<p><span style="color: #000000;"><strong>(ភ្នំពេញ)៖</strong> កាសែតខ្មែរថាមស៍ (Khmer Times) ដែលចេញផ្សាយពីរភាសា ខ្មែរ-អង់គ្លេស គ្រោងប្តឹងកាសែតដឹខេមបូឌាដេលី (The Cambodia Daily) ដែលបានចុះផ្សាយអត្ថបទជាភាសាអង់គ្លេសមួយ និយាយថា លោក Chen Lip Keong ប្រធានក្រុមហ៊ុនណាហ្គា និងលោក ហ៊ុន ម៉ានិត បានផ្តល់លុយចំនួនរាប់ម៉ឺនដុល្លារឲ្យទៅចាងហ្វាងកាសែត Khmer Times ដើម្បីដំណើរការចេញផ្សាយសព្វថ្ងៃនេះ។</span></p>
<p><span style="color: #000000;">លោក ជាង សុខា នាយប្រតិបត្តិព័ត៌មាន របស់កាសែត Khmer Times បានថ្លែងប្រាប់អង្គភាព័ត៌មាន Fresh News ឲ្យដឹងនៅព្រឹកថ្ងៃទី០៤ ខែមីនានេះថា ជាការពិតថ្នាក់ដឹកនាំកាសែតខ្មែរថាមស៍ បានពិភាក្សារួចហើយជាមួយក្រុមមេធាវី អំពីដំណើរការប្តឹងកាសែត Cambodia Daily ដែលផ្សាយព័ត៌មានមិនពិត, ប៉ុន្តែការសម្រេចចិត្តប្តឹងយ៉ាងណានោះ គឺជាការសម្រេចរបស់ថ្នាក់ដឹកនាំ។</span></p>
<p><span style="color: #000000;">សូមជំរាបថា កាលពីថ្ងៃទី២ ខែមីនា ឆ្នាំ២០១៧នេះ កាសែតដឹខេមបូឌាដេលី បានចុះផ្សាយអត្ថបទជាភាសាអង់គ្លេសមួយ និយាយអំពីសារបែកធ្លាយជាច្រើនដែលលើកឡើងពីការសង្ស័យថា ជាទំនាក់ទំនងរវាងកាសែតខ្មែរថាមស៍ ជាមួយលោក ហ៊ុន ម៉ានិត និងប្រធានក្រុមហ៊ុនណាហ្គា។</span></p>
<p><span style="color: #000000;">កាសែត ខ្មែរថាមស៍ ជាសារព័ត៌មានបង្កើតបានជិត៣ឆ្នាំមកហើយ ចំណែកកាសែត ដឹខេមបូឌាដេលី (The Cambodia Daily) ដែលជាកាសែតប្រចាំថ្ងៃសរសេរជាភាសាអង់គ្លេសដំបូងគេនៅកម្ពុជា៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-03-04-10-01-17-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>