<p><span style="color: #000000;"><strong>ភ្នំពេញ៖</strong> អ្នកចម្រៀង ប្រចាំផលិតកម្ម ថោន មាស សុខសោភា ត្រូវបានមហាជនស្គាល់ យ៉ាងច្បាស់ថា ជាតារាចម្រៀងមានឈ្មោះ បោះសម្លេង បានយូរ បើទោះបីជា មកដល់ពេលនេះ នាងហាក់ មានវ័យច្រើន បន្តិចក៏ពិតមែន។ ប៉ុន្តែតារាចម្រៀងសំឡេង ក្រអួនក្រអៅរូបនេះ នៅតែបន្តការខិតខំច្រៀង បញ្ចេញសំឡេងទាំង ក្នុងផលិតកម្ម និង ឆាកប្រគំតន្រ្តីមិនរាថយទេ ដើម្បីរក្សាភាពល្បីល្បាញ លំដាប់កំពូលដដែល។</span><br /><span style="color: #000000;">ការរក្សាបាននូវភាពស្ថិតស្ថេរ ទាំងកេរ្តិ៍ឈ្មោះល្បី និង ការគាំទ្រ ទាមទារអាស្រ័យ លើតារាប្រុស-ស្រីទាំង នោះជាអ្នកកំណត់គោលដៅ និងរៀបចាំ ជោគវាសនាខ្លួនឯង ដោយផ្ទាល់ ដើម្បីបំពេញចំណាប់ អារម្មណ៍របស់ទស្សនិកជន ជាអ្នកគាំទ្រ និងអាចឈាន ទៅចាប់យកទីផ្សារ សិល្បៈបាននាពេលអនាគត។</span></p>
<p><span style="color: #000000;">ជាក់ស្តែងបើក្រឡេក ទៅមើលតារាចម្រៀងស្រី មួយរូបរបស់ខ្មែរ គឺអ្នកនាង មាស សុខសោភា ថ្វីដ្បិតតែនាង ជាតារាចាស់វស្សាបន្តិចក៏ពិតមែន ប៉ុន្តែតារាច្រៀងរូបនេះ នៅតែរក្សាបានប្រជាប្រិយភាព និងការគាំទ្រច្រើនឡើងៗ ខណៈដែលតារាប្រុស-ស្រីវ័យក្មេង និងជើងចាស់មួយចំនួន កំពុងតែបាក់ស្រុត ធ្លាក់ចុះនូវសំឡេងគាំទ្រ យ៉ាងកំហុកដោយសារតែភាពអំនួត តម្កើងខ្លួនវាយឫកជ្រួលហួស ដាក់ក្រសែខ្សែភ្នែកទស្សនិកជន ដែលជាអ្នកគាំទ្រ។</span></p>
<p><span style="color: #000000;">ជួបជាមួយគេហទំព័រ LookingTODAY តាមទូរស័ព្ទអ្នកច្រៀង មាស សុខសោភា បាននិយាយថា «ចាស បង ! ខ្ញុំអរគុណខ្លាំងណាស់ ដល់ពុកម៉ែបងប្អូន ដែលនៅតែបន្តការគាំទ្រ និងលើកចិត្តខ្ញុំចាប់តាំងពីដំបូង រហូតមកដល់ពេលនេះ។ ខ្ញុំបានល្បី ដោយសារមានការគាំទ្រ ពីសំណាក់ទស្សនិកជន ដូច្នោះខ្ញុំនឹងរក្សាឲ្យតម្លៃ ដល់ពួកគាត់វិញ ពោលគឺសេចក្តីគោរព ..»។</span></p>
<p><span style="color: #000000;">តារាចម្រៀងគ្រាប់ពេជ្រ របស់ផលិតកម្ម ថោន មាស សុខសោភា បាននិយាយទៀតថា «សម្រាប់ខ្លួនខ្ញុំផ្ទាល់ គិតថា ការរក្សាបាន នូវប្រជាប្រិយភាព និងការគាំទ្រ ព្រមទាំងកេរ្តិ៍ឈ្មោះល្បី ឲ្យបានស្ថិតស្ថេរបានយូរអង្វែងនោះ គឺអាស្រ័យ លើតារាខ្លួនយើងផ្ទាល់ គឺយើងទាំងអស់ ជាអ្នកសិល្បៈ ត្រូវមានចិត្តមួយ ដោយទាមទារ ប្រឹងថែរក្សាឲ្យបាន បើយើងទទួលការគាំទ្រ មានកេរ្ដិ៍ឈ្មោះល្បីហើយនោះ..»។</span></p>
<p><span style="color: #000000;">អ្នកច្រៀង មាស សុខសោភា បានបញ្ជាក់ប្រាប់ថា «ភាពចាំបាច់ដែលត្រូវតែមាននោះ គឺទី១ ការរៀបចំអត្តចរឹក ឲ្យបានសមសម្រាប់ខ្សែភ្នែក ទស្សនិកជន ជាអ្នកគាំទ្រ និងការប្រកាន់ខ្ជាប់ នូវតម្លៃអ្នកគាំទ្រ។ ទី២ ភាពទាន់សម័យ ឬហៅថា ការអាប់ឌេត( Update) ចំណុចនេះចង់និយាយថា យើងជាតារា ធ្វើយ៉ាងម៉េច ត្រូវរិះរកអ្វីដែលថ្មី និងប្លែកភ្នែក សម្រាប់អ្នកគាំទ្រ ដូចជាក្បាច់រាំ , បទចម្រៀង និងការតុបតែងខ្លួនជាដើម ប៉ុន្តែកុំឱ្យជ្រួលហួសពេក..»។</span></p>
<p><span style="color: #000000;">ជាមួយគ្នានេះអ្នកនាង មាស សុខសោភា ក៏បានបន្ថែមទៀតថា ការដែលនាងអាចរក្សាបាន ការគាំទ្រ និងកេរ្តិ៍ឈ្មោះល្បីរហូតដល់សព្វថ្ងៃនេះ គឺដោយសារតែការរៀបចំ អត្តចរឹតឫកពារ,ការឲ្យតម្លៃដល់បង ប្អូនជាអ្នកគាំទ្រ,គោរពពេលវេលា និងរើសយកគំនិត ដែលល្អៗមកអនុវត្តន៍។ មាស សុខសោភា បាន បន្តទៀតថា «បើទោះបីខ្ញុំ មានឈ្មោះល្បី ក៏ពិតមែន តែមិនដែលមានអារម្មណ៍ ឬគិតថា រើសអើង ដល់អ្នកគាំទ្រម្នាក់ ណានោះឡើយ..» ៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/28/27-28-07-2015--16-36-36.jpg"><img src="/FileManager/Articles/mce/2015/7/28/27-28-07-2015--16-36-36.jpg" alt="" /></a><br /></span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2015/7/28/26-28-07-2015--16-36-27.jpg"><img src="/FileManager/Articles/mce/2015/7/28/26-28-07-2015--16-36-27.jpg" alt="" /></a><br /></span></p>
<p style="text-align: center;"><span style="color: #000000;"><br /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2015/July/ID-141/MrMSP-0794.jpg" alt="" width="600" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2015/July/ID-141/MrMSP-0796.jpg" alt="" width="600" /></span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2015/7/28/25-28-07-2015--16-36-18.jpg"><img src="/FileManager/Articles/mce/2015/7/28/25-28-07-2015--16-36-18.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>