<p><span style="color: #000000;"><strong>(ភ្នំពេញ)៖</strong> ទូរស័ព្ទណូគៀជិត ១,០០០គ្រឿង នៅក្នុងហាងទូរស័ព្ទធំៗពីរកន្លែងនៅក្នុងរាជធានីភ្នំពេញ ត្រូវបានព្រះរាជអាជ្ញាអមសា លាដំបូងរាជធានីភ្នំពេញ និងលោកឧត្តមសេនីយ៍ ប៉ុល រតនា អនុប្រធាននាយកដ្ផាននគរបាលព្រហ្មទ័ណ្ឌក្រសួងមហាផ្ទៃ ដឹកនាំកម្លាំងចុះបង្រ្កាប និងរឹបអូស បន្ទាប់ពីសង្ស័យថា ទូរស័ព្ទទាំងនេះត្រូវបានលួចនាំចូលដោយខុសច្បាប់។</span></p>
<p><span style="color: #000000;">ការចុះឆែកឆេរ និងរឹបអូសទូរស័ព្ទណូគៀជាច្រើនប្រភេទនេះ នាព្រឹកថ្ងៃទី០២ ខែមីនា ឆ្នាំ២០១៦នេះ ធ្វើឡើងនៅក្នុងហាងលក់ទូរស័ព្ទ «ដេលី» សាខាចែកចាយផ្ដល់សេវាកម្ម ស្ថិតនៅអគារលេខ ១៧M និង១៨M ផ្លូវម៉ៅសេទុង សង្កាត់ទឹកល្អក់៣ ខណ្ឌទួលគោក និងមួយកន្លែងស្ថិតនៅហាងលក់ទូរស័ព្ទដៃ «លី ហួរ» ស្ថិតនៅអាគារលេខ១៤E និង១៤F ផ្លូវលេខ៦៦៤ សង្កាត់បឹងសាឡាង ខណ្ឌទួលគោក។</span></p>
<p><span style="color: #000000;">បើតាមការបញ្ជាក់ពីសមត្ថកិច្ច បានឲ្យដឹងថា ប្រតិបត្តិការឆែកឆេររកទូរស័ព្ទណូគៀនាំចូលខុសច្បាប់នេះ បានធ្វើឡើងរហូតដល់ល្ងាចនៅតាមទីតាំងលក់ទូរស័ព្ទមួយចំនួនផ្សេងទៀត។</span></p>
<p><span style="color: #000000;">សមត្ថកិច្ច ក៏បានឲ្យដឹងផងដែរថា ការចុះបង្រ្កាបនេះ ធ្វើឡើងតាមបណ្តឹងរបស់ក្រុមហ៊ុនណូគៀ និងក្រុមហ៊ុន Microsoft ដោយសារ ការលួចនាំចូលនេះ ជាការសម្លាប់ទីផ្សាររបស់ក្រុមហ៊ុន៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/12803224_1564774303836935_7910356034778780190_n.jpg?oh=ed15148f9d2e2c389c4998a60f8cb2c2&oe=5769E0AC" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtp1/v/t1.0-9/12813937_1564774267170272_7153684996405288540_n.jpg?oh=b50ac817c13f8c85ccdfbdab0f6511c4&oe=576A450E" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/12472808_1564774213836944_6907130520800783893_n.jpg?oh=e9e4e5c1dc9204314ca9cb2bc2d1ac93&oe=57620B6B" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/12809665_1564774207170278_5836378095963892085_n.jpg?oh=a783379e10b342d7628f711479ade4c0&oe=5796687D" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>