ពស់ និងតម្លៃដ៏ថ្លៃនេះ ក៏មានពាក្យចចាមអារ៉ាមដែរថា ក្រុមហ៊ុន Apple កំពុងគ្រោងរៀបចំបង្ហាញ iPhone ពីម៉ូដែលផ្សេងទៀត (អាចជា iPhone 7s និង iPhone 7s Plus) មានតម្លៃធូថ្លៃជាងនេះ ជាមួយអេក្រង់ប្រភេទ LCD ធម្មតា និងមានការរចនាប្រហាក់ប្រហែលទៅនឹង iPhone 7 (អេក្រង់ទំហំ៤.៧អ៉ីញ) និង iPhone 7 Plus (៥.៥អ៉ីញ)។ ពួកវាអាចមានភាពខុសប្លែកខ្លះៗ ដូចជាតួខ្លួនជាកញ្ចក់សុទ្ធជាដើម ប៉ុន្តែផ្នែកអេក្រង់អាចមានប្រភេទត្រឹម LCD ប៉ុណ្ណោះ ដើម្បីកាត់បន្ថយការចំណាយ។</span></p>
<p><span style="color: #000000;">គួរបញ្ជាក់ថា ដោយសារការផ្លាស់ប្តូរខ្លាំង ត្រូវបានមនុស្សគ្រប់គ្នារំពឹង និងទន្ទឹងរង់ចាំសម្រាប់ iPhone ឆ្នាំ២០១៧ ដែលជាគំរប់ខួប១០ឆ្នាំរបស់ឧបករណ៍នេះ មានពាក្យចចាមរ៉ាមជាច្រើន បានលេចឡើងនៅលើបណ្តាញអ៉ីនធឺណែត ក្នុងអំឡុងពេលប៉ុន្មានខែនេះ ដែលជាកត្តាបានបង្កផលវិបាកក្នុងការកំណត់ពីលក្ខណៈ ឲ្យប្រាកដរបស់ស្មាតហ្វូននេះ៕</span></p>
<p><span style="color: #000000;"><img src="http://www.khmertalking.com/wp-content/uploads/2017/02/kt675.jpg" alt="" /></span></p>
<p><span style="color: #000000;"><img src="http://www.khmertalking.com/wp-content/uploads/2017/02/kt676.jpg" alt="" /></span></p>
<p><span style="color: #000000;"><img src="http://www.khmertalking.com/wp-content/uploads/2017/02/kt677.jpg" alt="" /></span></p>
<p><span style="color: #000000;"><img src="http://www.khmertalking.com/wp-content/uploads/2017/02/kt678.jpg" alt="" /></span></p>
<p><span style="color: #000000;"><img src="http://www.khmertalking.com/wp-content/uploads/2017/02/kt679.jpg" alt="" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>