<p><span style="color: #000000;">ក្រុមហ៊ុនអេឡិចត្រូនិចកូរ៉េខាងត្បូង Samsung បានបញ្ជាក់ថា នឹងធ្វើការបង្ហាញណែនាំ Galaxy S7 និង Galaxy S7 Edge នៅថ្ងៃទី២១ ខែកុម្ភៈ ឆ្នាំ២០១៦ នៅទីក្រុងបាសេឡូណា ប្រទេសអេស្បាញ។</span></p>
<p><span style="color: #000000;"><a class="thickbox" title="" href="/FileManager/Commons/2016/2/3/1491968-03-02-2016--10-13-10.jpg"><img src="/FileManager/Articles/mce/2016/2/3/1491968-03-02-2016--10-13-10.jpg" alt="" /></a> តាមគេហទំព័របច្ចេកវិទ្យា Android Authority ក្នុងពេលដែល Galaxy S6 និង S6 Edge មានការ ផ្លាស់ប្តូរស្តីពីការរចនាម៉ូត បើប្រៀបនឹងបណ្តាឆ្នាំមុនៗរបស់ Samsung ប៉ុន្តែជំនាន់ Galaxy S7 និង S7 Edge ឆ្នាំនេះ អាចនឹងមិនមានការផ្លាស់ប្តូរ អ្វីច្រើនទេ ស្តីពីការរចនាម៉ូត បើប្រៀបនឹងជំនាន់មុន នេះ។ </span></p>
<p><span style="color: #000000;">ភាគច្រើននៃព័ត៌មានចចាមអារ៉ាមកាលពីពេលមុននេះ សុទ្ធតែបានឲ្យដឹងថា ក្រៅតែពីការបន្ថែមឲ្យ មានរន្ធដោតកាតមេម៉ូរីក្រៅ microSD (ហើយលទ្ធភាពច្រើនអាច មានសមត្ថភាពការពារជម្រាបទឹក) សម្រាប់ការរចនាម៉ូតរបស់ Galaxy S7 នៅតែរក្សាដូចគ្នា បើប្រៀបជាមួយនឹង Galaxy S6។ ជាក់ស្តែង បើតាមរូបភាពចចាមអារ៉ាមថ្មីៗបំផុតនេះ ដែលបង្ហាញឲ្យឃើញពីផ្នែកខាងក្រោយរបស់ កំពូលស្មាតហ្វូន Galaxy ថ្មី ដែល @evleaks ទើបតែបានបង្ហោះនៅលើបញ្តាញសង្គម ក៏បានបញ្ជាក់ បង្ហាញឲ្យយើងបានឃើញ ពីបញ្ហានេះផងដែរ។ </span></p>
<p><a class="thickbox" title="" href="/FileManager/Commons/2016/2/3/galaxy-s7-mwc-03-02-2016--10-13-25.jpg"><img src="/FileManager/Articles/mce/2016/2/3/galaxy-s7-mwc-03-02-2016--10-13-25.jpg" alt="" /></a></p>
<p><span style="color: #000000;">និយាយរួម ការរចនាម៉ូតរបស់ Galaxy S7 និង S7 Edge នៅតែមានលំនាំដូចស៊េរីមុន ប៉ុន្តែយើងមិន អាចនិយាយថា វាអាក្រក់នោះទេ ជាក់ស្តែង Galaxy S6 ត្រូវបានគេដឹងថា វាជាស្មាតហ្វូនស្អាតមួយ ក្នុងចំណោមស្មាតហ្វូនស្អាតៗមួយចំនួនទៀត ក្នុងឆ្នាំ២០១៥។ ប្រហែលជាចំនុចលេចធ្លោបំផុតនៃ កំពូកស្មាតហ្វូនជំនាន់បន្ទាប់របស់ Samsung គឺស្ថិតនៅលើ Hardware ផ្នែកខាងក្នុង៕</span></p>
<p><a href="http://www.camnews.com.kh/News/Detail/41111/nokia-earned-us--25-billion-from-samsung-in-the-years-2015-2018"><span style="color: #0000ff;"><em>- អានអត្ថបទ៖ Nokia ទទួលបាន ២,៥ពានលានដុល្លារ នៃប្រាក់លើប័ណ្ណប៉ាតង់ពី Samsung ពីឆ្នាំ ២០១៥ ដល់ ២០១៨</em></span></a><br /><span style="color: #000000;"><a href="http://www.camnews.com.kh/News/Detail/30161/bluboo-xfire-2-cheap-smartphoen-with-finger-print"><span style="color: #0000ff;"><em>- អានអត្ថបទ៖ រកនៅណាបាន ស្មាតហ្វូនអេក្រង់ ៥អ៊ីន សំបកលោហធាតុ មានស្គែនក្រយៅដៃ រូបរាងស្អាត តម្លៃតែ ៦០ ដុល្លារ</em></span></a></span></p>
<p style="text-align: right;"> </p>
<p style="text-align: right;">ប្រែសម្រួល៖ មង្គល<br />ប្រភព៖ <em>@evleaks, VR</em></p>
<p><strong style="line-height: 1.4;"></strong></p>