<div class="article-content">
<p><strong>ភ្នំពេញ ៖</strong> ជនសង្ស័យចំនួន៣នាក់ ក្នុង នោះមានស្ដ្រីម្នាក់ជាភរិយា ត្រូវបានកម្លាំង នគរបាល<br /> ខណ្ឌពោធិ៍សែនជ័យ បង្ក្រាបទាំងយប់ ព្រមទាំងរឹបអូសបានកាំភ្លើងអាការ ចំនួន២ដើម ដែល<br />ក្រុមចោរទាំងនេះ ត្រូវបានសមត្ថកិច្ចអះអាងថា ធ្លាប់ធ្វើសកម្មភាពបាញ់ប្លន់ ក្នុងរាជធានីភ្នំពេញ<br /> និងតាមបណ្ដាខេត្ដជាច្រើនដង ជាពិសេសការធ្វើសកម្មភាពប្លន់នៅក្នុងខេត្ដព្រៃវែង ទីកន្លែង<br />កំណើតរបស់ខ្លួន ។</p>
<p>ការបង្ក្រាបក្រុមចោរប្លន់ ដែលសមត្ថកិច្ច ហៅពួកវាថា ជាក្រុមអាម៉ាប់និងអាម៉ុក បានធ្វើឡើងនៅ<br />សង្កាត់ត្រពាំងក្រសាំង ខណ្ឌ ពោធិ៍សែនជ័យ ចាប់ពីវេលាម៉ោង២យប់ រំលង អាធ្រាត្ររហូតដល់<br />ម៉ោង៥ទាបភ្លឺ បន្ទាប់ពីក្រុមចោរទាំងនេះ ប្រុងចេញធ្វើសកម្មភាពប្លន់ បើមិននៅក្នុងទឹកដីខណ្ឌ<br />ពោធិ៍សែនជ័យ អាចក្នុងទឹកដីខេត្ដកណ្ដាល ប៉ុន្ដែត្រូវបានបង្ក្រាបទាន់ពេលវេលា។</p>
<p>ប្រតិបត្ដិការបង្ក្រាបក្រុមចោរប្លន់អាការ ក្នុងនោះមានទាំងស្ដ្រី ជាភរិយាម្នាក់ផងដែរនោះ បានធ្វើ<br />ឡើង ក្រោមការដឹកនាំបញ្ជា ផ្ទាល់ពីសំណាក់អធិការនគរបាលខណ្ឌពោធិ៍ សែនជ័យ លោកប៊ន<br /> សំអាត ,អធិការរង ទទួលផែនព្រហ្មទណ្ឌ និងមានការសហការ ក៏ដូចជាការផ្ដល់ព័ត៌មានពីសំ<br />ណាក់កម្លាំងសមត្ថកិច្ចខេត្ដព្រៃវែង បន្ទាប់ពីក្រុមចោរទាំងនេះ បានធ្វើសកម្មភាពប្លន់នៅទីនោះ ។</p>
<p>លោកប៊ន សំអាត ដែលអាវប្រឡាក់ ឈាមដោយសារបង្ក្រាបក្រុមចោរទាំងនេះ បានឱ្យដឹងថា<br /> ជនសង្ស័យទាំង៣នាក់ ម្នាក់ ឈ្មោះឡាយ លន់ ហៅអាម៉ាប់ និងស្ដ្រីជា ប្រពន្ធ ដែលយកកាំ<br />ភ្លើងលាក់និងម្នាក់ទៀត ឈ្មោះអាម៉ក់ ។</p>
<p>លោកប៊ន សំអាត បានបញ្ជាក់ថា នៅ វេលាម៉ោង២ទាបភ្លឺ ចូលថ្ងៃទី២១ ខែឧសភា ឆ្នាំ២០១៣<br /> កម្លាំងនគរបាលរបស់លោក បានឃាត់ខ្លួន ជនសង្ស័យឈ្មោះម៉ក់ រួចហើយបន្ដទៅឃាត់ខ្លួន<br /> ជនសង្ស័យឈ្មោះម៉ាប់ និងស្ដ្រីជាប្រពន្ធ ពេលកំពុងនៅក្នុងផ្ទះជួល ហើយជនសង្ស័យ រូបនេះ<br /> កម្លាំងនគរបាល ៤-៥នាក់ ស្ទើរតែ ចាប់វាមិនជាប់នោះឡើយ។</p>
<p>មន្ដ្រីនគរបាលព្រហ្មទណ្ឌមួយរូបបានឱ្យដឹងថា ក្រុមចោរប្លន់កាំភ្លើងអាការទាំងនេះ ធ្លាប់ធ្វើ<br />សកម្មភាពប្លន់ មិនក្រោម១០ខេត្ដ នោះឡើយ ដូចជារាជធានីភ្នំពេញ ខេត្ដ កំពង់ចាម និងខេត្ដ<br />ព្រៃវែងជាដើម ហើយ បក្ខពួករបស់វា ត្រូវបានកម្លាំងនគរបាល រាជធានីភ្នំពេញ ចាប់ខ្លួនបាន<br />ជាបន្ដបន្ទាប់ ផងដែរ ។</p>
<p>មន្ដ្រីនគរបាលព្រហ្មទណ្ឌរូបនេះបានបន្ដ ថា ក្រោយពីមានការបញ្ជារបស់លោកស្នង ការជួន <br />សុវណ្ណ និងស្នងការរង លោកជួន ណារិន្ទ ទើបកម្លាំងនគរបាលជំនាញព្រហ្មទណ្ឌ និងកម្លាំង<br />នគរបាលខណ្ឌពោធិ៍សែនជ័យ បានធ្វើការបង្ក្រាបទាំង៣នាក់តែម្ដងទៅ ។</p>
<p>លោកប៊ន សំអាត បានបញ្ជាក់ថា ប្រតិ បត្ដិការបង្ក្រាបក្រុមចោរប្លន់អាការ ដោយ មិនបានដេក<br />មិនបានពួនរបស់កម្លាំងនគរ បាល លោក ជាស្នាដៃថ្មីមួយទៀត និងចូល រួមកាត់បន្ថយសកម្ម<br />ភាពប្លន់ប្រដាប់អាវុធ មិនមែនតែក្នុងរាជធានីភ្នំពេញនោះឡើយ ប៉ុន្ដែកាត់បន្ថយបទល្មើសនៅ<br />តាមបណ្ដាខេត្ដផងដែរ ។</p>
<p>អធិការនគរបាលរូបនេះ បានបញ្ជាក់ថា ដោយសារតែកម្លាំងសមត្ថកិច្ចរបស់លោក ចុះល្បាត<br />តាមមូលដ្ឋានទាំងយប់នោះ ទើប ធ្វើឱ្យពួកវា មិនមានឱកាសចេញប្លន់ ហើយ ក្រោយពីការ<br />ស្រាវជ្រាវតាមជំនាញរបស់ខ្លួន ទើបឈានទៅដល់ការបង្ក្រាបបានទាំង៣នាក់តែម្ដង ។</p>
<p>បច្ចុប្បន្នជនសង្ស័យទាំង៣នាក់ខាងលើ នេះ ត្រូវបានកម្លាំងនគរបាលខណ្ឌពោធិ៍សែនជ័យ ប្រគល់ជូនកម្លាំងនគរបាលការិយាល័យព្រហ្មទណ្ឌកម្រិតធ្ងន់រាជធានីភ្នំពេញ ដើម្បីកសាង<br />សំណុំរឿងបញ្ជូនទៅកាន់តុលាការ ចាត់ការតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0633.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0631.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0634.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0635.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0632.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0650.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0651.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0652.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>