<p><span style="color: #000000;"><strong>ភ្នំពេញ៖</strong> តើជាការពិតទេ ដែលតារាសម្តែង ប្រុសរាងសង្ហា លោក ចន អេឡិចដាហ្វី ពោលពាក្យប្រកាស ប្រាប់ដល់ មហាជនអ្នកគាំទ្រ និងមិត្តភក្តិនៅក្នុង សង្គមហ្វេសប៊ុក យ៉ាងប្រហើនថា លោករាងចាល និងមិនចង់មានស្នេហា ជាមួយមនុស្សស្រី ទៀតឡើយ ? ប៉ុន្តែផ្ទុយទៅវិញ បែរជាតារាប្រុសរូបនេះ ប្រកាសក្តែងៗប្រាប់ថា ចង់ផ្តើមស្នេហា ថ្មីជាមួយមនុស្សប្រុស ភេទដូចគ្នាវិញម្តង ។</span></p>
<p><span style="color: #000000;">យ៉ាងណាមិញថ្មីៗនេះ នៅលើបណ្តាញ ទំនាក់ទំនងសង្គមហ្វេសប៊ុក គេបានប្រទះឃើញ តារាសម្តែងប្រុស លោក ចន អេឡិចដាហ្វី ដែលគេស្គាល់ច្បាស់ថា ត្រូវជាប្អូនប្រុសបង្កើត របស់លោក ចន អេឡិចហ្សូរ៉ា នោះ បានសរសេរបង្ហោះ សារមួយឃ្លា មានលក្ខណៈខុសប្លែក ពីធម្មតា បង្ហាញពីការបែកបាក់ ស្នេហាជាមួយមនុស្សស្រីម្នាក់ រហូតធ្វើឱ្យតារាសម្តែងរូបនេះ បញ្ចេញពីអារម្មណ៍ស្អប់ មិនចង់ជួបស្រឡាញ់ មនុស្សស្រី តទៅទៀត ហើយបែរងាកមករក ស្រឡាញ់មនុ ស្ស ប្រុសភេទ ដូចគ្នាទៅវិញ ។</span></p>
<p><span style="color: #000000;">នៅក្នុងអត្ថន័យ ខ្លឹមសារនោះលោក អេឡិចដាហ្វី បានសរសេរថា "បែកបាក់ស្នេហា ជាមួយស្រី ឥឡូវដូចចង់ផ្តើមស្នេហ៍ ជាមួយប្រុសវិញម្តង...!!! "។ ចំពោះការពោលពាក្យបែបនេះ ពីសំណាក់តារាប្រុស អេឡិចដាហ្វី បានធ្វើឱ្យមហាជន មានការងឿងឆ្ងល់ និង បានចោទជាសំណួរ តបទៅវិញថា តើនេះការពិតដែរឬទេ ដែលលោក អេឡិចដាហ្វី ស្អប់ មនុស្សស្រី ហើយបែទៅចង់ផ្តើម ស្នេហ៍មនុស្សប្រុសភេទ ដូចគ្នានោះ?? តើមូលហេតុអ្វី បានជាតារារូបនេះ បែកបាក់ស្នេហ៍ អាថ៌បាំងជាមួយ សង្សារបែបនេះ?</span></p>
<p><span style="color: #000000;">ប្រាប់គេហទំព័រ LookingTODAY កាលពីរសៀលថ្ងៃទី១៤ ខែវិច្ឆិកា ឆ្នាំ២០១៤នេះ លោក ចន អេឡិចដាហ្វី បាន ប្រាប់ថា "បាទ បង ! ខ្ញុំទើបខូចចិត្ត ព្រោះរឿងស្នេហា ហើយពេលនេះ ក៏មិនចង់ផ្តើមស្នេហ៍អីទៀតដែរ ពោលគឺ មិនចង់បានស្នេហា ទៀតឡើយ " ។</span></p>
<p><span style="color: #000000;">តារាសម្តែងប្រុសមាឌធំខ្ពស់ សង្ហាលោក អេឡិចដាហ្វី បាននិយាយទៀតថា "មនុស្សស្រីដែលខ្ញុំស្រឡាញ់ គេមិនខ្វល់ សូម្បីតែពេលខ្ញុំឈឺ ឬក៏ត្រូវការគេ ។ ម្យ៉ាងទៀត ពេលដែលខ្ញុំត្រូវការគាត់ ជួយលើកទឹកចិត្ត ក៏មិនដែល ផ្តល់ឱកាស សម្រាប់ខ្លួនខ្ញុំដែរ តែចំពោះខ្ញុំវិញ គឺបានផ្តល់ក្តីស្រលាញ់ឲ្យគេ១០០%។ ផ្ទុយពីនេះ នៅពេលដែលខ្ញុំឈឺ ពេលពិបាកចិត្ត គឺមានតែមិត្តភក្តិប្រុសៗទេ ជាអ្នកជួយមើលថែខ្ញុំ ហើយយកចិត្តទុកដាក់ ជាមួយខ្ញុំ " ។</span></p>
<p><span style="color: #000000;">លោកបានបញ្ជាក់ថា រវាងស្នេហាលោក និងនារីជានិស្សិតម្នាក់នោះ គឺបានស្រឡាញ់គ្នាជាង៤ ខែមកហើយ ក្នុងនោះលោកស្រឡាញ់នារី វ័យក្មេងសង្សារខ្លាំងជាងនារីម្នាក់នោះ ស្រឡាញ់លោក ។ ហេតុដូច្នេះទើបដល់ពេលបែកគ្នា ធ្វើឱ្យពិបាកចិត្តតែម្នាក់ឯង បែបនេះ ។ ចំណែករឿង ដែលលោកសរសេរថា បែកបាក់ស្នេហា ជាមួយស្រី ឥឡូវដូចចង់ផ្តើម ស្នេហ៍ជាមួយប្រុស វិញម្តងនោះ គឺចង់មានន័យថា លោកពិតជា លែងចង់គិតទៀត ហើយរឿងស្នេហានេះ ព្រោះចង់ផ្តល់ក្តីស្រឡាញ់ ទៅគ្រួសារឲ្យបានច្រើន ។</span></p>
<p><span style="color: #000000;">រីឯរឿងដែលថា ចង់ផ្តើស្នេហ៍ជាមួយ មនុស្សប្រុសនោះ គឺចង់សំដៅទៅលើ ន័យស្នេហា បែបមិត្តភាព ព្រោះពួកគេ ប្រុសៗសុទ្ធជាមិត្តល្អ និង តែងបានយកចិត្តដាក់ ជាមួយខ្ញុំជានិច្ច តែសុំបដិសេធ ចំពោះរឿងថា លោកស្រឡាញ់បែបលក្ខណៈ ស្នេហាជាមួយមនុស្សប្រុសភេទ ដូចគ្នា ៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/17/11-17-2014-2-01-46-pm-17-11-2014--14-09-01.png"><img src="/FileManager/Articles/mce/2014/11/17/11-17-2014-2-01-46-pm-17-11-2014--14-09-01.png" alt="" /></a></span></p>
<p><a class="thickbox" title="" href="/FileManager/Commons/2014/11/17/11-17-2014-2-02-15-pm-17-11-2014--14-09-21.png"><img src="/FileManager/Articles/mce/2014/11/17/11-17-2014-2-02-15-pm-17-11-2014--14-09-21.png" alt="" /></a></p>
<p><a class="thickbox" title="" href="/FileManager/Commons/2014/11/17/11-17-2014-2-03-14-pm-17-11-2014--14-09-33.png"><img src="/FileManager/Articles/mce/2014/11/17/11-17-2014-2-03-14-pm-17-11-2014--14-09-33.png" alt="" /></a></p>
<p><a class="thickbox" title="" href="/FileManager/Commons/2014/11/17/11-17-2014-2-03-30-pm-17-11-2014--14-09-46.png"><img src="/FileManager/Articles/mce/2014/11/17/11-17-2014-2-03-30-pm-17-11-2014--14-09-46.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;"><br /><span>ផ្ដល់សិទ្ធិដោយ ៖ looking today</span><br /></span></p>