<p><span style="color: #000000;"><strong>(ហ្សាការតា)៖</strong> គ្រោះមហន្តរាយរញ្ជួយដីដ៏ខ្លាំងក្លាមួយដែលមានកម្រិត ៦.៤រ៉ិចទ័របានវាយប្រហារខេត្ត East Nusa Tenggara នៃភាគ កណ្តាលប្រទេសឥណ្ឌូណេស៊ី នៅព្រឹកថ្ងៃចន្ទនេះ ប៉ុន្តែសំណាងល្អពុំបានបង្កជារលកយក្សស៊ូណាមិនោះឡើយ។ នេះបើតាមការចេញផ្សាយដោយទីភ្នាក់ងារព័ត៌មានចិន ស៊ិនហួ នៅមុននេះបន្តិចនាព្រឹកថ្ងៃចន្ទ ទី៥ ខែធ្នូ ឆ្នាំ២០១៦។</span></p>
<p><span style="color: #000000;">បើយោងតាមទីភ្នាក់ងារឧតុនិយម និងរូបសាស្ត្រនៃផែនដីឥណ្ឌូណេស៊ី គ្រោះរញ្ជួយដីខាងលើបានកើតឡើងនៅម៉ោង ៨៖១៣នាទីព្រឹក (ម៉ោងនៅក្នុងរដ្ឋធានីហ្សាការតា) នៅចម្ងាយប្រមាណ ១២០គីឡូម៉ែត្រភាគឦសាននៃខេត្ត Flores Timur និងមានជម្រៅដល់ទៅ ៥២៥គីឡូម៉ែត្រនៅក្រោមបាតសមុទ្រ។</span></p>
<p><span style="color: #000000;">ទោះជាបែបនេះក្តី ទីភ្នាក់ងារដដែលមិនបានចេញសេចក្តីព្រមាន អំពីរលកយក្សស៊ូណាមិដែលបង្កឡើងដោយគ្រោះរញ្ជួយដីមួយនេះឡើយ ហើយមកទល់ពេលនេះ ក៏ពុំមានសេចក្តីរាយការណ៍ណាមួយដែលការញ័ររញ្ជួយបានជះឥទ្ធិពលទៅដល់តំបន់ដទៃៗទៀតនោះដែរ។</span></p>
<p><span style="color: #000000;">គួរបញ្ជាក់ដែរថា ឥណ្ឌូណេស៊ីគឺជាប្រទេសមួយដែលងាយនឹងទទួលរងនូវការវាយប្រហារសារគ្រោះមហន្តរាយរញ្ជួយដីជាទីបំផុត ព្រោះថាទីតាំងភូមិសាស្រ្តរបស់ប្រទេសប្រជុំកោះមួយនេះ ស្ថិតនៅចំតំបន់ដែលគេហៅថា «The Pacific Ring of Fire»៕</span></p>
<p><span style="color: #000000;"><a class="thickbox" title="" href="/FileManager/Commons/2016/12/5/12b-05-12-2016--11-18-37.jpg"><span style="color: #000000;"><img src="/FileManager/Articles/mce/2016/12/5/12b-05-12-2016--11-18-37.jpg" alt="" /></span></a></span></p>
<p style="text-align: right;"><br /><span style="color: #000000;">ប្រភព ៖ ស៊ិនហួរ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>