<p><span style="color: #000000;">ព័ត៌មានកីឡា៖ ក្លឹប Monaco ធ្លាប់បានបង្ហើបព័ត៌មានម្ដងរួចហើយ ក្លឹបមានចំណាប់អារម្មណ៍ចំពោះ លោក Jose Mourinho ហើយគ្រោងនឹងចំណាយលុយដើម្បីទិញយក ប្រសិនជាលោក Roman Abramovich ពិតជាព្រមលក់មែននោះ តែលទ្ធផលពេលនេះ គឺជាដូចជាការគិតមែន ដោយក្លឹប បានហ៊ានចំណាយលុយ ៣៥លានផោន ចំពោះទីផ្សារមួយនេះ ។ </span></p>
<p><span style="color: #000000;">លោក Alessandro Proto ដែលជាចំណែកម្ចាស់ភាគហ៊ុនរបស់ក្លឹប Monaco បានជួបផ្ទាល់ជាមួយ ថ្នាក់គ្រប់គ្រងកំពូលរបស់ក្លឹប Chelsea គឺលោក Roman Abramovich ក្នុងទីក្រុង London ដើម្បីជជែកគ្នា ពីតម្លៃទីផ្សារបស់លោក Mouriho ខណៈដែល លោកហ៊ានឲ្យតម្លៃ ៣៥ លានផោន ដើម្បីជួយដោះស្រាយបញ្ហាមួយនេះ ប៉ុន្ដែជាអកុសល លោក Roman Abramovich បានបដិសេធ មិនព្រមទទួលយកតម្លៃនោះឡើយ ។ តាមការសន្និដ្ឋាន របស់ Alessandro Proto បានគិតថា តម្លៃដែលអាចទិញបាន លោក Mourinho គឺមិនក្រោម ៧០ លានផោននោះទេសម្រាប់ដំណោះស្រាយមួយនេះ ។ </span></p>
<p><span style="color: #000000;">កន្លងមករហូតមកទល់ពេលនេះ គឺធ្លាប់បានដឹងហើយថា លោក Jose Mourinho កំពុងតែស្ថិតក្នុងដំណាក់កាលយ៉ាងយ៉ាប់យឺន នឹងរក្សាតំណែងរបស់ខ្លួន ក្រោយពីបំពេញបេសកម្ម ១១ ប្រកួត ចាញ់អស់ ៧ ប្រកួតទៅហើយ ។ ប៉ុន្ដែទោះជាយ៉ាងណាក៏ដោយក្ដី លោក Jose Mourinho បានទទួចថា គាត់នឹងមិនរត់ចោល Chelsea នោះទេ ដរាបណាដែលថ្នាក់ដឹកនាំកំពូលដេញគាត់ចេញ និង ផុតកំណត់កិច្ចកុងត្រានៅឆ្នាំ ២០១៩ ខាងមុខ។</span></p>
<p><span style="color: #000000;"><a class="thickbox" title="" href="/FileManager/Commons/2015/11/4/11-4-2015-10-47-58-am-04-11-2015--10-54-57.png"><span style="color: #000000;"><img src="/FileManager/Articles/mce/2015/11/4/11-4-2015-10-47-58-am-04-11-2015--10-54-57.png" alt="" /></span></a> </span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ Mirror </span></p>