<p><span style="color: #000000;">កូរ៉េ ៖ ក្នុងនាមជាតារាចម្រៀង និងជាអ្នកនិពន្ធម្នាក់ Jonghyun បានព្យាយាមបំពេញការងារដែលលោកស្រលាញ់ខ្លាំងបំផុត ដើម្បីខ្លួនឯង និងសម្រាប់អ្នកគាំទ្ររបស់ខ្លួនផងដែរ ។ </span></p>
<p><span style="color: #000000;">មុនថ្ងៃដែល សមាជិកក្រុម SHINee រូបនេះបានបាត់បង់ជីវីត លោកបានព្យាយាមថតវីដេអូចម្រៀងរបស់ខ្លួនអោយបានចប់សព្វគ្រប់ ទាំងដែលក្នុងចិត្តកំពុងតែជួបរឿងដ៏សែនពិបាកបំផុត ហើយបែរជាគ្មាននរណាកត់ចំណាំឃើញសកម្មភាព និងអត្តចរិកប្លែកៗខុសពីសពដង របស់ Jonghyun ទាល់តែសោះ ។ </span></p>
<p><span style="color: #000000;">ក្រោយដឹងថា តារាចម្រៀងវ័យ ២៧ ឆ្នាំរូបនេះបានធ្វើអត្តឃាតខ្លួនឯង ស្រាប់តែតារាល្បីៗជាច្រើនដែលជាមិត្តជិតដិតរបស់ខ្លួនចាប់ផ្តើមរន្ធត់ចិត្ត ក្រោយពីទស្សនាវីដេអូរបស់លោក មុនពេលស្លាប់មួយថ្ងៃ ។ ហើយអត្ថន័យនៅក្នុងបទចម្រៀងនោះ បានបង្ហាញប្រាប់ថា Jonghyun ពិតជាស្រលាញ់តន្រ្តីខ្លាំងណាស់ ។ </span></p>
<p><a class="thickbox" title="" href="/FileManager/Commons/2017/12/21/1-21-12-2017--11-23-11.png"><img src="/FileManager/Articles/mce/2017/12/21/1-21-12-2017--11-23-11.png" alt="" /></a></p>
<p><span style="color: #000000;">ហើយអ្វីដែលតារាចម្រៀងកូរ៉េ រូបនេះបានព្យាយាមលះបង់មួយទៀតគឺ មុនពេលស្លាប់ Jonghyun បានចូលរួមការប្រគុំតន្រ្តីតែម្នាក់ឯង ដោយគ្មានសមាជិកក្រុម SHINee របស់លោកចូលរួមឡើយ ព្រមទាំងបន្តថតកម្មវិធី Night Goblin របស់ JTBC ខណៈពេលដែលខ្លួនកំពុងតែសែនឯកោ ។ តែទោះបីជាយ៉ាងណាក៏ដោយ យើងនៅមិនទាន់ច្បាស់ថា វីដេអូទាំងអស់ដែលត្រូវបានថតមុនពេលស្លាប់របស់ម្ចាស់បទ "So GoodBye" នឹងត្រូវបានក្រុមគ្រួសារសព អនុញ្ញិតអោយដាក់បញ្ចាំងជាសាធារណៈ ឬអត់ទេ ត្រូវរង់ចាំរហូតដល់ពិធីបុណ្យសពចប់រួចរាល់សិន ។</span></p>
<p><span style="color: #000000;">គួរបញ្ជាក់ឲ្យដឹងថា Jonghyun បានធ្វើអត្តឃាតខ្លួនឯង ព្រោះជម្ងឺធ្លាក់ទឹកចិត្តលក្ខណៈធ្ងន់ធ្ងរ ដោយមានទីតាំងនៅក្នុងផ្ទះជួលមួយ ដោយដុតធ្យូងគីមីអោយស្រូបចូលរាងកាយហួសកម្រិត រហូតសង្រ្គោះលែងទាន់ ៕</span></p>
<p><a class="thickbox" title="" href="/FileManager/Commons/2017/12/21/2-21-12-2017--11-23-24.png"><img src="/FileManager/Articles/mce/2017/12/21/2-21-12-2017--11-23-24.png" alt="" /></a></p>
<p><br /><a class="thickbox" title="" href="/FileManager/Commons/2017/12/21/3-21-12-2017--11-23-28.png"><img src="/FileManager/Articles/mce/2017/12/21/3-21-12-2017--11-23-28.png" alt="" /></a><a class="thickbox" title="" href="/FileManager/Commons/2017/12/21/2-21-12-2017--11-23-24.png"></a></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល ៖ គន្ធា</span></p>
<p style="text-align: right;"><span style="color: #000000;">ប្រភព ៖ koreaboo</span></p>