<p><span style="color: #000000;"><strong>បរទេស៖</strong> ក្រោយបាត់ខ្លួន យន្តហោះ របស់ក្រុមហ៊ុន អាកាសចរណ៍ Air Asia ជើងហោះលេខ QZ 8501 ចេញដំណើរ ពីព្រលានយន្តហោះ ក្នុងក្រុង Surabaya ប្រទេសឥណ្ឌូនេស៊ី ឆ្ពោះទៅកាន់ ប្រទេសិង្ហបុរី ចាប់តាំងពីព្រឹក ថ្ងៃទី២៨ ខែធ្នូ ឆ្នាំ២០១៤ មក បណ្តាញព័ត៌មាន ទូទាំងពិភពលោក ផ្តោតការយកចិត្ត ទុកដាក់យ៉ាងខ្លាំង ។</span></p>
<p><span style="color: #000000;">ដោយឡែកសម្រាប់គេហទំព័រដ៏ល្បី Business Insider នៅថ្ងៃទី២៩ ខែធ្នូ ឆ្នាំ២០១៤ បានចេញផ្សាយ នូវប្រវត្តិខ្លះៗ របស់យន្តហោះ ដែលកំពុងបាត់ខ្លួន ជាមួយមនុស្ស ១៦២នាក់ ដែលជិះនៅលើនោះ ។</span></p>
<p><span style="color: #000000;"><a class="thickbox" title="" href="/FileManager/Commons/2014/12/29/55-29-12-2014--16-43-55.jpg"><img src="/FileManager/Articles/mce/2014/12/29/55-29-12-2014--16-43-55.jpg" alt="" /></a><br /></span></p>
<p><span style="color: #000000;">យន្តហោះ ដែលកំពុងបាត់ខ្លួន ប្រភេទយន្តហោះ Airbus A320-200 ផលិតដោយក្រុមហ៊ុន Airbus របស់ប្រទេសបារាំង ហើយយន្តហោះប្រភេទ Airbus A320-200 ចាប់ផ្តើមហោះហើរ សាកល្បងលើកដំបូង នៅថ្ងៃទី២២ ខែកុម្ភៈ ឆ្នាំ១៩៨៧ និង ហោះហើរជាផ្លូវការ នៅថ្ងៃទី១៨ ខែមេសា ឆ្នាំ១៩៨៨ ដោយក្រុមហ៊ុន អាកាសចរណ៍ Air France ។</span></p>
<p><span style="color: #000000;">សម្រាប់យន្តហោះ ដែលកំពុងបាត់ខ្លួនវិញ ត្រូវបានក្រុមហ៊ុន អាកាសចរណ៍ Air Asia របស់ប្រទេស ឥណ្ឌូនេស៊ី ដែលមានភាគហ៊ុន រួមជាមួយ ក្រុមហ៊ុន អាកាសចរណ៍ ម៉ាឡេស៊ី (៤៨.៩ភាគរយ) ទិញមកប្រតិបត្តិការ ហោះហើរ កាលពីឆ្នាំ២០០៨ ដល់បច្ចុប្បន្ន ក្នុងតម្លៃ ៨៥ លានដុល្លារអាមេរិក ។ ក្រុមហ៊ុន Air Asia មានមូលដ្ឋាន នៅទីក្រុងកូឡាំពួរ ប្រទេសម៉ាឡេស៊ី ដែលមាន នាយកប្រតិបត្តិ ឈ្មោះ Tony Fernandes និងមានបុគ្គលិកជាង ១ម៉ឺននាក់ ព្រមទាំងមានគោលដៅ ហោះហើរ ជា១០០កន្លែង ។</span></p>
<p><span style="color: #000000;"><a class="thickbox" title="" href="/FileManager/Commons/2014/12/29/92-29-12-2014--16-44-08.jpg"><img src="/FileManager/Articles/mce/2014/12/29/92-29-12-2014--16-44-08.jpg" alt="" /></a><br /></span></p>
<p><span style="color: #000000;">យន្តហោះ ដែលបាត់ខ្លួន មានអាយុកាលហើរហោះ ចំនួនប្រមាណជា ២៣,០០០ម៉ោង (ជិត៣ឆ្នាំ) តែគិតមកដល់ពេលនេះ វាទើបហោះហើរ បានប្រមាណ ១៣,៦០០ ម៉ោងប៉ុណ្ណោះ ហើយវាមាន ២ម៉ាស៊ីន អាចផ្ទុកអ្នកដំណើរ បានចំនួន ១៨០នាក់ ។ ក្រុមហ៊ុន Air Asia របស់ ម៉ាឡេស៊ី រួមជាមួយក្រុមហ៊ុនឥណ្ឌូនេស៊ី Air Lines ធា្លប់ត្រូវគេបានហាមឃាត់ មិនឲ្យហោះហើរ ទៅកាន់សហភាពអឺរ៉ុប កាលពីឆ្នាំ២០០៧ កន្លងទៅនេះ ដោយសារបារម្ភ ចំពោះបញ្ហាសុវត្ថិភាព ប៉ុន្តែបម្រាមនេះ ត្រូវបានលុបចោលវិញ កាលពីឆ្នាំ ២០១០កន្លងទៅនេះ ។</span></p>
<p><span style="color: #000000;"><a class="thickbox" title="" href="/FileManager/Commons/2014/12/29/93-29-12-2014--16-44-29.jpg"><img src="/FileManager/Articles/mce/2014/12/29/93-29-12-2014--16-44-29.jpg" alt="" /></a></span></p>
<p><a class="thickbox" title="" href="/FileManager/Commons/2014/12/29/airasia-pilot-29-12-2014--16-44-39.jpg"><img src="/FileManager/Articles/mce/2014/12/29/airasia-pilot-29-12-2014--16-44-39.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/12/29/93-29-12-2014--16-44-29.jpg"></a><br /></span></p>
<p><span style="color: #000000;">បើយោងតាមប្រភពព័ត៌មាន ពីគេហទំព័រ របស់ក្រុមហ៊ុន Airbus យន្តហោះ Airbus A320-200 មានម៉ាស៊ីន២ ដែលអាចជាប្រភេទ CFM56-5A1 ឬ CFM56-5B4 បើកបានក្នុងល្បឿន ៨៣៧ គីទ្បូម៉ែត្រ ក្នុងមួយម៉ោង ដោយហោះបាន ចម្ងាយឆ្ងាយបំផុត ៤,៤៤២គីទ្បូម៉ែត្រ ក្នុងរយៈកម្ពស់ជាង ១០គីឡូម៉ែត្រ អាចដឹងទំនិញ បានទម្ងន់ ៩,៤៣៥ គីទ្បូក្រាម, ផ្ទុកប្រេងឥន្ធនៈ បានចំនួន ២៣,៨៥៩ លីត្រ ហើយវាមានប្រវែង ៣៧.៥៧ ម៉ែត្រ ប្រវែងស្លាបចំនួន ៣១.៥៧ ម៉ែត្រនិងកម្ពស់ចំនួន ១១.៧៦ ម៉ែត្រ ៕</span></p>
<p><span style="color: #0000ff;"><em><a href="/News/Detail/23894/airasia-plane-likely-at-bottom-of-see-indonesia-search-chief" target="_blank"><span style="color: #0000ff;">- អាន ៖ យន្តហោះ AirAsia បាត់ខ្លួននោះ ទំនងជាផ្ទុះធ្លាក់ និងជាប់នៅបាតសមុទ្រ</span></a></em></span></p>
<p><span style="color: #0000ff;"><em><a href="/News/Detail/85904/airasia-qz8501-indonesia-plane-search-resumes" target="_blank"><span style="color: #0000ff;">- អាន ៖ សមត្ថកិច្ច ពាក់ព័ន្ធ សម្រុក រុករក ម្តុំកោះ Belitung ទីតាំង យន្តហោះ AirAsia បាត់ខ្លួន</span></a></em></span></p>
<p><span style="color: #0000ff;"><em><a href="/News/Detail/32187/airasia-says-missing-jet-asked-to-deviate-due-to-weather" target="_blank"><span style="color: #0000ff;">- អាន ៖ ពីលុត បើកយន្តហោះបាត់ខ្លួន AirAsia ស្នើសុំ ហោះបង្វែរគោលដៅ មុនវិនាទី ពេលបាត់ខ្លួន</span></a></em></span></p>
<p><span style="color: #000000;"><em><span style="color: #0000ff;"><a href="/News/Detail/35204/breaking-airasia-flight-qz8501-from-indonesia-to-singapore-missing" target="_blank"><span style="color: #0000ff;">- អាន ៖ ផ្អើលមួយទ្វីបលោក ខណៈយន្តហោះ ក្រុមហ៊ុន AirAsia បាត់ខ្លួននៅ តំបន់អាស៊ី ជិតកម្ពុជា ព្រឹកមិញនេះ</span></a></span></em></span></p>
<p><span style="color: #000000;"><a class="thickbox" title="" href="/FileManager/Commons/2014/12/29/airasia-01-29-12-2014--16-44-55.jpg"><img src="/FileManager/Articles/mce/2014/12/29/airasia-01-29-12-2014--16-44-55.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ដើមអម្ពិល និង businessinsider</span></p>