<p><span style="color: #000000;"><strong>(ភ្នំពេញ)៖</strong> តារាចម្រៀងប្រុស ប្រចាំផលិតកម្មភ្លេងរីខដ ទើបតែលើកពាន «I am A Singer Cambodia» លោក ដួង វីរៈសិទ្ធ ដែលមហាជនជាច្រើន បានសាទរជាខ្លាំងជាមួយរូបលោក ដោយថ្មីៗនេះ ត្រូវបានប្រភពព័ត៌មាន ទម្លាយចេញពីអ្នកធ្វើការងារ ក្នុងចង្កើមសិល្បៈដូចជាថា តម្លៃខ្លួនរបស់ តារាចម្រៀង បែបយុវវ័យ ដួង វីរៈសិទ្ធ ចាប់ផ្ដើមហក់ឡើង គួរឲ្យកត់សម្គាល់ ខុសប្លែកពីពេលមុន ដែលនេះជាទម្លាប់មួយទៅហើយ សម្រាប់សិល្បករ-សិល្បការិនីដែលមានឈ្មោះល្បី និងមានការគាំទ្រច្រើន។ </span></p>
<p><span style="color: #000000;">លោក ដួង វីរៈសិទ្ធ បានក្លាយជាតារាចម្រៀង មានអ្នកគាំទ្រច្រើនជាងគេ ក្នុងផលិតកម្ម ភ្លេងរីខដ ហើយក៏មិនចាញ់ តារាចម្រៀងរៀមច្បង ក្នុងផលិតកម្មហង្សមាសដែរ។ ការលើកពានរបស់លោក ក៏ធ្វើឲ្យតារាចម្រៀងរៀមច្បង ក្នុងផលិតកម្មអន់ចង់ មិនតិចទេ ព្រោះលោកមានវ័យក្មេង សំឡេងមិនខ្ពស់ខ្លាំង តែលោកច្រៀងបានពីរោះ និង មានអ្នកគាំទ្រច្រើនមិនធម្មតា រហូតតារាចម្រៀង ហ្សូណូ ក៏បាក់មុខមិនតិចទេ ក្រោយពីធ្លាក់ពីកម្មវិធី ម្ដងជាពីរដង។</span></p>
<p><span style="color: #000000;">តារាចម្រៀង ដួង វីរៈសិទ្ធ មុនពេលចូលរួម ប្រកួតក្នុងកម្មវិធី «I am A Singer Cambodia» តម្លៃខ្លួនលោកច្រៀង សម្រាប់កម្មវិធីមង្គលផ្សេងៗ ត្រឹមតែ៥០០ដុល្លារប៉ុណ្ណោះ សម្រាប់ការប្រគំតន្រ្តី តាមបណ្ដាខេត្ត ពី៥០០ទៅ៧៥០ដុល្លារ តាមកម្មវិធីនីមួយៗ ដែលធំ ឬក៏តូច។ សម្រាប់ការឡើងច្រៀង តាមបណ្ដាលស្ថានីយទូរទស្សន៍ផ្សេងៗ គឺពី១០០ទៅ១៥០ដុល្លារ ព្រោះការឡើងច្រៀងតាមទូរទស្សន៍ មិនបានតម្លៃខ្លួនខ្ពស់ឡើយ ។</span></p>
<p><span style="color: #000000;">ក្រោយពីបានលើកពាន ក្នុងកម្មវិធី «I am A Singer Cambodia» មកភ្លាម តម្លៃខ្លួន លោក ដួង វីរៈសិទ្ធ បានឡើងក្រឺតៗស្ទើរមិនគួរឲ្យជឿ តែម្ដង។ ប្រភពពីអ្នកអញ្ជើញតារាឡើង ទូរទស្សន៍របស់ស្ថានីយមួយ បាននិយាយប្រាប់ Khmertalking ដួង វីរៈសិទ្ធ បានឡើងថ្លៃខ្លួន ខ្ពស់ជាងមុនបន្តិច តែមិនមែនខ្ពស់ រហូតមិនអាចទទួលយកបានទេ ពោលគឺសមស្របតាមអ្វី ដែលស័ក្តិសមនឹងកេរ្តិ៍ឈ្មោះ នាពេលបច្ចុប្បន្ន។</span></p>
<p><span style="color: #000000;">ចំណែកឯក្រុមហ៊ុន P enter ជាក្រុមហ៊ុនរៀបចំ កម្មវិធីកំសាន្ត និងប្រគំតន្ត្រី តែងតែហៅ ដួង វីរៈសិទ្ធ ច្រៀងញឹកញាប់ជាងគេ បាននិយាយថា វីរៈសិទ្ធ តម្លៃខ្លួនពេលនេះ គឺ៨០០ដុល្លារ ក្នុងមួយកម្មវិធីពេលល្ងាច ច្រៀងពីម៉ោង៥ ទៅដល់ម៉ោង១០យប់។ តំណាងក្រុមហ៊ុនបានបន្តថា កាលពីមុនជាប់ ក្នុងកម្មវិធី «I am A Singer Cambodia» លោក ដួង វីរៈសិទ្ធ យកតម្លៃត្រឹមតែ៥០០ប៉ុណ្ណោះ តែពេលនេះខុសគ្នា។</span></p>
<p><span style="color: #000000;">តំណាងក្រុងហ៊ុនខាងលើបន្តថា តារាចម្រៀង ដួង វីរៈសិទ្ធ ច្រៀងកម្មវិធីពេលល្ងាចឲ្យ ក្រុមហ៊ុននេះ ញឹកញាប់ជាងគេ ក្រៅពីនេះមិនសូវមានទេ ប៉ុន្តែដួង វីរៈសិទ្ធ ជាតារាចម្រៀងមានអត្តចរឹតល្អ ស្លូតបូត ងាយស្រួលធ្វើការងារជាមួយគ្នា ហើយលោកច្រៀងបានច្រើនបទ ច្រើនទំរង់ ធ្វើឲ្យម្ចាស់កម្មវិធីសប្បាយចិត្ត ពិសេសអ្នកអញ្ជើញលោក ឲ្យចូលរួមភាគច្រើនជាអ្នកគាំទ្រ លោកផ្ទាល់តែម្ដង ៕</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xap1/v/t1.0-9/14729139_1797553027188426_7798230479159222806_n.jpg?oh=fe7ea7bcec18c9443a0ff8f5554e740f&oe=58A19489&__gda__=1485765296_5af7b50f2463b044022f0afc49fd97d4" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xal1/v/t1.0-9/14713745_328012584235298_5088247651608617219_n.jpg?oh=f9384836d51bb171df2c9939b12da22e&oe=58A1F7DC&__gda__=1487019659_5e9c033566420eaeedbfa1c2316a6055" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14713807_973583549437676_572070090189851765_n.jpg?oh=72c079fd0c7f0d3f354f2b262fdffe9f&oe=58D5153A" alt="" width="730" /></span></p>
<p><span style="color: #000000;"><img src="http://mohahangtv.com/files/news/17-10-2016/17-10-2016-01.jpg" alt="" width="730" /></span></p>
<p><span style="color: #000000;"><img src="http://mohahangtv.com/files/news/17-10-2016/17-10-2016-02.jpg" alt="" width="730" /></span></p>
<p><span style="color: #000000;"><img src="http://mohahangtv.com/files/news/17-10-2016/17-10-2016-04.jpg" alt="" width="730" /></span></p>
<p><span style="color: #000000;"><img src="http://mohahangtv.com/files/news/17-10-2016/17-10-2016-08.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>