<p><span style="font-size: 12px; color: #000000;">(វ៉ាស៊ីនតោន)៖ ទីបំផុតក្រសួងការពារជាតិអាមេរិក បានដកបំរាមនៃការហាមកែភេទ ចេញពីជួរកងទ័ពទូទាំងសហរដ្ឋ អាមេរិកតែម្តង ដែលការនេះមានន័យថា ទាំងកងទ័ពនារី ឬបុរសអាចមានសិទ្ធិកែភេទ ទៅតាមអ្វីដែលពួកគេប្រាថ្នា ដោយស្របច្បាប់។ នេះបើតាមការចេញផ្សាយមុននេះបន្តិច ដោយសារព័ត៌មាន BBC នាព្រឹកថ្ងៃសុក្រ ទី០១ ខែកក្កដា ឆ្នាំ ២០១៦។</span></p>
<p><span style="font-size: 12px; color: #000000;"><br /><a class="thickbox" title="" href="/FileManager/Commons/2016/7/1/17-01-07-2016--15-50-38.jpg"><img src="/FileManager/Articles/mce/2016/7/1/17-01-07-2016--15-50-38.jpg" alt="" /></a><br /></span></p>
<p><span style="color: #000000;">ទោះបីជាកងទ័ពដែលធ្លាប់មានការតវ៉ា ប្រឆាំងនឹងការរឹតត្បិតបំណងប្រាថ្នាចង់ផ្លាស់ប្តូរភេទ និង លក្ខណៈរាងកាយ កន្លងមក បានទទួលជោគជ័យពេលនេះក្តី ក៏ពួកគេត្រូវតែទទួលយកនូវតំហែទាំសុខភាពឲ្យបានត្រឹមត្រូវ ដូចជាការតាមដាន ទៅលើភាពសុំានៃការផ្លាស់ប្តូរភេទថ្មី ឲ្យបានក្នុងរយៈ១៨ខែជាដើម។ នយោបាយថ្មី ដែលនឹងដាក់ឲ្យ មូលដ្ឋានទ័ពទូទាំងប្រទេសអនុវត្តន៍ នឹងមានសុពលភាពចាប់ពីឆ្នាំ ២០១៧ តទៅ។</span></p>
<p><span style="color: #000000;">ជុំវិញបញ្ហានេះដែរ រដ្ឋមន្ត្រីការបរទេសអាមេរិកលោក Ash Carter បានថ្លែងថា «នេះជារឿងត្រឹមត្រូវដែលយើង ត្រូវធ្វើដើម្បីប្រជាជនរបស់យើង និង កងកម្លាំងរបស់យើង។ គ្មាននរណាម្នាក់ នឹងត្រូវបណ្តេញចេញពីជួរកងទ័ព ដោយគ្រាន់តែរឿងភេទរបស់ពួកគេចង់បាននោះឡើយ។ យើងត្រូវតែគោរពសមភាពយេនឌ័រ»។</span></p>
<p><span style="color: #000000;">តាមរយៈកិច្ចសម្ភាសន៍ជាមួយភ្នាក់ងារ BBC នៅអាមេរិក នាង Jamie Ewing ដែលជាយោធាអាមេរិក ប៉ុន្តែចូលចិត្តតែង ខ្លួននឹងមានបំណងកែភេទជាបុរសពេញទីតែម្តងបានបានលើកឡើងថា «វាពិតជាព័ត៌មានដ៏ល្អណាស់ ហើយខ្ញុំ សប្បាយរីករាយមែនទែន។ ខ្ញុំចង់ស្លៀកពាក់ឯកសណ្ឋានយោធាបែបនេះ ទៅថ្ងៃអនាគត នៅក្នុងនាមជាយោធាមួយរូប នៅក្នុងជួរកងទ័ពរបស់សហរដ្ឋអាមេរិក»។</span></p>
<p><span style="color: #000000;">គួរបញ្ជាក់តាមតួលេខរបស់ក្រសួងការពារជាតិអាមេរិកថា បច្ចុប្បន្នក្នុងចំណោមកម្លាំងទ័ពអាមេរិកសរុប ១,៣លាននាក់ មាន ២,៥០០នាក់ (ទាំងនារី និង បុរស) បានព្យាយាមស្លៀកពាក់ និងបង្ហាញចរិតលក្ខណៈផ្ទុយនឹងភេទពិត របស់ពួកគេ ហើយមួយចំនួនក្នុងចំណោមនោះ ក៏ត្រូវបានគេដឹងថាមានបំណងចង់កែភេទដែរ៕</span></p>
<p><a class="thickbox" title="" href="/FileManager/Commons/2016/7/1/14-01-07-2016--15-50-12.jpg"><img src="/FileManager/Articles/mce/2016/7/1/14-01-07-2016--15-50-12.jpg" alt="" /></a><br /><br /></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>