<p><span style="color: #000000;"><strong>ភ្នំពេញ៖</strong> តារាសម្តែង និងជាពិធីការិនី ប្រចាំកម្មវិធី «A1 ខនសឺត» របស់ស្ថានីយទូរទស្សន៍ ស៊ីធីអ៊ិន កញ្ញា ជុំ រចនាពេជ្រ ហៅ បេប៊ី ពេលនេះបានជួបទុក្ខធំប៉ុនភ្នំ ដោយសារតែលោកឪពុក ជាទីស្រលាញ់របស់នាង បានស្លាប់ បាត់បង់ជីវិត កាលពីរាត្រីយប់មិញនេះ។</span></p>
<p><span style="color: #000000;">ជួបសម្ភាសន៍ ជាមួយគេហទំព័រ LookingTODAY តាមទូរស័ព្ទ ទាំងអារម្មណ៍ទុក្ខសោក នៅថ្ងៃ២៧ ខែតុលា ឆ្នាំ២០១៥នេះ តារាស្រីរូបស្អាត ដែលធ្លាប់តែបង្ហាញស្នាមញញឹម ភាពរួសរាយរាក់ទាក់ កញ្ញា បេប៊ី បានប្រាប់ឲ្យ ដឹងថា ឪពុករបស់នាងបានទទួលមរណភាព កាលពីយប់ វេលាម៉ោង១២៖៣០នាទី ឈានចូលថ្ងៃទី២៧ ខែតុលានេះ ដោយសារតែជំងឺលើសឈាម ព្រោះថា កាលពីយប់មិញនេះ ឪពុកនាងបានដួលហើយ ធ្វើឲ្យដាច់សរសៃឈាម និងកកឈាមក្នុងខួរក្បាល មិនអាចជួយសង្គ្រោះបាន។</span></p>
<p><span style="color: #000000;">នាងនិយាយថា «ឪពុកខ្ញុំកាលពីយប់មិញនេះ បានដួល ហើយធ្វើឲ្យដាច់សរសៃឈាមស្លាប់ កាលពីយប់មិញ គឺជារឿងដែល នឹកស្មានមិនដល់ហើយ យើងក៏មិនដឹងពីមូលហេតុថា គាត់ (ឪពុក) ឡើងឈាមហើយដួលរហូត ដាច់សរសៃឈាម និងស្លាប់បែបនេះទេ ខ្ញុំសោកស្ដាយណាស់ ឃើញមុខគ្នាស្រស់ៗ ស្រាប់តែទៅបាត់តែម្ដង » ។</span></p>
<p><span style="color: #000000;">កញ្ញា បេប៊ី បានប្រាប់ឲ្យដឹងដោយខ្លីទៀតថា បច្ចុប្បន្នសពរបស់ឪពុក តម្កល់ធ្វើបុណ្យនៅផ្ទះ ម្តុំពោធិ៍ចិនតុង ហើយឪពុករបស់នាង មានវ័យ៥៩ឆ្នាំ និងមានមុខរបរជាមន្ត្រីយោធា ។</span></p>
<p><span style="color: #000000;">ជាមួយគ្នានេះ LookingTODAY ក៏សូមចូលរួមរំលែកទុក្ខដ៏ក្រៀមក្រំនេះ ជាមួយគ្រួសារកញ្ញា បេប៊ី និងសូមឲ្យដួង វិញ្ញាណក្ខន្ធ លោកឪពុករបស់នាង បានទៅកាន់ត្រើយសុគតិភព កុំបីឃ្លៀងឃ្លាតឡើយ៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/27/19-27-10-2015--15-02-25.jpg"><img src="/FileManager/Articles/mce/2015/10/27/19-27-10-2015--15-02-25.jpg" alt="" /></a><br /></span></p>
<p><span style="color: #000000;"><a class="thickbox" title="" href="/FileManager/Commons/2015/10/27/19a-27-10-2015--15-02-17.jpg"><img src="/FileManager/Articles/mce/2015/10/27/19a-27-10-2015--15-02-17.jpg" alt="" /></a></span></p>
<p><a class="thickbox" title="" href="/FileManager/Commons/2015/10/27/19b-27-10-2015--15-02-37.jpg"><img src="/FileManager/Articles/mce/2015/10/27/19b-27-10-2015--15-02-37.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/10/27/19a-27-10-2015--15-02-17.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>