<p><span style="color: #000000;"><strong>(ភ្នំពេញ)៖</strong> មានហេតុការណ៍មួយកើតឡើងនៅវេលាម៉ោង៨យប់ថ្ងៃទី០៤ ខែកញ្ញា ឆ្នាំ២០១៦ ស្ថិតនៅភូមិព្រៃទា សង្កាត់ចោមចៅ ខណ្ឌពោធិ៍សែនជ័យ គឺប្រជាពលរដ្ឋនាំគ្នាកាត់ទោស ទៅលេីបុរសម្នាក់ដោយចោទប្រកាន់ថា បានចូលលួចទូរស័ព្ទដៃ ក៍នាំគ្នាចាប់វៃរហូតដល់សន្លប់។</span></p>
<p><span style="color: #000000;">បុរសដែលត្រូវបានគេចោទប្រកាន់នោះមានឈ្មោះ អៀង តារា អាយុ៣០ឆ្នាំ បានត្រឹមទួកសាច់ បន្ទាប់ពីបងប្អូនប្រជាពលរដ្ឋ ទាត់និងធាក់រហូតដល់សន្លប់។</span></p>
<p><span style="color: #000000;">តាមប្រភពពីកន្លែងកេីតហេតុបានឲ្យដឹងថា បុរសខាងលើរងការចោទប្រកាន់ថា បានចូលលួចទូរស័ព្ទគេនៅត្រង់ចំណុចភូមិព្រៃទា សង្កាត់ចោមចៅ ម្ចាស់តាមទាន់ស្រែកចោរ ធ្វើឲ្យពលរដ្ឋក្បែរខាង ចេញមកស្វាគមន៍ មួយដៃមួយជើង កប់ភក់របួសធ្ងន់ ហើយសមត្ថកិច្ចមូលដ្ឋានបានត្រឹមតែអន្តរាគមន៍ ជួយហៅរករថយន្តសង្រ្គោះ ឲ្យជួយសង្រ្គោះជនរងគ្រោះតែប៉ុណ្ណោះ។</span></p>
<p><span style="color: #000000;"> តែចំពោះដើមបណ្តឹងវិញ ពុំបានចេញមុខមកអះអាងឡើយ ធ្វើឲ្យជនសង្ស័យប្រែក្លាយទៅជាជនរងគ្រោះ ។</span></p>
<p><span style="color: #000000;">ដោយឡែកសមត្ថកិច្ចវិញ បានត្រឹមតែបង្ខំឲ្យ រថយន្តសង្គ្រោះដឹកយកចេញអោយបានឆាប់ ដោយពុំបានសួររកខុសត្រូវអោយបានពិតប្រាកដឡេីយ។</span></p>
<p><span style="color: #000000;">ជួបជាមួយលោក ថេង កុសល នាយប៉ុស្តិ៍ចោមចៅ តាមទូរស័ព្ទ ជុំវិញរឿងខាងលើ នេះក្រោយពីគ្មានអ្នកណាម្នាក់ចេញមុខ មកដាក់ពាក្យបណ្តឹង លោកបានប្រាប់ឲ្យដឹងថា ចាំមើលសិន ។ បុរសខាងលើបានត្រឹមដេកសម្រាកពេទ្យ ទាំងពុំដឹងមូលហេតុណាមួយឲ្យច្បាស់លាស់ឡើយ។</span></p>
<p><span style="color: #000000;"><img src="http://image.freshnewsasia.com/2016/020/fn-2016-09-04-22-59-35-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/020/fn-2016-09-04-22-59-36-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/020/fn-2016-09-04-22-59-36-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/020/fn-2016-09-04-22-59-36-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/020/fn-2016-09-04-22-59-36-4.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>