<p><span style="color: #000000;"><strong>(ក្រុងរីយ៉ូ)៖</strong> អត្តពលិកលោតទឹករបស់ចិន កីឡាការិនី He Zi ដែលបានឈ្នះមេដាយប្រាក់ ១គ្រឿង នៅក្នុងព្រឹត្តិការណ៍កីឡាអូឡាំពិក រដូវក្តៅ ឆ្នាំ២០១៦ នៅប្រេស៊ីល ពិតជាមានអារម្មណ៍រំភើបមែនទែន ក្នុងកម្មវិធីប្រគល់មេដាយរបស់នាង ដោយបុរសជាសង្សារ ៦ឆ្នាំមកនេះ លោក Qin Kai បានលុតជង្គង់ សុំបំពាក់ចិញ្ចៀនរៀបការនៅចំពោះមុខ និងអន្លឺនូវ សំនួរមួយដ៏រ៉ូមែនទិកបំផុត ធ្វើឲ្យអ្នកបានឃើញហេតុការណ៍នេះ ទះដៃអបអរគ្រប់គ្នា។</span></p>
<p><span style="color: #000000;">ប្រហែលនេះ ជាព្រឹត្តការណ៍ដ៏រីករាយបំផុត ក្នុងជីវិតរបស់នាង ដោយមិនត្រឹមតែទទួលបានជ័យជំនះ ក្នុងការប្រកួតទេ ថែមទាំងបានសមបំណងរឿងស្នេហាដ៏មានសារៈសំខាន់ ដែលខ្លួនបានទន្ទឹងរង់ចាំ អស់កាលជាច្រើនឆ្នាំទៀត។</span></p>
<p><span style="color: #000000;">ពិតណាស់ រូបនាងផ្ទាល់បានបង្ហើបប្រាប់អំពីចំណងស្នេហ៍របស់ខ្លួនថា មានរយៈពេលជាង ៦ឆ្នាំហើយ តែមិនទាន់ដែល គិតរៀបចំពិធីមង្គលនៅពេលណានោះទេ។</span></p>
<p><span style="color: #000000;">តាមប្រភពពីគេហទំព័រ Yahoo Sports បានឲ្យដឹងថា នេះគឺជាព្រឹត្តិការណ៍ដ៏គួរឲ្យភ្ញាក់ផ្អើលលើកទី៣ ហើយនៅអំឡុង Rio 2016 អំពីការស្នើសុំការរៀបការ ដោយមានអ្នកស្ម័គ្រចិត្ត Marjorie Enya បានស្នើសុំរៀបការ ជាមួយកីឡាការិនីប្រេស៊ីល Isadora Cerullo ជាសាធារណៈនៅក្នុងពហុកីឡដ្ឋាន Deodoro Stadium ក្នុងទីក្រុង Rio de Janeiro។</span></p>
<p><span style="color: #000000;">ទន្ទឹមគ្នានោះដែរ កីឡាការិនី Morgan King សមាជិកក្រុម Team USA ដែលជាអត្តពលិកលើកទម្ងន់ ផ្នែកនារី បានភ្ជាប់ពាក្យជាមួយគ្រូបង្វឹករបស់នាង លោក Dean Kruse ដោយគូស្នេហ៍មួយគូនេះ បានចែករំលែកដំណឹងល្អពួកគេ តាម Twitter របស់ Morgan King។</span></p>
<p><span style="color: #000000;">សូមបញ្ជាក់ផងដែរថា គិតរហូតដល់រសៀលថ្ងៃចន្ទ ទី១៥ ខែសីហានេះ ក្រុមអត្តពលិករបស់អាមេរិក នៅតែបន្តនាំមុខ ពីការឈ្នះមេដាយកើនដល់ ៦៩គ្រឿង តាមពីក្រោយដោយអង់គ្លេស ៣៨គ្រឿង និងចិន ឈរនៅលេខ៣ វិញឈ្នះមេដាយ សរុបបាន៤៥គ្រឿង តែមេដាយប្រាក់បាន ១៣គ្រឿងចាញ់ អង់គ្លេស៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-15-13-56-38-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-15-13-56-57-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-15-13-56-57-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-15-13-56-57-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-15-13-56-57-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-15-13-56-57-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-15-13-56-57-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-15-13-56-57-1.jpg" alt="" width="730" /></span></p>
<p style="text-align: right;"><span style="color: #000000;">ប្រភព ៖ យ៉ាហូស្ពត</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>