<p><span style="color: #000000;"><strong>(ភ្នំពេញ)៖</strong> បន្ទាប់ពីភ្ជាប់ទំនាក់ទំនងស្នេហា រហូតសម្រេចឈានដល់ការរៀបអាពាហ៍ពិពាហ៍ ជាផ្លូវការ និងបាន ចេញទៅរស់នៅជាមួយស្វាមី នៅលើទឹកដីប្រទេសអាមេរិក អស់រយៈពេលជាង២ឆ្នាំមកនេះ តារាសម្តែងអ្នកនាង សារ៉ាយ សក្ខិណា កាលពីថ្មីៗនេះ ទទួលការដូចចំណងដៃកូនស្រីម្នាក់ ដែលមានមុខមាត់ស្រស់ស្អាត គួជាទីស្រលាញ់ ជាតំណក់ឈាមរួមគ្នារវាងនាង និងស្វាមីអាណិកជន។</span></p>
<p><span style="color: #000000;">ទោះបីជាយ៉ាងណាក៏ដោយ ចាប់តាំងមានផ្ទៃពោះ រហូតសម្រាលបានកូនស្រីម្នាក់ហើយនោះ តារាសម្តែងធ្លាប់មាន ប្រជាប្រិយ ភាព និងទទួលបានការគាំទ្រពីទស្សនិជន អ្នកនាង សារ៉ាយ សក្ខិណា កន្លងមកពុំធ្លាប់ត្រូវ បានបញ្ចេញ ឲ្យឃើញ មុខមាត់កូនស្រីរបស់ខ្លួន ឲ្យមហាជនបានឃើញឡើយ តែពេលថ្មីៗនេះ នាងក៏បានសម្រេចចិត្តបង្ហាញ មុខមាត់កូនស្រីបង្ហោះនៅលើ បណ្តាញសង្គមហ្វេសប៊ុក បង្អួតអ្នកគាំទ្រ ។</span></p>
<p><span style="color: #000000;">តាមរយៈរូបថត ដែលត្រូវបានបង្ហោះនៅលើទំព័រហ្វេសប៊ុក គេសង្កេតឃើញអតីតតារាសម្តែង សារ៉ាយ សក្ខិណា ហាក់កំពុងទទួលបានសេចក្តីសុខ និងមានសុភមង្គលខ្លាំង ជាមួយកូនស្រីរបស់នាង។ មិនតែប៉ុណ្ណោះនៅក្នុងនោះ តារាស្រីអ្នកនាង សារ៉ាយ សក្ខិណា ក៏បានបង្ហាញពីទំហំទឹកចិត្ត ស្រលាញ់កូនស្រីរបស់ខ្លួនខ្លាំង ទៀតផង។ ទន្ទឹមនឹងនោះ នាងក៏បានទទួលបានការ លើកសរសើរ ពីបណ្តាអ្នកនិយមលេងហ្វេសប៊ុងផងដែរ ព្រោះតែសម្រាលបានកូនស្រីម្នាក់ ដែលមានពណ៌សម្បុរ និងមុខមាត់ស្រស់ស្អាតកាត់រកម្តាយ។</span></p>
<p><span style="color: #000000;">រំឭកពីចំណងអាពាហ៍ពិពាហ៍វិញ តារាសម្ដែងស្រីអ្នកនាង សារ៉ាយ សក្ខិណា នៅចុងឆ្នាំ២០១៣ បានដឹកដៃអាណិកជនខ្មែរអាមេរិក វ័យ៤០ឆ្នាំប្លាយម្នាក់ ចូលរោងការជាផ្លូវការ។ បន្ទាប់ពីរៀបចំអាពាហ៍ពិពាហ៍នាង ក៏បានសម្រេចចិត្តបោះបង់ អាជីពសិល្បៈ ដើម្បីចាកចេញ ទៅរស់នៅសហរដ្ឋអាមេរិក សាងសុភមង្គមស្នេហា ជាមួយស្វាមី នៅដើមឆ្នាំ២០១៤ទើបក្រោយមកទៀត ក៏បានដាក់គម្រោងយកកូនតែម្តង៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/11/14-11-12-2015--14-24-41.jpg"><img src="/FileManager/Articles/mce/2015/12/11/14-11-12-2015--14-24-41.jpg" alt="" /></a></span></p>
<p><a class="thickbox" title="" href="/FileManager/Commons/2015/12/11/14a-11-12-2015--14-24-49.jpg"><img src="/FileManager/Articles/mce/2015/12/11/14a-11-12-2015--14-24-49.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/12/11/14-11-12-2015--14-24-41.jpg"></a></span></p>
<p><a class="thickbox" title="" href="/FileManager/Commons/2015/12/11/14b-11-12-2015--14-24-56.jpg"><img src="/FileManager/Articles/mce/2015/12/11/14b-11-12-2015--14-24-56.jpg" alt="" /></a></p>
<p><a class="thickbox" title="" href="/FileManager/Commons/2015/12/11/14c-11-12-2015--14-25-04.jpg"><img src="/FileManager/Articles/mce/2015/12/11/14c-11-12-2015--14-25-04.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញ៉ូវអាស៊ី</span></p>