<p><span style="color: #000000;">ការដែលកីឡាករខឹងខ្លាំង បន្ទាប់ពីអាជ្ញាកណ្ដាលហូតកាត់ក្រហមបណ្ដេញចេញពីទីលានបាល់</span><br /><span style="color: #000000;">ទាត់ គឺជារឿងធម្មតា។ ប៉ុន្តែ មានករណីមួយដែលធ្ងន់ធ្ងរជាងនេះ នោះគឺកីឡាករស្ម័គ្រចិត្តម្នាក់នៅ</span><br /><span style="color: #000000;"> Mexico បានប្រើក្បាល “ទង្គុក” យ៉ាងខ្លាំងទៅលើអាជ្ញាកណ្ដាល បណ្ដាលឱ្យអាជ្ញាកណ្ដាល ស្លាប់</span><br /><span style="color: #000000;">បាត់បង់ជីវិត។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/11/8/mix-08-11-2016--11-01-37.jpg"><span style="color: #000000;"><img src="/FileManager/Articles/mce/2016/11/8/mix-08-11-2016--11-01-37.jpg" alt="" /></span></a></span></p>
<p style="text-align: center;"><span style="color: #000000;">កន្លែងកើតហេតុ នៅក្នុងក្រុង Tulancingo រដ្ឋ Hidalgo ប្រទេស Mexico <br /></span></p>
<p><span style="color: #000000;">យោងតាមសារព័ត៌មានក្នុងស្រុក ហេតុការណ៍ខាងលើនេះបានកើតឡើងនៅក្នុងការប្រកួតបាល់</span><br /><span style="color: #000000;">ទាត់មិត្តភាពនៅក្នុងក្រុង Tulancingo រដ្ឋ Hidalgo ប្រទេស Mexico កាលពីថ្ងៃអាទិត្យ (០៦/វិច្ឆិកា) </span><br /><span style="color: #000000;">កន្លងទៅ។ កីឡាករដែលមានឈ្មោះថា Ruben Rivera Vazquez បន្ទាប់ពីបានធ្វើឱ្យមានកំហុស</span><br /><span style="color: #000000;">ឆ្គងធ្ងន់ធ្ងរទៅលើកីឡាករនៃក្រុមគូប្រជែង ត្រូវបានអាជ្ញាកណ្ដាល Victor Trejo ហូតកាត់ក្រហម</span><br /><span style="color: #000000;">បណ្ដេញចេញពីការប្រកួត។</span></p>
<p><span style="color: #000000;">ដោយសារតែខឹងខ្លាំងទៅនឹងការសម្រេចរបស់អាជ្ញាកណ្ដាល កីឡាករ Ruben បានប្រើក្បាល</span><br /><span style="color: #000000;">របស់ខ្លួន ទង្គុកយ៉ាងខ្លាំងទៅលើដើមទ្រូងអាជ្ញាកណ្ដាល បណ្ដាលឱ្យដួលទៅលើដី។</span></p>
<p><span style="color: #000000;">ដំបូងឡើយ ក្រុមកីឡាករ និងទស្សនិកជន យល់ថា អាជ្ញាកណ្ដាលនេះគ្រាន់តែវិលមុខមិនអាច</span><br /><span style="color: #000000;">ក្រោកបាន។ ប៉ុន្តែ ក្រុមបុគ្គលិកពេទ្យដែលមានវត្តមាននៅកន្លែងកើតហេតុ បានពិនិត្យឃើញថា </span><br /><span style="color: #000000;">បេះដូងរបស់អាជ្ញាកណ្ដាល Trejo បានឈប់ដើរទៅហើយ។ បើទោះជាមានការសង្គ្រោះបន្ទាន់ </span><br /><span style="color: #000000;">ប៉ុន្តែ ក្រុមគ្រូពេទ្យមិនអាចជួយអាជ្ញាកណ្ដាលនេះបាន។</span></p>
<p><span style="color: #000000;"><a class="thickbox" title="" href="/FileManager/Commons/2016/11/8/mix1-08-11-2016--11-04-39.png"><img style="display: block; margin-left: auto; margin-right: auto;" src="/FileManager/Articles/mce/2016/11/8/mix1-08-11-2016--11-04-39.png" alt="" /></a></span></p>
<p style="text-align: center;"><span style="color: #000000;">ការប្រតិកម្មមួយរបស់កីឡាករម្នាក់ បន្ទាប់ពីត្រូវអាជ្ញាកណ្ដាលដេញចេញពីការប្រកួត</span><br /><span style="color: #000000;"><a class="thickbox" title="" href="/FileManager/Commons/2016/11/8/mix1-08-11-2016--11-04-39.png"></a><br /></span></p>
<p><span style="color: #000000;">ឆ្លៀងពេលស្ថានភាពកំពុងច្របូកច្របល់ ជនដៃដល់ Ruben ក៏បានគេចខ្លួនតាមរថយន្តមួយគ្រឿង។</span><br /><span style="color: #000000;"> បច្ចុប្បន្ន ជននេះកំពុងតែលាក់ខ្លួនពួកអាត្មា ហើយនគរបាលក៏កំពុងតែស្វែងរកជននេះដើម្បីនាំខ្លួន</span><br /><span style="color: #000000;">មកផ្ដន្ទាទោសតាមច្បាប់៕</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ Dailymail</span></p>