<p><span style="color: #000000;"><strong>(ភ្នំពេញ)៖</strong> បន្ទាប់ពីមានការចុះផ្សាយថា ខ្សែប្រយុទ្ធឆ្នើមនៃក្រុមជម្រើសជាតិកម្ពុជា ចាន់ វឌ្ឍនាកា ត្រូវបានក្លឹបជប៉ុន Fujieda MYFC ព្រមព្រៀងលក្ខខណ្ឌគ្រប់យ៉ាង ដើម្បីនាំយកទៅលេងឲ្យក្លឹបលំដាប់លីគទី៣ ជប៉ុននេះ ភ្លាមៗក្លឹបបឹងកេតអង្គរ ក៏បានចេញសេចក្ដីថ្លែងការណ៍មួយកាលពីយប់មិញថា ដោយបានច្រានចោលព័ត៌មាននេះ ហើយថាមិនមែនជាព័ត៌មានពិតឡើយ។</span></p>
<p><span style="color: #000000;">យោងតាមសេចក្ដីថ្លែងការណ៍របស់ក្លឹបជើងឯក ២ជំនាន់នេះ បានសរសេរថា <strong>«ក្លឹបបឹងកេតអង្គរ មានកិត្តិយសសូមប្រកាសច្រានចោលពាក្យចចាមអារ៉ាមមិនពិតជុំវិញខ្សែប្រយុទ្ធ ចាន់ វឌ្ឍនាកា ដែលបណ្ដាញផ្សព្វផ្សាយមួយចំនួនចុះផ្សាយថាក្លឹប Fujieda MYFC ព្រមព្រៀងលក្ខខណ្ឌគ្រប់យ៉ាង ឬ វឌ្ឍនាកា នឹងទៅចូលរួមក្លឹបនៃលីគទី៣ជប៉ុនមួយនេះ ក្រោយចប់ភារកិច្ចនៅ AFF Suzuki Cup 2016 និង Toyota Mekong Club Championship»</strong>។</span></p>
<p><span style="color: #000000;">ក្លឹបដែលស្ថិតក្នុងខេត្តកំពង់ចាមខាងលើបានបន្តថា <strong>«ក្លឹបបឹងកេតអង្គរ សូមបញ្ជាក់ថាក្លិប Fujieda MYFC ពិតជាបានដាក់សំណើផ្លូវការមកកាន់ក្លឹបពិតមែន ប៉ុន្តែសាម៉ីកីឡាករមិនទាន់ធ្វើការសម្រេចចិត្តណាមួយនៅឡើយទេ។ ទន្ទឹមនឹងនេះដែរ ក្លឹបបឹងកេតអង្គរ សូមសំណូមពរដល់បណ្ដាញផ្សព្វផ្សាយនានាសូមមេត្តាចៀសវាងការចុះផ្សាយពាក្យចចាមអារ៉ាមមិនពិតប្រាកដដែលអាចប៉ះពាល់ដល់ស្មារតីកីឡាករ ដើម្បីទុកពេលវេលាឱ្យ វឌ្ឍនាកា បានផ្ដោតអារម្មណ៍ពេញលេញក្នុងការជួយក្រុមជម្រើសជាតិកម្ពុជាដែលកំពុងប្រកួតនៅជុំផ្ដាច់ព្រ័ត្រ AFF Suzuki Cup ជាលើកដំបូងគិតតាំងពីឆ្នាំ២០០៨មក»</strong>។</span></p>
<p><span style="color: #000000;">គួរបញ្ជាក់ថា កាលពីពេលថ្មីៗកន្លងទៅ ខ្សែប្រយុទ្ធជើងឆ្វេង ចាន់ វឌ្ឍនាកា បានទៅទស្សនៈកិច្ច និងហ្វឹកហាត់រយៈពេលមួយសប្ដាហ៍ពេញជាមួយក្លឹប Fujieda MYFC របស់ជប៉ុន ហើយអំឡុងពេលហ្វឹកហាត់ជាមួយក្លឹបលំដាប់លីគទី៣ ជប៉ុននេះ ថ្នាក់ដឹកនាំ និងគ្រូបង្វឹកនៃក្លឹប Fujieda MYFC ពិតជាមានការចាប់អារម្មណ៍ចំពោះសមត្ថភាពរបស់ វឌ្ឍនាកា ពិតមែន ប៉ុន្ដែក្លឹបទាំងពីរ រួមទាំងសមាជិកខ្លួនផងដែរ នៅមិនទាន់បង្ហើបឲ្យដឹងពីគម្រោងច្បាស់លាស់ ស្ដីពីការផ្លាស់ប្ដូរកីឡាករ ចាន់ វឌ្ឍនាកា នោះទេ៕</span></p>
<p><span style="color: #000000;"><br /><a class="thickbox" title="" href="http://camnews.com.kh/FileManager/Commons/2016/11/22/1a-22-11-2016--10-33-04.png"><img src="http://camnews.com.kh/FileManager/Articles/mce/2016/11/22/1a-22-11-2016--10-33-04.png" alt="" /></a><br /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/15137662_1808869009352616_8231578326763107123_o.jpg" alt="" width="730" /></span></p>
<p><span style="color: #000000;">កីឡាករខ្សែប្រយុទ្ធ ចាន់ វឌ្ឍនាកា (រូបស្តាំ)</span></p>
<p><span style="color: #000000;"><img src="https://fb-s-a-a.akamaihd.net/h-ak-xpt1/v/t1.0-9/15170985_1808869006019283_8411775066732446979_n.jpg?oh=1372b0fb00382ec4c8611f4f9a34e285&oe=58C04053&__gda__=1488826564_c3117922ca018cc3ef5b704401b64d95" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>