<div class="article-content">
<p><strong>កំពង់ស្ពឺ ៖ </strong>មនុស្ស ចំនួន៣នាក់ បានស្លាប់បាត់បង់ជីវិតភ្លាមៗ នៅកន្លែងកើតហេតុយ៉ាង<br /> អាណោចអាធម្ម ក្នុងថ្លុកឈាម បន្ទាប់ពីពួកគេបានបើកម៉ូតូ លឿនហួស កំណត់ រួចជ្រុល<br />ទៅបុក រថយន្តកុងតឺន័រ ពេញមួយទំហឹងស្លាប់ ទាំងអស់គ្នាតែម្តង ។</p>
<p>យោងតាមគេហទំព័រ អគ្គស្នងការ នគរបាលជាតិ បានឲ្យដឹងថា ហេតុការណ៍គ្រោះថ្នាក់<br />ចរាចគួរឱ្យរន្ធត់នេះ បានកើតឡើងកាលពីល្ងាច ថ្ងៃទី១៨ ខែមិថុនាឆ្នាំ២០១៣ ស្ថិតលើ<br />កំណាត់ផ្លូវជាតិលេខ៤ ត្រង់ចំណុច ភូមិរំលោងព្រឃ្លះ សង្កាត់សុព័រទេព ក្រុងច្បារមន <br />ខេត្ដកំពង់ស្ពឺ ។ ជនរងគ្រោះ៣នាក់ ដែលស្លាប់បាត់បង់ជីវិត មានគ្នា៣ នាក់ ជិះម៉ូតូមួយ<br />គ្រឿងម៉ាកហុងដា សេ១២៥ ពាក់ ស្លាកលេខ កំពង់ស្ពឺ 1B-2372 ។ ចំណែករថយន្តម៉ាក<br />អ៊ីស៊ុយស៊ុយ ពាក់ស្លាកលេខ ព្រះសីហនុ 4A- 0164 អ្នកបើកបរមិនស្គាល់ឈ្មោះបានរត់<br />គេចខ្លួនបាត់ ក្រោយពេលកើតហេតុ ។</p>
<p>មន្ត្រីកងរាជអាវុធហត្ថ ក្រុងច្បារមន បានប្រាប់ឱ្យដឹងថា ជនរងគ្រោះទាំង៣នាក់ដែល<br />ជិះម៉ូតូបុកឡានស្លាប់នោះទី១ឈ្មោះ ស៊ិន វ៉ៃ ភេទប្រុស អាយុ១៩ឆ្នាំ មានទី លំនៅ <br />ភូមិគោកសណ្ដែក ឃុំក្រាំងចេក ស្រុកឧដុង្គ ខេត្ដកំពង់ស្ពឺ និង ២នាក់ទៀតមិនទាន់<br />ស្គាល់អត្តសញ្ញាណច្បាប់លាស់នៅឡើយទេ ។</p>
<p>សាក្សីឃើញហេតុ ការណ៍ផ្ទាល់ភ្នែក បានរៀបរាប់ប្រាប់ឱ្យដឹងថា មុនពេលកើតហេតុគេ<br /> បានឃើញម៉ូតូហុងដា សេ១២៥ ពណ៌ខ្មៅមានជិះគ្នាចំនួន៣នាក់ ធ្វើដំណើរ មកពីទិស<br />ខាងលិចឆ្ពោះទៅកើត លុះចំណុចកើតហេតុ បានបើកវ៉ារថយន្ត បែនមួយគ្រឿង រួចក៍<br />ជ្រុលបុក ជាមួយរថយន្ត កុងតឺន័រ ពីមុខទាំងកំរោល បណ្តាល ឱ្យអ្នកជិះម៉ូតូទាំង៣នាក់<br /> ស្លាប់រដូករណែលពេញផ្លូវជាតិ ។ ប្រភពបន្តថា ក្រោយពេលកើតហេតុសាកសព ត្រូវ<br />បានបានក្រុមគ្រួសារ មកទទួលយកទៅរៀបចំធ្វើ បុណ្យតាមប្រពៃណី ។</p>
<p>មន្ត្រីនគរបាលចរាចរណ៍ខេត្តកំពង់ស្ពឺ បានធ្វើការវាស់វែង ហើយបានប្រមូលវត្ថុតាង <br />ក្នុងករណីគ្រោះថ្នាក់ចរាចខាងលើ យកទៅរក្សាសារទុក នៅការិយាល័យចរាចផ្លូវគោកខេត្ត <br />ដើម្បីរងចាំការដោះស្រាយតាមផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0423.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/june/id-011/Hong-0422.jpg" alt="" width="500" /></p>
<p style="text-align: right;">ផ្តល់សិទិ្ធដោយ៖ ដើមអម្ពិល</p>
</div>