<p><span style="color: #000000;">នៅក្នុងត្រីមាសទី២ កន្លងទៅថ្មីៗនេះ អាចនឹងជាត្រីមាសដែល <span class="Tinhte_XenTag_TagLink">Samsung Electronics</span> ទទួលបានផលចំណេញខ្ពស់បំផុត នៅក្នុងរង្វង់ពីរឆ្នាំកន្លងមកនេះ។ នេះបើយោងតាមបណ្តាតួរលេខដំបូង ដែលពួកគេបានបង្ហាញ។ ក្នុងនោះ ជំនួញបណ្តាគ្រឿងអេឡិចត្រូនិច អាចទទួលបានប្រាក់ចំណូល ប្រហែល ៤៣ពាន់លានដុល្លារ ហើយជាពិសេសនោះគឺប្រាក់ចំណេញឡើងដល់ ៧ពាន់លានដុល្លារ ក្នុងរយះពេលប្រហែលជា ៣ខែ គឺចាប់ពីខែមេសា ដល់ខែមិថុនា ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/7/7/samsung-galaxy-s7-sg-24-07-07-2016--16-23-18.jpg"><img src="/FileManager/Articles/mce/2016/7/7/samsung-galaxy-s7-sg-24-07-07-2016--16-23-18.jpg" alt="" /></a><br /></span></p>
<p><span style="color: #000000;">៧ពាន់លានដុល្លារ គឺជាទំហំទឹកប្រាក់ចំណេញច្រើនជាងគេបំផុត ដែលក្រុមហ៊ុន <span class="Tinhte_XenTag_TagLink">Samsung</span> ទទួលបានគិតចាប់ពីដើមឆ្នាំ២០១៤ មក។ បើប្រៀបនឹងត្រីមាសទី២ ឆ្នាំមុន ផលចំណេញដែល Samsung ទទួលបាន គឺកើនឡើងដល់ ៤១% ឯណោះ។ នេះគ្រាន់តែជាតួរលេខដំបូងប៉ុណ្ណោះ ហើយគេរំពឹងទុកថា Samsung នឹងដាក់ចេញនូវលទ្ធផលជំនួញផ្លូវការ នៅចុងដែនេះ ពេលនោះតួរលេខអាចនឹង មានការផ្លាស់ប្តូរទៀត។ ហើយពេលនោះដែរ ពួកយើងនឹងបានដឹងយ៉ាងច្បាស់ថា Galaxy S7 និង S7 Edge បានរួមចំណែកច្រើនប៉ុណ្ណា លើជំនួញរបស់ក្រុមហ៊ុន៕</span></p>
<p><a href="http://www.camnews.com.kh/News/Detail/22342/leaked-the-cad-photo-of-iphone-7"><span style="color: #0000ff;"><em>- អានអត្ថបទ៖ លេចចេញម៉ូដែលគំនូរ CAD បញ្ជាក់ពីរូបរាងរបស់ iPhone 7 និង 7 Plus</em></span></a></p>
<p> </p>
<p style="text-align: right;"><em>ប្រែសម្រួល៖ មង្គល</em></p>