<p><span style="color: #000000;"><strong>(បាត់ដំបង)៖</strong> បុរសអនិកជនខ្មែរអាមេរិកកាំងម្នាក់ ត្រូវជនសង្ស័យម្នាក់ផឹកស៊ី រួមតុជាមួយគ្នាចាក់ចំនួន៤កាំបិត បណ្ដាលឲ្យរងរបួសធ្ងន់ធ្ងរ ហើយស្លាប់ពេលបញ្ជូនដល់មន្ទីរពេទ្យឯកជន។ ហេតុការណ៍នេះកើតឡើងនាម៉ោង១២៖៣០នាទី រំលងអធ្រាត្រ ឈានចូលថ្ងៃទី០៤ ខែកញ្ញា ឆ្នាំ២០១៦ នៅចំណុចហាងហែរប៊ីដ្រាហ្គន ស្ថិតក្នុងក្រុមទី៤ ភូមិរំចេក៤សង្កាត់រតនៈ ក្រុងបាត់ដំបង ខេត្តបាត់ដំបង។</span></p>
<p><span style="color: #000000;">ជនបរទេស ដែលជាមិត្តភ័ក្តិជនរងគ្រោះ បានប្រាប់សមត្ថកិច្ចថា ជនសង្ស័យឈ្មោះ វង ភេទប្រុស អាយុប្រហែល៣១ឆ្នាំ ស្នាក់នៅផ្ទះជួលខាងត្បូងស្នងការខេត្ត ក្រុមទី១០ ភូមិរំចេក៤ សង្កាត់រតនៈ ក្រុងបាត់ដំបង បានយកកាំបិតចាក់លើជនរងគ្រោះឈ្មោះ សេក សាវឿន អាយុ៣៤ឆ្នាំ ជាអនិកជនខ្មែរអាមេរិកកាំង មុខរបរសាក់រូប ហើយបានមករស់នៅស្រុកខ្មែរ រយៈពេល៤ឆ្នាំហើយ ដែលបច្ចុប្បន្នស្នាក់នៅផ្ទះជួល ភូមិកំពង់ក្របី សង្កាត់ស្វាយប៉ោ ក្រុងបាត់ដំបង។</span></p>
<p><span style="color: #000000;">បច្ចុប្បន្នជនសង្ស័យ ត្រូវបានកម្លាំងនគរបាលជំនាញក្រុងបាត់ដំបង កំណត់មុខសញ្ញាបាន ហើយកំពុងស្វែងរកចាប់ខ្លួនដើម្បីយកមកផ្តន្ទាទោសតាមច្បាប់៕</span></p>
<p><a class="thickbox" title="" href="/FileManager/Commons/2016/9/4/02a-04-09-2016--14-10-37.jpg"><img src="/FileManager/Articles/mce/2016/9/4/02a-04-09-2016--14-10-37.jpg" alt="" /></a></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>