<p><span style="color: #000000;"><strong>ភ្នំពេញៈ</strong> តារាសម្តែងសម្បុរខ្មៅ ស្រអែមស្រស់ កញ្ញា គង់ វិច្ឆិកា គឺជាតារាសម្តែងមួយដួង ដែលមានភាពលេចធ្លោ និងមានប្រជាប្រិយភាព ច្រើនគួរសម នៅក្នុងពិភពសិល្បៈ ពេលថ្មីៗនេះបានបង្ហាញស្នាដៃថ្មី ដោយនាងបានងាក មកស្រវ៉ា ចាប់យកបាន អាជីពជាពិធីការិនី នៅស្ថានីយទូរទស្សន៍ ហង្សមាសថ្មី បន្ថែមលើអាជីពចាស់ ដែលមាន ស្រាប់ ។</span></p>
<p><span style="color: #000000;">ជួបសម្ភាសន៍ជាមួយគេហទំព័រ មជ្ឈមណ្ឌលព័ត៌មានដើមអម្ពិល តាមទូរស័ព្ទ តារាស្រីវ័យក្មេងរូបស្អាត កញ្ញា គង់ វិច្ឆិកា បានប្រាប់ឲ្យដឹងថា នៅក្នុងរយៈពេលប្រមាណជិតមួយខែនេះ នាងត្រូវបានខាង ស្ថានីយទូរទស្សន៍ហង្សមាស ផ្តល់ឱកាសឲ្យចាប់ យកអាជីពជាពិធីការិនីថ្មី ដោយនាងបានចូលហាត់រៀន ធ្វើជាពិធីការិនី នៅក្នុងកម្មវិធីមួយ ចំនួននៅហង្សមាស ហើយនៅក្នុងពេលឆាប់ៗខាងមុខនេះ នាងនឹងមានកម្មវិធីកាន់ផ្ទាល់ខ្លួនហើយ ។</span></p>
<p><span style="color: #000000;">តារាស្រីរូបនេះបានប្រាប់ឲ្យដឹងទៀតថា «ខ្ញុំស្រលាញ់អាជីព ជាពិធីការិនីជាយូរមកហើយ គ្រាន់តែថាមិនមាន ឱកាស ទើបងាកទៅស្រវ៉ាការសម្តែង ហើយពេលនេះខ្ញុំត្រូវបាន ខាងទូរទស្សន៍ហង្សមាស បានផ្តល់ឱកាសឲ្យខ្ញុំ ខ្ញុំក៏សាកល្បងទៅ ព្រោះថាចិត្តស្រលាញ់ខ្លាំង តាំងពីតូចមកស្រាប់ផង ហើយម្យ៉ាងទៀតរៀមច្បង នៅទីនោះក៏ ចិត្តល្អ ផ្តល់បទពិសោធន៍ ឲ្យខ្ញុំច្រើនទើបធ្វើឲ្យខ្ញុំមានកំលាំងចិត្ត ខំប្រឹងរៀនសូត្រ និងស្រវ៉ាអាជីពនេះ »។</span></p>
<p><span style="color: #000000;">កញ្ញា គង់ វិច្ឆិកា បានប្រាប់ឲ្យដឹងទៀតថា នាងត្រូវបានម្ចាស់ ស្ថានីយទូរទស្សន៍ហង្សមាស ផ្តល់ឱកាសឲ្យធ្វើតេស សមត្ថភាព ហើយបានក្លាយជាពិធីការិនីពេញសិ្នទ្ធ ដោយនាងត្រូវបានខាងស្ថានីយទូរទស្សន៍ តម្រូវឲ្យកាន់កម្មវិធី «តំបន់យុវវ័យ» ហើយបន្តទៀត នាងនៅមិនទាន់ច្បាស់ទេថា នាងមានកម្មវិធីអ្វីកាន់បន្តទៀតនោះទេ ។ ចំណែក ការងារសម្តែងវិញមួយរយៈនេះ នាងនៅមិនទាន់មាន គម្រោងថតរឿងថ្មីនៅឡើយទេ រង់ចាំពង្រឹងអាជីព ពិធីការិនី ឲ្យមានលំនឹងសិន ៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/3/19-03-12-2015--14-41-18.jpg"><img src="/FileManager/Articles/mce/2015/12/3/19-03-12-2015--14-41-18.jpg" alt="" /></a></span></p>
<p><a class="thickbox" title="" href="/FileManager/Commons/2015/12/3/19a-03-12-2015--14-41-25.jpg"><img src="/FileManager/Articles/mce/2015/12/3/19a-03-12-2015--14-41-25.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/12/3/19-03-12-2015--14-41-18.jpg"></a></span></p>
<p><a class="thickbox" title="" href="/FileManager/Commons/2015/12/3/19b-03-12-2015--14-41-33.jpg"><img src="/FileManager/Articles/mce/2015/12/3/19b-03-12-2015--14-41-33.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>