<p> </p>
<p>បើទោះជាតម្លៃរបស់ Facebook នៅផ្សារហ៊ុនបានធ្លាក់ចុះក្នុងរយៈពេលកន្លងក៏ដោយ ប៉ុន្ដែ<br />ប្រាក់ខែរបស់អ្នកដឹកនាំមួយចំនួននៅក្រុមហ៊ុននេះ នៅតែមានកម្រិតខ្ពស់។</p>
<p>ជាមួយគ្នានឹងស្ថាបនិក និងជា CEO របស់ Facebook Mark Zuckerberg ដែលមានប្រាក់ ១៩<br />ពាន់លានដុល្លារ ក្រុមបុគ្គលិក និងថ្នាក់ដឹកនាំនៅ Facebook ក៏មានប្រាក់ខែ និងរបបលើកទឹក<br />ចិត្តយ៉ាងល្អប្រសើរ បើធៀបនឹងស្ថានភាពរួមរបស់សង្គមនៅក្នុងពេលពិភពលោកកំពុងប្រឈម<br />នឹងបញ្ហាសេដ្ឋកិច្ចដូចបច្ចុប្បន្ន។</p>
<p><a class="thickbox" title="" href="/FileManager/Commons/2012/6/6/facebook-employee-06-06-2012--15-37-58.jpg"><img src="/FileManager/Articles/mce/2012/6/6/facebook-employee-06-06-2012--15-37-58.jpg" alt="" width="463" height="258" /></a></p>
<p>ទំព័រ Business Insider បានយកព័ត៌មានពីគេហទំព័រ Glassdoor ដើម្បីបង្កើតជាចំណាក់ថ្នាក់<br />សម្រាប់តួនាទីដែលត្រូវបានគេផ្ដល់ប្រាក់ខែខ្ពស់បំផុតនៅ Facebook។ ក្នុងនោះ វិស្វករផ្នែក<br />Software ជាន់ខ្ពស់ ត្រូវបានគេផ្ដល់អទិភាពខ្ពស់ជាងគេ ជាមួយប្រាក់ខែ ១៣២.៥០៣ដុល្លារ<br />ក្នុងមួយឆ្នាំ។</p>
<p>ក្រុមវិស្វករ Software ឬ Programmer គឺជាបុគ្គលិកដែលមានតម្លៃបំផុត ព្រោះថា ពួកគេអាច<br />ធ្វើអោយគំនិតស្រមៃរបស់ Zuckerberg និងគណៈគ្របគ្រងរបស់ក្រុមហ៊ុនក្លាយជាការពិត។</p>
<p>បុគ្គលិកគ្រប់គ្រងផលិតផល ឈរលំដាប់លេខពីរក្នុងតារាងដែលត្រូវផ្ដល់ប្រាក់ខែខ្ពស់នៅក្រុម<br />ហ៊ុន Facebook គឺ ១៣០.១៤៣ដុល្លារ/ឆ្នាំ។ ពួកគេគឺជាអ្នកទទួលខុសត្រូវ ក្នុងការតភ្ជាប់ផ្នែក<br />និមួយៗរបស់ Facebook គ្រប់គ្រងផលិតផលដូចជាកម្មវិធី ជជែក ឬ Timeline ដែលត្រូវបាន<br />បង្កើតឡើងដោយក្រុមជំនាញ និងធានាអោយ Facebook ដំណើរការបានល្អ។</p>
<p>កត្តាសំខាន់មួយទៀតដែលអាចធ្វើអោយ Facebook បានជោគជ័យ នោះគឺបុគ្គលិកទទួលខុស<br />ត្រូវផ្នែក Interface។ Zuckerberg បានផ្ដល់ប្រាក់ខែដល់វិស្វករដែលធ្វើការបានល្អបំផុត នោះ<br /> គឺ ១២៩.១៣៦ដុល្លារ/ឆ្នាំ ដើម្បីធានាថា គេហទំព័រមានភាពទាក់ទាញអ្នកប្រើប្រាស់ជានិច្ច។</p>
<p>តំណែងបន្ដបន្ទាប់ទាំងបី មានប្រាក់ខែប្រហាក់ប្រហែល ១២៣.០០០ដុល្លារ/ឆ្នាំបានទៅលើអ្នក<br />ស្រាវជ្រាវ គ្រប់គ្រងបច្ចេកទេស និងវិស្វករកុំព្យូទ័រ។ ក្រុមអ្នកស្រាវប្រើប្រាស់វិធីសាស្ដ្រប្រកប<br />ដោយវិទ្យាសាស្ដ្រដើម្បីរកអោយថា ផ្នែកណាមួយកំពុងដំណើរការល្អ និងផ្នែកណាមួយខូច។<br /> ចំណែកក្រុមអ្នកគ្រប់គ្រងបច្ចេកទេស ត្រូវបានស្នើអោយបង្កើត និងគ្រប់គ្រងវិស្វករមួយក្រុម ដែលធ្វើការជាមួយផលិតផលជាក់ស្ដែង។</p>
<p>ឈរលំដាប់ទាបជាងគេក្នុង "តារាងចំណាក់ថ្នាក់" គឺបុគ្គលិកផ្នែកគណនី ដែលពួកគេទទួល<br />បានប្រាក់ខែ ៦២.១២៤ដុល្លារ/ឆ្នាំ។ ការងាររបស់ពួកគេគឺធានាអោយបាននូវភាពទាក់ទាញ<br />របស់ Facebook ចំពោះអ្នកមកផ្សាយពាណិជ្ជកម្ម។ ទោះជាយ៉ាងនេះក្ដី ប្រាក់ខែរបស់ពួកគេ<br />ក៏នៅតែខ្ពស់ជាងក្រុមហ៊ុនបច្ចេកវិទ្យាដទៃ។ នេះគឺជាគោលការណ៍របស់ Facebook ដើម្បី<br />ទាក់ទាញអ្នកមានសមត្ថភាព នៅក្នុងការប្រកួតប្រជែងជាមួយ ក្រុមហ៊ុនធំៗ ដូចជា Google ជាដើម។</p>
<p><em>ខាងក្រោមនេះគឺជាតារាងនៃប្រាក់ខែដែលត្រូវផ្ដល់ជូននៅក្រុមហ៊ុន Facebook ដែលគេហទំព័រ</em><br /><em> Business Insider បានបង្ហើបអោយដឹងកាលពីពេលថ្មីៗនេះ ៖ </em></p>
<p>១.វិស្វករ Software ជាន់ខ្ពស់ ៖ ១៣២.៥០៣ដុល្លារ/ឆ្នាំ</p>
<p>២.គ្រប់គ្រងផលិតផល ៖ ១៣០.១៤៣ដុល្លារ/ឆ្នាំ</p>
<p>៣.វិស្វករគ្រប់គ្រង Interface ៖ ១២៩.១៣៦ដុល្លារ/ឆ្នាំ</p>
<p>៤.វិស្វករកុំព្យូទ័រ ៖ ១២៣.៣៧៩ដុល្លារ/ឆ្នាំ</p>
<p>៥.អ្នកគ្រប់គ្រងបច្ចេកវិទ្យា ៖ ១២៣.៣៧៩ដុល្លារ/ឆ្នាំ</p>
<p>៦.អ្នកស្រាវជ្រាវ ៖ ១២៣.៣០៨ដុល្លារ/ឆ្នាំ</p>
<p>៧.វិស្វករ Network ៖ ១២១.៥០០ដុល្លារ/ឆ្នាំ</p>
<p>៨.អ្នកគ្រប់គ្រងពាណិជ្ចកម្ម ៖ ១១៥.០០០ដុល្លារ/ឆ្នាំ</p>
<p>៩.វិស្វករផ្នែកកម្មវិធី ៖ ១១១.៥៦២ដុល្លារ/ឆ្នាំ</p>
<p>១០.វិស្វករផ្នែករចនា ៖ ១០០.០០០ដុល្លារ/ឆ្នាំ</p>
<p>១១.គ្រប់គ្រងគម្រោង ៖ ៩៨.៣០២ដុល្លារ/ឆ្នាំ</p>
<p>១២.វិស្វករផ្នែកប្រតិបត្តិ ៖ ៨២.៦២៦ដុល្លារ/ឆ្នាំ</p>
<p>១៣.អ្នកជ្រើសរើសបុគ្គលិក ៖ ៨០.៥៨០ដុល្លារ/ឆ្នាំ</p>
<p>១៤.វិស្វករផ្នែកសុវត្ថិភាព ៖ ៨០.៤១៣ដុល្លារ/ឆ្នាំ</p>
<p>១៥.រចនាផលិផល ៖ ៧៩.០០០ដុល្លារ/ឆ្នាំ</p>
<p>១៦.បុគ្គលិកគណនី ៖ ៦២.១២៤ដុល្លារ/ឆ្នាំ</p>
<p style="text-align: right;"> </p>
<p style="text-align: right;">ដោយ ៖ សូរីយ៉ា<br />ប្រភព ៖ mediabebas</p>
<p> </p>