<p><span style="color: #000000;"><strong>ភ្នំពេញ៖</strong> បើទោះជាមន្ត្រី UN ស្ពាយផែនទី ដែលប្រទេសកម្ពុជា យកទៅប្តឹងនិងតម្កល់នៅ UN យកមកផ្ទៀងផ្ទាត់ ជាមួយផែនទី ដែលរាជរដ្ឋាភិបាលកម្ពុជាមាន និងកំពុងប្រើ ជាផ្លូវការរាល់ថ្ងៃ វាដូចគ្នាបេះបិត ដោយមិនលំអៀងក្តី ក៏តំណាងរាស្ត្របក្សប្រឆាំង នៅតែមិនទទួលស្គាល់ផែនទី ដែលរាជរដ្ឋាភិបាល មាននិងកំពុងប្រើប្រាស់ រាល់ថ្ងៃដដែល។</span></p>
<p><span style="color: #000000;">លោក អ៊ុំ សំអាន អ្នកតំណាងរាស្ត្រ មណ្ឌលខេត្តសៀមរាប មកពីគណបក្សសង្គ្រោះជាតិ ដែលបច្ចុប្បន្នកំពុង ស្ថិតនៅ សហរដ្ឋអាមេរិកនោះ បានធ្វើការអះអាងប្រាប់វិទ្យុអាស៊ីសេរី ផ្សាយនៅពេល ថ្មីៗនេះថា ផែនទីដែល រាជរដ្ឋាភិបាលទើបផ្ទៀងផ្ទាត់ជាមួយអង្គការសហប្រជាជាតិនោះ គឺមិនមែនជាផែនទីផ្លូវការនោះទេ។ លោក អ៊ុំ សំអាន បានអះអាងបន្តថា ផែនទីដែលអាចជាផ្លូវការបានគឺផែនទីដែលសម្តេចព្រះបាទនរោត្តមសីហនុ យកទៅ តម្កល់នៅអង្គការសហប្រជាជាតិ កាលពីឆ្នាំ១៩៦៤។</span></p>
<p><span style="color: #000000;">ពាក់ព័ន្ធការលើកឡើងរបស់លោក អ៊ុំ សំអាន ខាងលើនេះ គេយល់ឃើញថាលោក អ៊ុំ សំអាន នៅតែប្រកាន់ជំហរថា ផែនទីដែលរាជរដ្ឋាភិបាលមាននិងកំពុងប្រើរាល់ថ្ងៃជាផែនទីមិនត្រឹមត្រូវដដែល បើទោះបីជាសមាជិកសភា ព្រឹទ្ធសភា មកពីគណបក្សសង្គ្រោះជាតិ និងគណបក្សសមរង្ស៊ី ផ្សេងទៀតគេមិនមានប្រតិកម្មឬប្រកាន់ ជំហរដូចលោក ក៏ដោយនោះ។</span></p>
<p><span style="color: #000000;">ពាក់ព័ន្ធទៅនិងការលើកឡើងថាផែនទីរបស់រាជរដ្ឋាភិបាល មាន មិនមែនជាផែនទីផ្លូវការ ទាល់តែផែនទីដែល សម្តេចព្រះនរោត្តមសីហនុ យកទៅតម្កល់នៅ UN នាឆ្នាំ១៩៦៤ ទើបផ្លូវការនេះត្រូវបានមន្ត្រីជាន់ខ្ពស់រាជរដ្ឋាភិបាល ធ្វើការបកស្រាយថា តាមពិតផែនទីដែលអង្គការសហប្រជាជាតិ មានគឺជាប្រភេទផែនទី UTM មានចំនួន១៨ផ្ទាំង ត្រូវបានរដ្ឋាភិបាលសម័យឆ្នាំ១៩៦៤ យកទៅប្តឹងអង្គការសហប្រជាជាតិពាក់ព័ន្ធសហរដ្ឋអាមេរិក ទំលាក់គ្រាប់បែក លើដីខ្មែរ ខណៈវៀតណាមខាងត្បូងធ្វើសង្គ្រាមជាមួយវៀតណាមខាងជើង ក្រៅពីនោះកម្ពុជាមិនមានផែនទី ផ្សេងណាទៀត ត្រូវបានយកទៅតម្កល់នៅអង្គការសហប្រជាជាតិនោះឡើយ សូម្បីតែអង្គការសហប្រជាជាតិ ក៏ធ្វើការអះអាងថា រកមិនឃើញនោះដែរ ក្រៅពីផែនទី១៨ផ្ទាំងដែលយកមកឲ្យកម្ពុជា ធ្វើការផ្ទៀងផ្ទាត់កាលពី ថ្ងៃទី២០ ខែសីហានេះ។ ចំណែករដ្ឋធម្មនុញ្ញ មាត្រា២ ក៏បានបញ្ជាក់ថាបូរណភាពទឹកដី របស់ព្រះរាជាណាចក្រ កម្ពុជា មិនអាចរំលោភបានដាច់ខាតក្នុងព្រំដែន របស់ខ្លួនដែលមានកំណត់ក្នុងផែនទីខ្នាត១/១០០.០០០ ធ្វើនៅចន្លោះឆ្នាំ១៩៣៣-១៩៥៣ ហើយដែលត្រូវបានទទួលស្គាល់ជាអន្តរជាតិនៅចន្លោះឆ្នាំ១៩៦៣-១៩៦៩ ដោយមិនបានបញ្ជាក់ថាជាប្រភេទផែនទីបោន ឬផែនទី UTM នោះទេ។ ប៉ុន្តែយោងតាមការ អះអាងរបស់លោក សុខ អាន ឧបនាយករដ្ឋមន្ត្រីនិងជារដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី ថ្លែងនៅក្នុងកិច្ចសម្ភាសន៍ ពន្យល់ បញ្ហាផែនទីនោះ លោកបានលើកឡើងថាពាក្យបោន ពាក្យUTM វាមិនមែនជាឈ្មោះសម្រាប់ សម្គាល់ផែនទីនោះទេ វាជាឈ្មោះសម្គាល់លើសម័យកាលក្នុងការបោះពុម្ពផែនទីតែប៉ុណ្ណោះ។ ក្នុងនោះនៅសម័យមុនឆ្នាំ១៩៦០ គេបោះពុម្ពតាមបច្ចេកទេសបោន មានន័យថាចម្លងរូបមូលមកលើក្រដាស។ លុះក្រោយឆ្នាំ១៩៦០ គេបោះពុម្ពតាម UTM មានន័យថាលឿនជាងបោន មានភាពលំអៀងតូចជាងបោន និងនៅក្រោយឆ្នាំ១៩៨៤ គេបោះពុម្ព ផែនទី តាមបច្ចេកទេសវើលជីអូដេទិចស៊ីស្ទីម មានន័យថា វាមានបច្ចេកទេសថតនិងបោះពុម្ពលឿនជាង។ ដោយឡែក ផែនទីដែលរាជរដ្ឋាភិបាលមាននៅក្នុងដៃ ប្រើប្រាស់ជាផ្លូវការរាល់ថ្ងៃគឺជាផែនទីបោះពុម្ព ដោយក្រុមភូមិសាស្ត្រ ឥណ្ឌូចិនខ្នាត ១/១០០.០០០មានចំនួន ២៦ផ្ទាំងសរុបព្រំដែនកម្ពុជា-វៀតណាម ទាំងមូលមានប្រវែងជាង ១២០០គឺឡូម៉ែត្រ មានន័យថាផែនទីនេះបោះពុម្ពនៅមុនឆ្នាំ១៩៦០ គឺបោះពុម្ពតាមបច្ចេកទេសបោន ដោយពាក្យ បោននេះ គេប្រើសម្រាប់ឈ្មោះបច្ចេកទេសបោះពុម្ពប៉ុណ្ណោះ។</span></p>
<p><span style="color: #000000;">អ្នកវិភាគបានយល់ឃើញថាមិនថាផែនទីបោះពុម្ពតាមបច្ចេកទេសបោនឬបច្ចេកទេសUTM នោះទេធ្វើម៉េចពេល យកមកផ្ទៀងផ្ទាត់ឲ្យតែដូចគ្នាទៅគឺវាត្រឹមត្រូវនិងអាចទទួលយកបានហើយ។ ដោយឡែកការលើកឡើងរបស់ លោក អ៊ុំ សំអាន ថាទាល់តែផែនទីដែលសម្តេចព្រះនរោត្តមសីហនុ យកទៅតម្កល់នៅ UN កាលពីឆ្នាំ១៩៦៤ ទើបជាផែនទីត្រឹមត្រូវនោះ គេសូមសួរថាតើលោក អ៊ុំ សំអាន មានផែនទីនោះនៅក្នុងដៃឬអត់? ហើយលោក អ៊ុំ សំអាន មានដឹងថា បច្ចុប្បន្នផែនទីនោះមាននៅទីណា? បើអង្គការសហប្រជាជាតិអះអាងថាមិនមាន មានតែផែនទី UTM ១៨ផ្ទាំងប៉ុណ្ណោះនោះ។</span></p>
<p><span style="color: #000000;">គេឆ្ងល់ថាបើលោក អ៊ុំ សំអាន ថាផែនទីរបស់រាជរដ្ឋាភិបាលមានវា មិនផ្លូវការចុះផែនទីដែលគណបក្សសង្គ្រោះជាតិ មានប្រគល់ទៅឲ្យរាជបណ្ឌិតសភាយកទៅធ្វើការ ផ្ទៀងផ្ទាត់ជាមួយផែនទី ដែលរាជរដ្ឋាភិបាលមានដូចគ្នានោះ មិនមាន ន័យថាគណបក្សសង្គ្រោះជាតិ កាន់ផែនទីមិនផ្លូវការដែលទៅហើយទេឬអី?៕</span></p>
<p><a class="thickbox" title="" href="/FileManager/Commons/2015/8/25/34-25-08-2015--09-01-16.jpg"><img src="/FileManager/Articles/mce/2015/8/25/34-25-08-2015--09-01-16.jpg" alt="" /></a></p>
<p> </p>
<p><span style="color: #000000;"><br /></span></p>
<div id="fb-root"></div>
<script type="text/javascript">// <![CDATA[
(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = "//connect.facebook.net/en_GB/sdk.js#xfbml=1&version=v2.3"; fjs.parentNode.insertBefore(js, fjs);}(document, 'script', 'facebook-jssdk'));
// ]]></script>
<div class="fb-video" data-allowfullscreen="1" data-href="/dapnewswebsite/videos/vb.138882692869664/886974251393834/?type=1">
<div class="fb-xfbml-parse-ignore">
<blockquote><a href="https://www.facebook.com/dapnewswebsite/videos/886974251393834/">អ្វីទៅជាផែនទី Bone, UTM និង World Geodetic System 84?</a>
<p>អ្វីទៅជាផែនទី Bone, UTM និង World Geodetic System 84? សូមស្តាប់ការពន្យល់របស់មន្រ្តីរាជរដ្ឋាភិបាលកម្ពុជា។</p>
Posted by <a href="https://www.facebook.com/dapnewswebsite">Dap_News_Website</a> on Monday, 24 August 2015</blockquote>
</div>
</div>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>