<p><span style="color: #000000;"><strong>(ភ្នំពេញ)៖</strong> លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានប្រតិកម្មទៅនឹងការលុបរូបគំនូរស្រ្តីកាន់ម្ជុលនិងអំបោះ នៅលើអគារបូឌិញ ស្ថិតនៅសង្កាត់ទន្លេបាសាក់ ខណ្ឌចំការមន ហើយលោកចង់ឱ្យមានការលាបពណ៌ថ្មីឡើងវិញនៅលើអគារនេះ ដើម្បីលម្អសោភ័ណភាពទីក្រុងភ្នំពេញ។</span></p>
<p><span style="color: #000000;">លោករដ្ឋមន្រ្តីបានសរសេរនៅលើទំព័រ Facebook នៅថ្ងៃទី១៨ ខែធ្នូនេះថា «ដល់អាយុឡើងហុកគិតចេះតែប្លែក ! ខ្ញុំគិតថា បើសិនជាខ្ញុំជ្រុលទៅលុបរូបលើជញ្ជាំងប៊ុលឌិញដ៏កញ្ចាស់អញ្ចឹងហើយ ខ្ញុំសុខចិត្តលាបពណ៌ថ្មី អោយប៊ុលឌិញទាំងមូលតែម្តង ដើម្បីបានស្អាតទីក្រុងផង។ សូមទោស មនុស្សចាស់គិតលេងៗទេ»។</span></p>
<p><span style="color: #000000;">អាជ្ញាធរក្រុងភ្នំពេញ កាលពីយប់ថ្ងៃទី១៦ ខែធ្នូ បានលុបរូបគំនូរធំមួយផ្ទាំងនៅលើជញ្ជាំងអគារបូឌិញផ្នែកខាងជើង ដែលគូរដោយវិចិត្រករបរទេស ក្រោមហេតុផលថាការគូរគំនូរធំលើអគារនេះ មិនបានសុំច្បាប់អនុញ្ញាត ហើយធ្វើឱ្យប៉ះពាល់ដល់សោភ័ណភាពរាជធានី និងវប្បធម៌ខ្មែរ។</span></p>
<p><span style="color: #000000;">ក្នុងរូបគំនូរនេះ បង្ហាញពីស្រ្តីវ័យកណ្តាលម្នាក់ឈរកាន់ម្ជុល និងអំបោះ ហើយងើបមុខសម្លឹងទៅលើដែលអ្នកខ្លះនិយាយថា ជាវប្បធម៌ខ្មែរសុទ្ធសាធ ប៉ុន្តែមនុស្សចំនួនទៀតនិយាយថា សម្លៀកបំពាក់ស្រ្តីក្នុងរូបគំនូរនោះដូចជាមិនមែនជារបស់ខ្មែរទេ។ ក្រោយពីលុបរូបនេះ អាជ្ញាធររាជធានីក៏ទទួលរងនូវការរិះគន់ ពីអង្គការសង្គមស៊ីវិល និងសាធារណជនផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/19/12-19-2015-8-40-21-am-19-12-2015--08-48-59.png"><span style="color: #000000;"><img src="/FileManager/Articles/mce/2015/12/19/12-19-2015-8-40-21-am-19-12-2015--08-48-59.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/12/19/12-19-2015-8-41-26-am-19-12-2015--08-49-10.png"><span style="color: #000000;"><img src="/FileManager/Articles/mce/2015/12/19/12-19-2015-8-41-26-am-19-12-2015--08-49-10.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/12/19/12-19-2015-8-41-50-am-19-12-2015--08-49-19.png"><span style="color: #000000;"><img src="/FileManager/Articles/mce/2015/12/19/12-19-2015-8-41-50-am-19-12-2015--08-49-19.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/12/19/1236919015342496635560668535282301046482604n-19-12-2015--08-49-28.jpg"><span style="color: #000000;"><img src="/FileManager/Articles/mce/2015/12/19/1236919015342496635560668535282301046482604n-19-12-2015--08-49-28.jpg" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វេ្រសញ៉ូវអាស៊ី</span></p>