<p><span style="color: #000000;">យុវវ័យឥណ្ឌូនេស៊ី ១៣នាក់ ក្នុងនោះមាននារីម្នាក់ ត្រូវបានគេពិន័យដោយវាយនឹងរំពាត់ នៅចំពោះ</span><br /><span style="color: #000000;">មុខមនុស្សរាប់រាប់រយនាក់ ព្រោះតែមានកាយវិការស្និទ្ធស្នាលនឹងគ្នា។</span></p>
<p><span style="color: #000000;"><a class="thickbox" title="" href="/FileManager/Commons/2016/10/21/muslim1-21-10-2016--08-05-17.jpg"><span style="color: #000000;"><img src="/FileManager/Articles/mce/2016/10/21/muslim1-21-10-2016--08-05-17.jpg" alt="" /></span></a></span></p>
<p><span style="color: #000000;">កាលពីថ្ងៃទី ១៧តុលា នៅឯវិហារអ៊ីស្លាមមួយនៅក្នុងទីរួមខែត្រ Banda Aceh យុវវ័យ៦គូដែលមាន</span><br /><span style="color: #000000;">វ័យចាប់ពី ២១ដល់៣០ឆ្នាំ ត្រូវបានគេដាក់ពិន័យ ក្រោមការចោទប្រកាន់ពីបទស្និទ្ធស្នាលជាមួយ</span><br /><span style="color: #000000;">មនុស្សផ្ទុយភេទនៅពេលមិនទាន់រៀបការ ដូចជាប៉ះពាល់ ឱប និងថើបគ្នាជាដើម។</span></p>
<p><span style="color: #000000;">បុរសម្នាក់ផ្សេងទៀត ក៏ត្រូវបានពិន័យ ព្រោះបាននៅជាមួយមនុស្សផ្ទុយភេទនៅទីកំបាំង។ ក្នុង</span><br /><span style="color: #000000;">វិន័យនៃសាសនាអ៊ីស្លាមបានចែងថា ប្រការនេះ អាចនឹងនាំឱ្យមានអំពើផិតក្បត់។</span></p>
<p><span style="color: #000000;">ក្នុងចំណោមមនុស្សដែលមានទោស មាននារីម្នាក់អាយុ២២ឆ្នាំ ត្រូវបានពន្យាពេលនៃការដាក់</span><br /><span style="color: #000000;">ពិន័យ ព្រោះនាងកំពុងមានផ្ទៃពោះ ប៉ុន្តែ នារីទាំងឡាយក្រៅពីនេះ សុទ្ធតែបានស្រែកយំក្នុងការ</span><br /><span style="color: #000000;">ឈឺចាប់ពេលត្រូវវាយនឹងរំពាត់នៅចំពោះមុខមហាជនដែលកំពុងស្រែកថ្កោលទោស។</span></p>
<p><span style="color: #000000;"><a class="thickbox" title="" href="/FileManager/Commons/2016/10/21/muslim3-21-10-2016--08-06-19.jpg"><span style="color: #000000;"><img src="/FileManager/Articles/mce/2016/10/21/muslim3-21-10-2016--08-06-19.jpg" alt="" /></span></a></span></p>
<p><span style="color: #000000;">លោក Aceh Zainal Arifin ចៅហ្វាយក្រុងរងរបស់ខែត្រ Banda Aceh បានឱ្យដឹងថា លោកសង្ឃឹម</span><br /><span style="color: #000000;">ថា ការពិន័យដោយរំពាត់នេះនឹងមានប្រសិទ្ធភាព។ លោកថ្លែងថា “យើងខ្ញុំសង្ឃឹមថា ក្នុងអនាគត</span><br /><span style="color: #000000;">នឹងមិនមានអ្នកបំពានច្បាប់នៅ Banda Aceh”។</span></p>
<p><span style="color: #000000;">Banda Aceh គឺជាខែត្រតែមួយគត់នៅ ឥណ្ឌូនេស៊ី ដែលប្រើប្រាស់ច្បាប់សាសនាអ៊ីស្លាម Sharia </span><br /><span style="color: #000000;">បន្ទាប់ពីបានទទួលសិទ្ធិគ្រប់គ្រងដោយស្វ័យភាពចាប់ពីឆ្នាំ ២០១១ ក្នុងកិច្ចប្រឹងប្រែងបញ្ឈប់ការ</span><br /><span style="color: #000000;">បះបោរទាមទារឯករាជ។</span></p>
<p><span style="color: #000000;"><a class="thickbox" title="" href="/FileManager/Commons/2016/10/21/muslim2-21-10-2016--08-05-59.jpg"><span style="color: #000000;"><img src="/FileManager/Articles/mce/2016/10/21/muslim2-21-10-2016--08-05-59.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/10/21/muslim4-21-10-2016--08-07-25.jpg"><span style="color: #000000;"><img src="/FileManager/Articles/mce/2016/10/21/muslim4-21-10-2016--08-07-25.jpg" alt="" /></span></a><a class="thickbox" title="" href="/FileManager/Commons/2016/10/21/muslim2-21-10-2016--08-05-59.jpg"></a></span></p>
<p><span style="color: #000000;">ក្នុងវិន័យនៃសាសនាអ៊ីស្លាមក៏បានចែងថា អ្នកដែលបានបំពានច្បាប់ដូចជា លេងល្បែងស៊ីសង ផឹក</span><br /><span style="color: #000000;">ស្រា មានទំនាក់ទំនងផ្លូវភេទនៃមនុស្សភេទដូចគ្នាជាដើម នឹងត្រូវបានគេដាក់ពិន័យដោយវាយនឹង</span><br /><span style="color: #000000;">រំពាត់៕</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ Dailymail</span></p>