<p><span style="color: #000000;"><strong>(ភ្នំពេញ)៖</strong> សេចក្តីរាយការណ៍ ពីសមត្ថកិច្ចបានឲ្យដឹងថា សាកសពបុរសម្នាក់ត្រូវបានគេប្រទះឃើញដេកស្លាប់ នៅចំណុចដីឡូតិ៍វាលខ្សាច់ ផ្លូវ៦០ម៉ែត្រ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ នៅម៉ោង៨៖៤០នាទីយប់ ថ្ងៃទី២៥ ខែកុម្ភៈ ឆ្នាំ២០១៦។</span></p>
<p><span style="color: #000000;">បើតាមសមត្ថកិច្ច ជនរងគ្រោះដែលស្លាប់នេះ ភេទប្រុស អាយុប្រហែល២៩ឆ្នាំ ស្លៀកខោខ្លីក្រឡាការ៉ូពណ៌ប្រផេះត្រឹមជង្គង់ ពាក់អាវយឺតដៃខ្លី ពណ៌ក្រហម មិនត្រូវបានគេស្គាល់អត្តសញ្ញាណនៅឡើយទេ ដោយសពមានសភាពហើមរលួយ មានស្នាមកាប់៣កន្លែង គឺនៅត្រចៀកខាងឆ្វេង០១កន្លែង និងនៅលើក្បាលខាងស្តាំ០២កន្លែង។ </span></p>
<p><span style="color: #000000;">សមត្ថកិច្ចបានឲ្យដឹងទៀតថា ក្រោយពេលពិនិត្យរួច សពបានយកទៅដម្កល់ទុកនៅវត្ត ចាក់អង្រែក្រោម ដើម្បីស្រាវជ្រាវរកក្រុមគ្រួសារមកទទួលយកទៅធ្វើបុណ្យតាមប្រពៃណី៕</span></p>
<p><span style="color: #000000;"><a class="thickbox" title="" href="/FileManager/Commons/2016/2/26/ab-26-02-2016--09-35-22.jpg"><img src="/FileManager/Articles/mce/2016/2/26/ab-26-02-2016--09-35-22.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p> </p>