<p><span style="color: #000000;"><strong>(ភ្នំពេញ)៖</strong> បន្ទាប់ពីមានការបែបធ្លាយ រហូតមានការចុះផ្សាយយ៉ាងព្រោងព្រាត ពីសំណាក់បណ្តាសារព័ត៌មានក្នុងស្រុកមួយចំនួន ដែលបានដាក់ការសង្ស័យ លើសម្ព័ន្ធភាពស្នេហា រវាងតារាចម្រៀងស្រីរបស់ផលិតកម្មហង្សមាស អ្នកនាង ពេជ្រ សោភា ជាមួយតារាសម្តែងប្រុសខ្ពស់ស្រឡះរូបសង្ហា លោក ឆឹម សក្កដា ថា បានលួចលាក់ស្នេហាជាមួយគ្នាមក ភ្លាមៗនេះដែរ តារាស្រីអ្នកនាង ពេជ្រ សោភា បានចេញមុខច្រានចោល ចំពោះដំណឹងនេះថា គ្រាន់តែជាការយល់ច្រឡំប៉ុណ្ណោះ។</span></p>
<p><span style="color: #000000;">ផ្អែកតាមការចុះផ្សាយ របស់បណ្តាសាព័ត៌មានក្នុងស្រុកមួយចំនួន បានលើកឡើងភ្ជាប់ជាមួយរូបភាព នៃការស្និទ្ធស្នាលគ្នា រវាងអ្នកនាង ពេជ្រ សោភា និងលោក ឆឹម សក្កដា ដោយបានបញ្ជាក់ថា ពេជ្រ សោភា និងតារាប្រុសលោក ឆឹម សក្កដា អំឡុងមួយរយៈពេលចុងក្រោយនេះ ហាក់មានភាពស្និទ្ធស្នាលផ្អែមល្ហែម ជាមួយគ្នាខ្លាំងណាស់។ តាមរយៈរូបភាពនេះ ពួកគេទាំងពីរអាចនឹងកំពុងតែ លេងល្បែងស្នេហ៍លាក់មុខ ជាមួយគ្នាទៀតផង។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/12/28/15-28-12-2016--14-03-54.jpg"><img src="/FileManager/Articles/mce/2016/12/28/15-28-12-2016--14-03-54.jpg" alt="" /></a><br /></span></p>
<p><span style="color: #000000;">ជាមួយគ្នានេះ បើតាមការកត់សម្គាល់ នៅលើបណ្តាញសង្គមហ្វេសប៊ុក របស់តារាស្រី-ប្រុសមួយគូនេះថ្មីៗកន្លងមកនេះ គេតែងប្រទះឃើញសារឆ្លើយឆ្លងគ្នា ជាបន្តបន្ទាប់ ខណៈថ្មីៗនេះ លោក ឆឹម សក្កដា ក៏បានបង្ហោះ ភ្ជាប់ជាមួយរូបភាពមួយសន្លឹក ដោយលើកឡើងថា <strong>«ទោះជាត្រូវចាំចម្លើយយូរបន្តិច តែក៏មិនអីដែរ គេមើលខ្ញុំសិនក៏បាន មិនអីទេ ពេលខ្លះរឿងពីមុនរបស់គាត់ អាចធ្វើឲ្យគាត់ខ្លាច ខ្ញុំយល់អារម្មណ៍របស់គាត់ ធ្លាប់ឈឺចាប់ដូចគ្នា ទើបដឹង !»</strong>។ ប៉ុន្តែភ្លាមៗនោះដែរ ស្រាប់តែអ្នកនាង ពេជ្រ សោភា បាន Share នឹងបានសរសេរ នៅលើរូបភាពនោះថា <strong>«ធ្លាប់ឈឺចាប់ដូចគ្នា ទើបដឹងថា វាឈឺប៉ុណ្ណា អរគុណណាស់ ដែលតែងធ្វើឲ្យខ្ញុំសើចរហូត នៅពេលដែលខ្ញុំកំពុងឈឺចាប់ !»</strong>។</span></p>
<p><span style="color: #000000;">យ៉ាងណាមិញ ស្របពេលដែលមហាជនជាច្រើន កំពុងដាក់ការសង្ស័យថា អ្នកនាង ពេជ្រ សោភា និងលោក ឆឹម សក្កដា អាចមានទំនាក់ទំនងស្នេហា ជាមួយគ្នា ទើបបានជាមានសារឆ្លើយឆ្លងផ្តោះផ្តងបែបនេះ ស្រាប់តែសាមីខ្លួន អ្នកនាង ពេជ្រ សោភា បានចេញមុខបដិសេធ ដោយបញ្ជាក់ដោយខ្លីថា «ពួកយើងរាប់អានគ្នាត្រឹមតែជាមិត្តភក្តិប៉ុណ្ណោះ» ខណៈមានទស្សនិកជនជាច្រើន នៅតែសង្ស័យចំពោះរឿងនេះ នៅឡើយ៕</span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-28-12-11-13-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-28-12-11-13-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-28-12-11-22-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-28-12-11-30-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-28-12-11-30-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-28-12-11-35-0.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>