<p><span style="color: #000000;"><strong>(ភ្នំពេញ)៖</strong> តារាកំប្លែងនិងចម្រៀងអាយ៉ៃ យាយអឿន ថ្មីៗនេះបានជួបរឿងស៊យ ហើយត្រូវបានក្រុមគ្រួសារបញ្ជូនទៅកាន់មន្ទីរពេទ្យភ្លាមៗ បន្ទាប់ពីត្រូវសត្វគោមួយក្បាល ផ្អើលរត់មកជាន់លើដើមទ្រូងរបស់គាត់ ខណៈកំពុងតែឈរ មើលរថយន្តចាក់ដី នៅខាងក្រោយផ្ទះ។</span></p>
<p><span style="color: #000000;">កូនប្រុសរបស់តារាកំប្លែង អ្នកស្រី សួន សំអឿន ហៅយាយ អឿន បានថ្លែងប្រាប់ឲ្យដឹងមុននេះថា រហូតមកទល់ពេលនេះ អាការៈជំងឺម្តាយរបស់លោក បានធូស្រាលបន្តិច។ ប៉ុន្តែការដង្ហើមរបស់គាត់ នៅមានសភាពថប់ៗ ទើបក្រុមគ្រួពេទ្យតម្រូវឲ្យ សម្រាកតាមដានជំងឺ។ ពេលនេះម្ដាយរបស់លោក កំពុងតែសម្រាកព្យាបាល នៅមន្ទីរពេទ្យបាយ័ន ក្បាលថ្នល់។</span></p>
<p><span style="color: #000000;">ប្រភពដែល បានបន្ថែមថា កាលពីព្រឹកថ្ងៃទី០១ ខែកញ្ញា ម្សិលមិញ ម្តាយរបស់លោក (យាយ អឿន )បានទៅមើលគេចាក់ដី នៅកៀនស្វាយ តែមិនដឹងមូលហេតុអ្វីទេ បានជាមានសត្វគោមួយក្បាល ផ្អើលរត់មកបុកគាត់ ទាំងកម្រោល បណ្តាលឲ្យដួលខ្ទប់ នឹងដីរួចវាក៏រត់ជាន់លើតែម្តង។ ដោយឃើញមានសភាពអារៈធ្ងន់ធ្ងរ ក្រុមគ្រួសារក៏បានសម្រេចបញ្ចូនគាត់ មកសង្គ្រោះនៅមន្ទីពេទ្យ បាយ័នតែម្តង៕</span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xtl1/v/t1.0-9/13879431_1548234538536184_8193228707376343111_n.jpg?oh=fd55873659188267260377d5e80bdf19&oe=5856DE29&__gda__=1480887578_38bb1c1db8e3e731acfcb97724c8dec9" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xft1/v/t1.0-9/14191908_1548234541869517_6102013368501926956_n.jpg?oh=1a6cb27d98b5a4df7dedbac2f61f73ff&oe=584BD64B&__gda__=1485173546_790542d8a590295f7ea15943d4555998" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>