<div class="item-page">
<p><span style="color: #000000;"><strong>(បាងកក)៖</strong> ប្រទេសថៃអាចនឹងប្រឈមនឹងគ្រោះទឹកជំនន់ជាថ្មីម្ដងទៀត បន្ទាប់ពីមនុស្សយ៉ាងហោចណាស់ ៤១នាក់បានស្លាប់នៅក្នុងគ្រោះទឹកជំនន់ ដែលបង្កឡើងដោយភ្លៀងធ្លាក់ខ្លាំងកាលពីសប្ដាហ៍មុន នៅតំបន់ភាគខាងត្បូងនៃប្រទេស។ នេះបើតាមសេចក្តីប្រកាសរបស់ក្រសួងឧតុនិយមថៃ ចុះផ្សាយបន្តដោយសារព័ត៌មាន Bangkok Post នៅរសៀលថ្ងៃចន្ទ ទី១៦ ខែមករា ឆ្នាំ២០១៧។</span></p>
<p><span style="color: #000000;">ក្រសួងឧតុនិយមថៃក៏បានឱ្យដឹងដែរថា ភ្លៀងធា្លក់ខ្លំាងអាចនឹងចាប់ផ្ដើមធ្លាក់ពីថ្ងៃចន្ទសប្តាហ៍នេះរហូតដល់ថ្ងៃពុធ ខណៈអ្នកនាំពាក្យរដ្ឋាភិបាលថៃបាននិយាយថា នាយករដ្ឋមន្ត្រីលោក ប្រាយុទ្ធ ចាន់អូចា បានបញ្ជាឱ្យក្រុមមន្ត្រីរបស់លោកចាត់វិធានការទប់ទល់នឹងគ្រោះទឹកជំនន់ បង្កឡើងដោយភ្លៀងធ្លាក់ខ្លំាងដែលអាចនឹងកើតឡើងនៅខេត្តភាគខាងត្បូងប្រទេស ព្រមទាំងផ្ដល់ព័ត៌មានដល់ប្រជាជននៅក្នុងតំបន់ឱ្យមានការប្រុងប្រយ័ត្នខ្ពស់ ក៏ដូចជាតាមដានជានិច្ចនូវរាល់ព័ត៌មានបន្ទាន់ និងសេចក្ដីប្រកាសរបស់រដ្ឋាភិបាលស្ដីពីការព្យាករណ៍អាកាសធាតុ។</span></p>
<p><span style="color: #000000;">គួរបញ្ជាក់ថា នៅក្នុងខេត្ត Surat Thani ក្រុមអាជ្ញាធរថៃកំពុងធ្វើអធិការកិច្ចនៅកសិដ្ឋានចិញ្ចឹមសត្វក្រពើជាង ៤២កន្លែងនៅក្នុងស្រុកចំនួន ០៧ ដោយខ្លាចក្រែងសត្វក្រពើច្រើនជាង ៤,០០០ក្បាលរួចពីចេញពីកសិដ្ឋានទាំងនេះ នៅក្នុងករណីមានទឹកជំនន់ខ្លាំង។ គ្រោះទឹកជំនន់នៅថៃអំឡុងខែមករា ដើមឆ្នាំបែបនេះ គឺមិនធ្លាប់កើតមាននោះឡើយពីមុនមក៕</span></p>
<p><span style="color: #000000;"><img src="http://image.freshnewsasia.com/2017/fn-2017-01-16-15-36-19-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-01-16-15-36-19-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>