<p><span style="color: #000000;">អង្គការរដ្ឋអ៊ីស្លាម បានប្រហារជីវិតមនុស្សចំនួន ២៣២នាក់ នៅជិតក្រុង Mosul និងបានចាប់ខ្លួន</span><br /><span style="color: #000000;">មនុស្សរាប់ម៉ឺននាក់ផ្សេងទៀត ដើម្បីធ្វើជា “របងការពារ” ដើម្បីទប់ទល់នឹងការវាយប្រហារពីកង</span><br /><span style="color: #000000;">កម្លាំងរដ្ឋាភិបាលអ៊ីរ៉ាក់។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/10/31/isis1-31-10-2016--08-46-24.jpg"><span style="color: #000000;"><img src="/FileManager/Articles/mce/2016/10/31/isis1-31-10-2016--08-46-24.jpg" alt="" /></span></a></span></p>
<p style="text-align: center;"><span style="color: #000000;">ISIS បានប្រហារជីវិតប្រជាជនស្លូតត្រង់ ២៣២នាក់ នៅក្បែរក្រុង Mosul </span><br /><span style="color: #000000;"><a class="thickbox" title="" href="/FileManager/Commons/2016/10/31/isis1-31-10-2016--08-46-24.jpg"></a></span></p>
<p><span style="color: #000000;">អង្គការរដ្ឋអ៊ីស្លាម ISIS កាលពីថ្ងៃទី ២៦តុលា បានបង្កឱ្យមានអំពើដ៏សាហាវនៅក្នុងទីរួមស្រុកមួយ</span><br /><span style="color: #000000;">ក្បែរក្រុង Mosul ប្រទេសអ៊ីរ៉ាក់ និងបានដាក់ទណ្ឌកម្មអ្នកណាដែលមិនធ្វើតាមបញ្ជារបស់ពួកវា </span><br /><span style="color: #000000;">នេះបើតាមទំព័រ CNN ដកស្រង់សំដី Ravina Shamdasani អ្នកនាំពាក្យរបស់ការិយាល័យឧត្តមស្នង</span><br /><span style="color: #000000;">ការសិទ្ធិមនុស្សរបស់អង្គការសហប្រជាជាតិ។</span></p>
<p><span style="color: #000000;">Shamdasani ថ្លែងថា “ISIS បានប្រហារជីវិតជនស្លូតត្រង់ ៤២នាក់ នៅ Hammam al-Alil ភាគ</span><br /><span style="color: #000000;">ខាងត្បូងក្រុង Mosul។ ក្នុងថ្ងៃទី ២៦តុលាដដែល ISIS ក៏បានប្រហារជីវិតអតីតបុគ្គលិកសន្តិសុខ</span><br /><span style="color: #000000;">អ៊ីរ៉ាក់ចំនួន ១៩០នាក់ នៅមូលដ្ឋាន Al Ghazlani ក្បែរ Mosul ដោយសារតែបានបដិសេធមិនចូល</span><br /><span style="color: #000000;">រួមជាមួយអង្គការនេះ”។ អតីតសន្តិសុខ ២៤នាក់ផ្សេងទៀត ក៏ត្រូវបានគេជឿថា ត្រូវបានសម្លាប់</span><br /><span style="color: #000000;">ដោយក្រុម ISIS នៅមុននោះមួយថ្ងៃ។</span></p>
<p><span style="color: #000000;">ចាប់តាំងពីថ្ងៃទី ១៧តុលា មកដល់ពេលនេះ ISIS បានចាប់ខ្លួនបុរស ស្ដ្រី និងកុមាររាប់ម៉ឺននាក់ពី</span><br /><span style="color: #000000;">តំបន់ក្បែរក្រុង Mosul ដើម្បីនាំចូលមកខាងក្នុងក្រុង។ Shamdasani ឱ្យដឹងថា អង្គការសហប្រជា</span><br /><span style="color: #000000;">ជាតិមានការព្រួយបារម្ភថា ISIS អាចនឹងមានបំណងប្រើប្រាប់មនុស្សទាំងនេះ ដើម្បីធ្វើជារបង</span><br /><span style="color: #000000;">ការពារដើម្បីទប់ទល់នឹងការវាយប្រហារពីកងកម្លាំងរដ្ឋាភិបាលអ៊ីរ៉ាក់។</span></p>
<p><span style="color: #000000;">យោងតាមរបាយការណ៍មួយចំនួន ISIS បានចាប់ខ្លួនមនុស្សយ៉ាងតិច ៥.៣៧០គ្រួសារ នៅជុំវិញ</span><br /><span style="color: #000000;">ទីរួមស្រុក al Shura និង១៥០គ្រួសារផ្សេងទៀតពីតំបន់ Hammam al-Alil។ ក្រៅពីនេះ មនុស្សចំនួន </span><br /><span style="color: #000000;">១៦០គ្រួសារនៅទីរួមស្រុក Qayyara និង ២.២១០គ្រួសារនៅក្នុងតំបន់ Nimrud នៃខណ្ឌ Hamdaniya</span><br /><span style="color: #000000;"> ក៏កំពុងស្ថិតក្នុងកណ្ដាប់ដៃរបស់ ISIS។ មនុស្សទាំងនេះ ត្រូវបានបញ្ជូនទៅកាន់ទីតាំងយុទ្ធសាស្ដ្រ</span><br /><span style="color: #000000;">ដែលក្រុម ISIS កំពុងកាន់កាប់។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/10/31/isis2-31-10-2016--08-47-21.png"><span style="color: #000000;"><img src="/FileManager/Articles/mce/2016/10/31/isis2-31-10-2016--08-47-21.png" alt="" /></span></a></span></p>
<p style="text-align: center;"><span style="color: #000000;">អង្គការរដ្ឋអ៊ីស្លាម បានប្រហារជីវិតមនុស្សចំនួន ២៣២នាក់ នៅជិតក្រុង Mosul និងបានចាប់ខ្លួន<br />មនុស្សរាប់ម៉ឺននាក់ដើម្បីធ្វើជា "របងការពារ"</span><br /><span style="color: #000000;"><a class="thickbox" title="" href="/FileManager/Commons/2016/10/31/isis2-31-10-2016--08-47-21.png"></a></span></p>
<p><span style="color: #000000;">ក្រុម ISIS ធ្លាប់បានប្រើប្រាស់ប្រជាជនស្លូតត្រង់ធ្វើជារបងការពារក្នុងការប្រយុទ្ធគ្នាមុននេះនៅអ៊ីរ៉ាក់</span><br /><span style="color: #000000;"> ពិសេសគឺនៅលើសមរភូមិ Falluja កាលពីខែមិថុនា។</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ CNN</span><br /><br /></p>