<p><strong>ភ្នំពេញ៖</strong> នៅសល់តែប៉ុន្មានថ្ងៃ ទៀតប៉ុណ្ណោះ តារាកំប្លែងសម្បូរ វោហារសារស័ព្ទចាក់ទឹក មិនលិច<br /> អ្នកនាង សុខ ច័ន្ទធីតា ហៅ កាតុ ត្រូវអូសវ៉ាលីត្រឡប់មក មាតុភូមិកំណើតវិញ ជាមួយតារាសម្តែង<br /> អ្នកមេម៉ាយក្តៅស្រួយ កែវ នីសា ។ បើគិតមកដល់ពេលនេះ មានរយៈពេល ២ខែមកហើយ ដែល<br /> កាតុ ជាមួយ កែវ នីសា បានជិះយន្តហោះ ទៅសម្តែងនៅលើទឹកដី សម្បូរដុល្លារសហរដ្ឋអាមេរិក ។</p>
<p>ខណៈកំពុងតែសម្តែង នៅលើទឹកដីសហរដ្ឋអាមេរិក និងជិតដល់ថ្ងៃត្រូវត្រឡប់ មកមាតុភូមិកំណើត<br />វិញ តារាកំប្លែងស្រីមាត់ ដាចប៉ប៉ាច់ប៉ប៉ោច សម្បូរ ទេពកោសល្យ នៅក្នុងពិភពសិល្បៈ រូបនេះ ត្រូវ<br />បានអ្នកដែលរស់នៅលើ ទឹកដីអាមេរិក លួចបង្ហើបប្រាប់ Looking TODAY ឲ្យដឹងថា កាតុ បានធ្វើ<br />ឲ្យប្រុស ៗ នៅសហរដ្ឋអាមេរិក ជ្រួលច្របល់ និងជ្រួលជ្រើម ក្នុងចិត្តគ្រប់ៗគ្នា ។</p>
<p>ប្រភពដដែល បានបង្ហើបទៀតថា មូលហេតុដែល អ្នកនាង សុខ ច័ន្ទធីតា ហៅ កាតុ ធ្វើឲ្យប្រុសៗ <br />ជ្រួលជ្រើម និងជ្រួលច្របល់ក្នុងចិត្ត ដោយសារនាង បានប្រកាសប្រាប់ អ្នកនៅទីនោះថា នាងជិត<br />ដល់ថ្ងៃត្រឡប់មកស្រុកកំណើត ប្រទេសកម្ពុជាវិញហើយ ។ មិនត្រឹមតែប្រុសៗ ប៉ុណ្ណោះទេ សូម្បី<br />តែស្រីៗ ដែលជាជនជាតិខ្មែរ រស់នៅលើទឹកដី សហរដ្ឋអាមេរិក ក៏បានសម្តែងអារម្មណ៍នឹករឭកផង<br />ដែរ នៅពេលពួកគេ បានដឹងថា កាតុ និង កែវ នីសា ត្រូវត្រឡប់មក ប្រទេសកម្ពុជាវិញ ក្នុងពេល<br />ឆាប់ៗនេះ។</p>
<p>បើតាមប្រភពពីអ្នករស់នៅសហរដ្ឋអាមេរិក និងជាអ្នកស្និទ្ធស្នាលកាតុ បានប្រាប់គេហទំព័រ Looking<br /> TODAY ថាបងប្អូនខ្មែររស់នៅសហរដ្ឋអាមេរិក ព្រមទាំងជនជាតិអាមេរិកផ្ទាល់ មានការគាំទ្រចំពោះ<br />សិល្បករ សិល្បការិនីខ្មែរ យ៉ាងខ្លាំង។ ជាក់ស្តែងដូចជានាង កាតុ និង កែវ នីសា ជាដើម គឺគេគាំទ្រ<br /> អ្នកទាំងពីរជាច្រើន ហើយនៅពេលដែលពួកគេដឹងថា អ្នកទាំងពីរ (កាតុ និង នីសា) ត្រូវត្រឡប់មក<br />កម្ពុជាវិញ នៅក្នុងខែមិថុនានេះ បងប្អូនខ្មែរ រស់នៅសហរដ្ឋអាមេរិក ក៏មានគម្រោងធ្វើពិធីជួបជុំ ញ៉ាំ<br />អាហារជាមួយគ្នា ដើម្បីជូនដំណើរ អ្នកទាំងពីរផងដែរ ។</p>
<p>ប្រភពដដែលបានបង្ហើបថា បើទោះបីជាគេដឹងថា កាតុ មានប្តីរួចហើយក្តី ក៏មានប្រុសៗ នៅសហ<br />រដ្ឋអាមេរិក នៅតែតាមស្រឡាញ់ស្អិត និងសុំនាងរាំជាមួយដែរ ។ តែចំពោះ កាតុ វិញ គឺនាងហាក់<br />ធ្វើធម្មតាៗ មិនមានអ្វីប្រែប្រួលនោះទេ ពោលគឺនាងនៅតែនិយាយលេង បែបកំប្លែង និងរាប់អាន<br />ធម្មតា គ្មានអ្វីស៊ីជំរៅនោះទេ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-099/v_0179.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-099/v_0177.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-099/v_0180.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-099/v_0178.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>