<p><span style="color: #000000;"><strong style="font-size: 12px;">(</strong><strong style="font-size: 12px;">លីវើភូល)៖</strong><span style="font-size: 12px;"> កីឡាករខ្សែបម្រើប្រយុទ្ធឆ្នើម Philippe Coutinho នឹងបន្តអវត្តមានទៀត ពេលម្ចាស់ផ្ទះហង្សក្រហម Liverpool ទទួលស្វាគមន៍ក្រុមភ្ញៀវ Manchester City រាត្រីថ្ងៃសៅរ៍ស្អែកនេះ ចុងបញ្ចប់ជើងទី១ នៃក្របខណ្ឌ Premier League របស់អង់គ្លេស។</span></span></p>
<p><span style="color: #000000;">តាមរយៈសារព័ត៌មាន BBC បានចេញផ្សាយនៅព្រឹកថ្ងៃសុក្រ ទី៣០ ខែធ្នូ ឆ្នាំ២០១៦ នេះថា កីឡាករជនជាតិប្រេស៊ីល វ័យ២៤ឆ្នាំ Coutinho នឹងមិនអាចចូលលេងបានដដែល ដោយសារតែបញ្ហារបួសកជើងនាពេលកន្លងមក ដែលធ្វើឲ្យ កីឡាករវ័យក្មេងរូបនេះអវត្តមានក្នុងក្លឹប ៦ប្រកួតមកហើយ ចាប់តាំងពីប្រកួតទល់នឹងក្រុម Sunderland កាលពីខែវិច្ឆិកា ឆ្នាំ២០១៦។</span></p>
<p><span style="color: #000000;">ទន្ទឹមគ្នានោះលោក Jurgen Klopp អ្នកចាត់ការទូទៅក្លឹប Liverpool ក៏បានគូសបញ្ជាក់ផងដែរថា <strong>«</strong><strong>នោះជាការប្រកួតដ៏ធំរបស់ </strong><strong>Liverpool </strong><strong>ដែលមានក្លឹប៤កំពុងប្រជែងគ្នាយកតំណែងលេខ២ ពីក្រុមក្រហមមួយនេះ ហើយការអវត្តមានរបស់ </strong><strong>Coutinho </strong><strong>ក៏ជាបញ្ហាមួយដែរ ត្បិត </strong><strong>Man City </strong><strong>ជាក្រុមខ្លាំង និងកំពុងតាមពីក្រោយយ៉ាងប្រកៀកនោះ</strong><strong>»</strong>។</span></p>
<p><span style="color: #000000;">គ្រូបង្វឹកជនជាតិអាល្លឺម៉ង់ខាងលើក៏បានបន្ថែមទៀតថា កីឡាករខ្សែការពារ Joel Matip ក៏អវត្តមានក្នុងជំនួបដ៏សំខាន់ នោះដែរ ដោយសារតែរងបញ្ហារបួសកជើងដូចគ្នា។ Liverpool នឹងត្រូវជួបក្រុមមេឃខៀវ Manchester City នារាត្រីម៉ោង ០០៖៣០នាទីរំលងអាធ្រាត្រឈានចូលព្រឹកថ្ងៃអាទិត្យ ទី០១ ខែមករា ឆ្នាំ២០១៦ ប្រចាំសប្តាហ៍ទី១៩ បញ្ចប់ ជើងទី១ នៃ Premier League រដូវកាលឆ្នាំ២០១៦-២០១៧៕</span></p>
<p><span style="color: #000000;"><a class="thickbox" title="" href="/FileManager/Commons/2016/12/30/35-30-12-2016--16-40-58.jpg"><img src="/FileManager/Articles/mce/2016/12/30/35-30-12-2016--16-40-58.jpg" alt="" /></a></span></p>
<p><br /><a class="thickbox" title="" href="/FileManager/Commons/2016/12/30/35a-30-12-2016--16-41-07.jpg"><img src="/FileManager/Articles/mce/2016/12/30/35a-30-12-2016--16-41-07.jpg" alt="" /></a><span style="color: #000000;"><a class="thickbox" title="" href="/FileManager/Commons/2016/12/30/35-30-12-2016--16-40-58.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>