<p><span style="color: #000000;"><strong>ភ្នំពេញ៖</strong> អ្នកនាំពាក្យសាលា រាជធានីភ្នំពេញ លោក ឡុង ឌីម៉ង់ បានថ្លែងឲ្យដឹងថា នៅក្នុងព្រះរាជពិធីបុណ្យអុំទូក អកអំបុកសំពះព្រះខែ នៅថ្ងៃ២ មានប្រជាពលរដ្ឋនៅ ទូទាំងប្រទេសបានមកទស្សនា កំសាន្តមានជាង៥០ម៉ឺននាក់។</span></p>
<p><span style="color: #000000;">លោក ឡុង ឌីម៉ង់បានមានប្រសាសន៍ប្រាប់ LookingTODAY នៅថ្ងៃទី៧ ខែវិច្ឆិកា ឆ្នាំ២០១៤នេះថា «ក្នុងថ្ងៃទី២មិ្សលមិញនេះ មានអ្នកចូលរួម ទស្សនាពី៤០ ម៉ឺននាក់ទៅ៥០ម៉ឺននាក់ ទាំងថ្ងៃទាំងយប់ ។ នេះដោយសារតែមានភ្លៀងផង បើអត់មានភ្លៀងនឹងមានអ្នកមកទស្សនាច្រើនជាងនេះទៀត»។</span></p>
<p><span style="color: #000000;">ដោយឡែកទាក់ទងទៅនឹងភាពអសកម្មវិញ ត្រូវបាន លោកឡុង ឌីម៉ង់ លើកឡើងថា មិនមានបទល្មើសអ្វីធុំដុំកើតឡើងនោះទេ គឺប្រព្រឹត្តទៅយ៉ាងរលូន ប៉ុន្តែមានករណី ឆក់កាបូបដែរ តែត្រូវបានសមត្ថកិច្ចទប់ស្កាត់បានភ្លាមៗផងដែរ។</span></p>
<p><span style="color: #000000;">លោកបន្ថែមថា សន្តិសុខសណ្តាប់ធ្នាប់ដំណើរការយ៉ាងល្អប្រសើរ ហើយការកកស្ទះ ចរាចរណ៍មានបន្តិចបន្តួចនៅផ្សារអ៊ីអន ប៉ុន្តែកងកម្លាំងសណ្តាប់ធ្នាប់ ដោះស្រាយទាន់ពេលវេលា។</span></p>
<p><span style="color: #000000;">ចំណែកនៅថ្ងៃទី៣ដែលជាថ្ងៃចុងក្រោយនៃបុណ្យអុំទូកនោះ លោកមិនទាន់អាច សន្និដ្ឋានថាមានអ្នកចូលរួមច្រើននោះទេ៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/7/msp-205-07-11-2014--13-46-01.jpg"><img src="/FileManager/Articles/mce/2014/11/7/msp-205-07-11-2014--13-46-01.jpg" alt="" /></a></span></p>
<p><a class="thickbox" title="" href="/FileManager/Commons/2014/11/7/msp-209-07-11-2014--13-46-09.jpg"><img src="/FileManager/Articles/mce/2014/11/7/msp-209-07-11-2014--13-46-09.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/11/7/msp-205-07-11-2014--13-46-01.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>