<p><span style="font-size: 12px; color: #000000;">បុរសមកពីរដ្ឋ Colorado ម្នាក់ត្រូវបានតុលាការចោទប្រកាន់ពីបទសម្លាប់ប្រពន្ធមានផ្ទៃពោះរបស់ខ្លួន និងកូនស្រីគួរឱ្យស្រឡាញ់ពីរនាក់របស់ពួកគេ។ ជនសង្ស័យឈ្មោះ Christ Watts អាយុ ៣៣ ឆ្នាំប្រឈមនឹងខចោទប្រកាន់ពីបទមនុស្សឃាតមានស្ថានទម្ងន់ទោសចំនួន ៣ និងខចោទប្រកាន់ចំនួន ៦ ផ្សេងទៀត។</span></p>
<p><span style="font-size: 12px; color: #000000;"><a class="thickbox" title="" href="/FileManager/Commons/2018/8/21/13-21-08-2018--15-24-08.png"><img src="/FileManager/Articles/mce/2018/8/21/13-21-08-2018--15-24-08.png" alt="" /></a><br /></span></p>
<p><span style="color: #000000;">នៅក្នុងពាក្យបណ្ដឹងតុលាការ លោក Watts បែរជាអះអាងថា អ្នកស្រី Shanan Watts អាយុ ៣៤ ឆ្នាំទេ ជាជនដៃដល់ ដែលច្របាច់កសម្លាប់កុមារី Celeste អាយុ ៣ ឆ្នាំនិងកុមារី Bella អាយុ ៤ ឆ្នាំ ក្រោយពីគាត់ បានសុំនាងលែងលះ។</span></p>
<p><span style="color: #000000;">បុរសរូបនេះ បានប្រាប់ប៉ូលីសថា រូបគេមានកំហឹងក្រេវក្រោធជាខ្លាំង ដែលឃើញប្រពន្ធសម្លាប់កូនស្រីរបស់ខ្លួន ហើយទ្រាំមិនបាន ក៏ដាច់ចិត្ដសម្លាប់ប្រពន្ធរបស់ខ្លួនចោល នៅក្នុងផ្ទះរបស់ពួកគេ នាទីក្រុង Frederick តែម្ដងទៅ។</span></p>
<p><span style="color: #000000;"><a class="thickbox" title="" href="/FileManager/Commons/2018/8/21/12-21-08-2018--15-24-17.png"><img src="/FileManager/Articles/mce/2018/8/21/12-21-08-2018--15-24-17.png" alt="" /></a><br /></span></p>
<p><span style="color: #000000;">ការចោទប្រកាន់បទឧក្រិដ្ឋរបស់គេទាំង ៩ ករណីនោះរួមបញ្ចូលទាំង បទសម្លាប់កុមារចំនួនពីរករណី ការពន្លូតកូនដោយខុសច្បាប់ ១ ករណី និងការរុករើសាកសពចំនួន ៣ ករណី។</span></p>
<p><span style="color: #000000;">សាកសពរបស់អ្នកស្រី Watts ត្រូវបានអាជ្ញាធររកឃើញ កាលពីថ្ងៃព្រហស្បតិ៍ ដែលត្រូវបានកប់នៅក្នុងផ្នូរដ៏រាក់មួយក្បែរធុងសាំង នៅបរិវេណក្រុមហ៊ុនប្រេងឥន្ធនៈ ដែលប្ដីរបស់នាងធ្វើការ។</span></p>
<p><span style="color: #000000;">ក្រោយមកទៀត សាកសពរបស់ Bella និង Celeste ត្រូវបានរកឃើញ នៅក្នុងធុងសាំងក្បែរផ្នូររបស់ម្ដាយពួកនាង។ អ្វី ដែលរឹតតែគួរឱ្យសង្វែកនោះ គឺអ្នកស្រី Watts កំពុងតែមានផ្ទៃពោះ ១៥ សប្ដាហ៍។ </span></p>
<p><span style="color: #000000;"><a class="thickbox" title="" href="/FileManager/Commons/2018/8/21/11-21-08-2018--15-24-54.png"><img src="/FileManager/Articles/mce/2018/8/21/11-21-08-2018--15-24-54.png" alt="" /></a><br /></span></p>
<p><span style="color: #000000;">យោងតាមលិខិតថ្លែងជាលាយលក្ខណ៍អក្សរ ក្រុមនគរបាលស៊ើបអង្កេតបានរកឃើញថា លោក Watts លួចមានទំនាក់ទំនងស្នេហាជាមួយមិត្តរួមការងារម្នាក់ ប៉ុន្ដែលោក Watts បដិសេធចំពោះការចោទប្រកាន់របស់នគរបាល។ </span></p>
<p><span style="color: #000000;">ពាក្យបណ្ដឹងតុលាការ បានឱ្យដឹងទៀតថា មិត្ដភក្ដិម្នាក់បានជូនអ្នកស្រី Watts មកដល់ផ្ទះរបស់នាង ត្រឡប់មកពីដំណើរទស្សនកិច្ចពាណិជ្ជកម្មទៅកាន់រដ្ឋ Arizona កាលពីថ្ងៃចន្ទ នៅវេលាមុនម៉ោងពីររសៀលបន្ដិច។ </span></p>
<p><span style="color: #000000;">លោក Watts បានប្រាប់ប៉ូលីសថា បន្ទាប់ពីពេលនោះបន្តិច លោកបានប្រាប់ប្រពន្ធខ្លួនថា រូបលោកចង់ចែកផ្លូវគ្នាជាមួយនាង។ លោក Watts បានប្រាប់ប៉ូលីសបន្ថែមថា៖ “វាជាការសន្ទាសមរម្យធម្មតាទេ ហើយពួកគេមិនបានឈ្លោះប្រកែកគ្នាឡើយ ប៉ុន្ដែគ្រាន់តែមានការពិបាកចិត្ដរៀងខ្លួនបន្ដិច”។</span></p>
<p><span style="color: #000000;"><a class="thickbox" title="" href="/FileManager/Commons/2018/8/21/10-21-08-2018--15-25-03.png"><img src="/FileManager/Articles/mce/2018/8/21/10-21-08-2018--15-25-03.png" alt="" /></a><br /></span></p>
<p><span style="color: #000000;">យោងតាមលិខិតថ្លែងជាលាយលក្ខណ៍អក្សរ លោក Watts បានប្រាប់ប៉ូលីសថា៖ “បន្ទាប់មកលោកបានសម្រុកចូលទៅមើលហេតុការណ៍ ក្រោយពីដឹងថា Bella ដួលសន្លប់ស្ដូកស្ដឹងនៅលើគ្រែ និងមានសភាពស្លេកស្លាំង ខណៈដែលនាង Shanann ជាប្រពន្ធកំពុងតែច្របាច់ក Celeste”។</span></p>
<p><span style="color: #000000;">ឯកសាររបស់តុលាការខាងលើបានបន្ថែមទៀតថា បុរសរូបនេះនិយាយថា រូបគេបានដឹងសកម្មភាពច្របាច់កសម្លាប់នោះតាមរយៈឧបករណ៍ចាប់សម្លេងកុមារ( baby monitor) ដែលដាក់នៅលើតុត្រង់ចែងគ្រែប្រពន្ធរបស់លោក។</span></p>
<p><span style="color: #000000;">យោងតាមលិខិតថ្លែងជាលាយលក្ខណ៍អក្សររបស់តុលាការ បានឱ្យដឹងទៀតថា បុរសនោះនិយាយថា៖”រូបគេ មានការខឹងក្រេវក្រោធជាខ្លាំង ហើយចុងក្រោយដោយទ្រាំមិនបាន ខ្លួនក៏ច្របាច់កអ្នកស្រី Shanann ដែលជាប្រពន្ធរហូតស្លាប់បាត់បង់ជីវិតតែម្ដងទៅ”។</span></p>
<p><span style="color: #000000;">ជនសង្ស័យឈ្មោះ Christ និយាយថា រូបគេបានប្រមូលសាកសពម្ដាយ និងកូនទាំងបី ដាក់នៅកៅអីក្រោយនៃរថយន្ដដឹកទំនិញរបស់ក្រុមហ៊ុន ដែលលោកធ្វើការ និងបានដឹកសាកសពពួកគេ ទៅលាក់នៅតំបន់ប្រេងឥន្ធនៈ។</span></p>
<p><span style="color: #000000;">មិត្ដភក្ដិម្នាក់របស់អ្នកស្រី Watts បានតេទៅរំលឹកនាង នៅពេលដែលពុំឃើញនាងត្រឡប់មកជួបគ្រូពេទ្យ នៅការណាត់ជួបវេលាម៉ោង ១០ ព្រឹកជាមួយគ្រូពេទ្យនៅថ្ងៃចន្ទ ប៉ុន្ដែមិនមានការឆ្លើយតបពីនាងឡើយ។</span></p>
<p><span style="color: #000000;">មិត្ដភក្ដិម្នាក់នោះ បានតេទៅលោក Watts ដើម្បីសុំឱ្យគេមកផ្ទះ ពីព្រោះនាងមានការព្រួយបារម្ភថា អ្នកស្រី Watts ដែលកើតជំងឺស្បែករ៉ាំរ៉ៃ អាចនឹងធ្លាក់ខ្លួនឈឺធ្ងន់ធ្ងរ។</span></p>
<p><span style="color: #000000;">លោក Watts បានត្រឡប់មកផ្ទះ ហើយក៏ឃើញវត្ដមាននគរបាល នៅនឹងផ្ទះតែម្ដង។ រូបគេអនុញ្ញាតឱ្យប៉ូលីសឆេកឆេរ ខណៈដែលប៉ូលីស បានរកឃើញកាបូបយួររបស់អ្នកស្រី Watts នៅក្នុងផ្ទះបាយ។</span></p>
<p><span style="color: #000000;">កម្រាលពូក និងភួយត្រូវបានរើចេញ ពីគ្រែគេងប្ដីប្រពន្ធ ប៉ុន្ដែប៉ូលីសបានកត់សម្គាល់ថា ពុំមានសញ្ញាណាមួយបញ្ជាក់ពីការឈ្លោះប្រតាយប្រតប់គ្នាឡើយ។</span></p>
<p><span style="color: #000000;">កាលពីថ្ងៃពុធសប្ដាហ៍មុន លោក Watts បានអំពាវនាវនៅលើកញ្ចក់ទូរទស្សន៍ក្នុងស្រុកមួយ ដោយសុំឱ្យគ្រួសាររបស់លោកត្រឡប់មកផ្ទះវិញប្រកបដោយសុវត្ថិភាព ក្រោយពីគេរាយការណ៍ថា ពួកគេបានបាត់ខ្លួនពីផ្ទះ។</span></p>
<p><span style="color: #000000;">រូបគេ បានប្រាប់អ្នករាយការណ៍ព័ត៌មានថា៖” ខ្ញុំមានក្ដីសង្ឃឹមថា នាងកំពុងស្ថិតកន្លែងណាមួយ ដែលមានសុវត្ថិភាព។ ខ្ញុំគ្រាន់តែចង់ឱ្យពួកគេត្រឡប់មកផ្ទះវិញប៉ុណ្ណោះ”។</span></p>
<p><span style="color: #000000;">នៅលើបណ្ដាញផ្សព្វផ្សាយសង្គម អ្នកស្រី Watts បានកោតសរសើរប្ដីរបស់នាងថា “ជាឪពុកដ៏អស្ចារ្យម្នាក់ និងជាប្ដីដ៏ល្អម្នាក់”។ ប៉ុន្ដែយោងតាមប្រព័ន្ធផ្សព្វផ្សាយក្នុងស្រុក បានឱ្យដឹងថា ប្ដីប្រពន្ធទាំងពីរ បានជួបបញ្ហាហិរញ្ញវត្ថុ រួមទាំងបណ្ដឹងក្ស័យធនកាលពីឆ្នាំ ២០១៥ ហើយអ្នកស្រី Watts បានសង្ស័យប្ដីរបស់នាងថា បានផិតក្បត់លួចមានស្រីថ្មី ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/8/21/mekongnet-21-08-2018--15-25-13.PNG" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ ប៊ីប៊ីសុី</span></p>